San Lucas 7:39 - Bible in Tzotzil de Chamula

³⁹ C'alal jech laj yil ti fariseo ti buch'u yic'oj batel ti Jesuse, xi laj snope: “Ti meleluc ja'uc jun yaj'alc'op ti vinic li'e, ta xa'i jechuc ti ta xpocbat yoc yu'un jun jovil antse.”

Tzotzil Zinacantan

³⁹ Ti cꞌalal iyil ti muchꞌu iꞌicꞌvan ta veꞌele, “Ti jaꞌuc yajꞌalcꞌop Riox li vinic liꞌi, snaꞌoj ti chopol cꞌusitic tspas li ants ti chpicone”, xi la isnop ti jfariseoe.

LEQUIL ACH' C'OP

³⁹ Ti c'alal iyil ti jfariseoe ja' ti much'u iyic' ta ve'el ti Jesuse, ja' yech isnop chac li'i: «Ti ja'uc yaj'alc'op Riox ta melel li vinic li'i, sna'oj c'u x'elan stalel li ants ti much'u chpicone: ti ja' jun ants ti muc'bu lec stalel scuxlejale.» Xi ta yo'on.

Bible in Tzotzil de Chenalhó with Deuterocanon

³⁹ C'alal laj yil li fariseo ti yic'oj ta ve'el Jesuse, jech laj yal ta yo'nton: “Ti ja'uc yaj'alc'op Dios ta melel li vinic li'i, sna' c'usi yabtel, c'u x'elan stalel li antse, yu'un ja' jmulavil ants”, xi.

Tzotzil San Andres

³⁹ Cꞌalal iyil li jfariseoe, jaꞌ li buchꞌu laj yicꞌ ta veꞌel li Jesuse, jech iyal ta yoꞌon: “Ti jaꞌuc li buchꞌu ta xal scꞌop Dios li vinic liꞌi, snaꞌ ti jaꞌ jmulivajel li ants ti jechuque”, xi.

Tzotzil de Huixtán

³⁹ C'alal laj sq'uel ti fariseoe, ja' ti much'u laj yic' ochel ti sna ti Jesuse, hech laj yal ti yo'nton: “Ti ja'uc bats'i j'alc'op yu'un ti Diose ti vinic li'to, sna' ti jmulavil ti ants li'to ti hechuque”, xchi ti yo'nton ti fariseoe.

San Lucas 7:39 Iomraidhean Croise

2 Reyes 5:20

c'alal ti Giezi smosov ti j'alc'op Eliseoe, xi laj snope: “Ti cajvale sq'ueloj no'ox bat ti Naamán ti ja' jun sirioe. Mi ja'uc laj stsacbe comel ti c'usi yich'oj talele. Jamal xcal ta sba ta sat ti Diose, ta xba jta ta be ta anil. Jq'ueltic quic mi oy c'usi ta xiyac'bun talele.”

Proverbios 23:7

co'ol s'elan tsotsil jolil ta spac sba ta nuq'uil; ma'uc ma' ti yut xa yo'nton ta xayic' ta ve'el ta uch' vo'e.

Isaías 65:5

Xi ta xalique: ‘Tey no'ox oyan, mu xtal apicun, yu'un jelavem cutsilal ta j'ech'el.’ Ti jnaclejetic taje, co'ol s'elan c'oc' c'otemic ti ta xtil scotol c'ac'ale, ti mu ch'an xiyute, ti co'ol xa s'elan ti ch'ail ta xtal ta jni'e.

San Mateo 20:16

“Jech ta xc'ot ta stojol ti buch'utic ep abtejic ta jtojol ti yalojique, peq'uel ta xcom sc'oplalic. Ti buch'utic mu epuc abtejic ta jtojol laj ya'iique, ja' cajal sc'oplal ta xc'otic. Yepal ti buch'u ic'bilique, jun chib no'ox ti buch'u t'ujbilique.”

San Mateo 21:11

Scotolic xi ta stac'olanbe sbaique: —Ja' ti j'alc'op Jesuse ti liquem talel ta Nazaret ti oy ta Galilea banomile.

Marcos 7:21

Ti xcaltique, ta yutil o'ntonal ta xlic talel ta snopel c'usi chopol ta spas ti buch'uuc no'oxe, ta slo'lael ti jol o'ntonale, ti elec'ale, ti milvaneje,

San Lucas 12:17

‘¿C'usi xu' ta jpas? Mu'yuc xa yavil bu xu' ta jq'uej ti c'usi oy cu'une’, xi laj snop ti jc'uleje.

San Lucas 15:2

Ja'uc ti fariseoetique, ti jchanubtasvanejetic yu'un ti oy c'usi tsots albil sc'oplale, lic labanvanicuc ti xi laj yalique: —Ti vinic le'e lec ta xa'i ta xic' ta xchi'in ta ve'el ti jsa'muliletique.

San Lucas 16:3

Xi laj snop ti j'abtele: ‘¿C'usi xu' ta jpas? yu'un laj xa sjipun loq'uel ta yabtel ti ajvalile. Mu'yuc xa yipal cu'un ta yabtelanel ti banomile. Q'uexlal sba mi ta jc'an limoxnae.

San Lucas 18:4

Ti jueze ep c'ac'al mu'yuc laj yac' ta venta sc'op ti ants yo' ta xchapane. Ta ts'acal to xi laj snope: ‘Ac'o mi mu xi'ta ti Diose, mi ja'uc ta xi'ta ti jnaclejetic ta banomile,

San Lucas 3:8

Vinajuc ta j'ech'el ti oyuc slequil yutsil ti c'usi ta xapasique, ti sutemoxuc xa talel ta stojol ti Diose, ti ma'uc no'ox ti xi ta xavalique: ‘Ti vu'uncutique snitiluluncutic Abraham.’ Ta xcalboxuc ava'iic, ti tonetic li'e xu' ta xjoybij ta snitilul Abraham yu'un ti Diose.

San Lucas 7:16

Ta xi'el xa laj slequil-c'optaic Dios c'alal jech laj yilic scotolique, ti xi laj yalique: —Vul ta loq'uel jun muc' ta j'alc'op ta jtojolcutic. Tal scolta steclumal ti Diose.

San Lucas 7:37

c'alal ja' o c'ot jun jovil ants ti nacal ono'ox ta jteclume, yu'un laj ya'i ti ic'bil bat ta ve'el ti Jesús ta sna ti fariseoe. Ti ants taje, yich'oj c'otel jun jarru ti meltsanbil ta saquil tone, ti noj ta muil poxile.

San Lucas 7:38

X'oc'olet xa, lic squejan sba ta stojol ti Jesuse, ti naca ta ya'lel sat laj spocbe ti yacane. C'un to un, naca ta stsotsil sjol laj staquijesbe, laj sbuts', laj smalbe ti muil poxil ta yacan ti Jesuse.

San Lucas 7:40

Va'i un, ti Jesuse xi laj yalbe ti fariseoe: —Simón, oy c'usi ta xcalbot ava'i. —Jchanubtasvanej, albun ca'i —xi laj stac' ti fariseoe.

San Juan 4:19

C'alal laj ya'i ti va'i s'elan taje, xi laj yal ti antse: —Yojtot, ta xquil ti ja' jun j'alc'opote.

San Juan 7:12

Scotol c'u yepal oy ti jnaclejetique, xpuquet no'ox sc'oplal yu'unic. Yu'un xi ta xal ti jlome: “Ja' jun lequil vinic.” Ti jlome xi ta xalique: “Ja' jun chopol vinic, yu'un ta slo'laan ti jnaclejetique.”

San Juan 9:24

Jech o xal ti israeletique laj xcha'taic ta iq'uel ti vinic ti ma'sat to oxe, ti xi laj yalbeique: —Ta melel, albun ca'icutic ta sba ta sat ti Diose, yu'un ti vinic taje, jna'cutic ti ja' jun jsa'mulile.