San Lucas 7:25 - Bible in Tzotzil de Chamula

²⁵ Mi ma'uc une, ¿c'usi ay aq'uelic un cha'e? ¿Mi ay aq'uelic jun vinic ti jun yutsil ti sc'u' slapoje? Ti vo'oxuque xana'ic lec ti buch'utic jun yutsiquil ti sc'u' slapojique, ti mu smacbe sbaic c'usi xal ti yo'ntonique, oyic ta sna ti ajvaliletique.

Tzotzil Zinacantan

²⁵ Yajꞌalcꞌop Riox ay aqꞌuelic. Avilic ti muc bu lec stsꞌacubtasoj sbae. Ti muchꞌutic stsꞌacubtasoj sbaique, ti mu cꞌu meꞌanal chaꞌiique, jaꞌ li preserenteetique yuꞌun jcꞌulejetic.

LEQUIL ACH' C'OP

²⁵ Ti mi ma'uque, ¿c'usi ay aq'uelic un bi? ¿Mi ja' ay aq'uelic jun vinic ti lequic ta jmec sc'u' spoq'ue? Li vo'oxuque ana'ojic ti much'utic lequic sc'u' spoq'uique ti mu xa c'usi palta cha'iique ja' no'ox ti much'utic teyic ta sna li muc'ta jyu'ele.

Bible in Tzotzil de Chenalhó with Deuterocanon

²⁵ ¿Boch'o ay aq'uelic cha'e? ¿Me ja' ay aq'uelic li boch'o toj lequic sc'u' spoc' slapoje? A'yo ava'yic, li boch'o toj lequic sc'u' spoc' tslapique ja' li boch'o te oyic ta spasubmantal ajvaliletique.

Tzotzil San Andres

²⁵ Avilic ti muꞌyuc lec scꞌuꞌe. Yuꞌun li buchꞌutic ti toj lec scꞌuꞌique, jaꞌ li buchꞌutic te oyic ta sna ajvaliletique.

Tzotzil de Huixtán

²⁵ Laj avilic ti ma'uc ti much'u tslap lec sc'u' spoc' ti c'alal na'ayique. Yu'un ti much'utic tslap lec sc'u' spoq'uique te nacajtic ti sna ajvaliletic. Mu'yuc palta cha'yic yu'un scotol oy yu'unic.

San Lucas 7:25 Iomraidhean Croise

2 Samuel 19:35

Yu'un quich'oj xa chanvinic (80) jabil. Ti c'usi ta jtun ta jlajese, ti c'usi ta xcuch'e, mu xa xca'i mi oy to smuil, mi ch'abal xa. ¿Mi ta to la xca'i avaloj ti c'u s'elan ta xq'uejinic ti jq'uejimoletique, ti me' jq'uejimoletique? Mu xa jc'an xcac'be svocol ti Jcuch abtele.

1 Reyes 10:5

ti c'u s'elan yutsiquil ti sve'el ta slajes ti oy ta sba xmexae, ti c'u s'elan yutsil snaic ti yaj'opisialtaque, ti c'u s'elan oyique, ti c'u s'elan ti sc'u'ic ti yajtuneltaque, ti jbis uch'ubajele, ti ta xac' ti chic'bil matanal ta ch'ulnae, ch'ayal yo'nton ta xc'ot xchi'uc.

2 Reyes 1:8

Xi laj staq'uic ti stuquique: —Jun vinic ti lec pim stsotsil ti smacobil sic yu'une, xchuquinoj nucul. —¡Ma' taje, ja' ti Elías ti liquel talel ta Tisbee! —xi avan ti ajvalile.

Ester 1:11

Laj yalbeic mantal ti yiq'uicuc talel ta stojol ti me' ajvalil Vasti ti c'upiluc sba xchi'uc ti sronail sjole, yo' jech ti jteclume xchi'uc ti buch'utic cajal yabtel yich'ojique, ch'ayaluc c'otuc yo'ntonic yu'un ti xtixet no'ox yutsil ti me' ajvalile, ti c'upil sba ta j'ech'el ti me' ajvalile.

Ester 1:3

Ta yoxibal jabil stic'lej ta ajvalilal une, ti ajvalil Asueroe lic spas q'uin sventa yich'el ta muc' scotol ti yajtuneltaque, xchi'uc ti xchi'iltac ta abtel sventa ti ajvalile, ti banquilal soldado yu'un ti Persia xchi'uc ti Mediae, ti its'inal ajvaliletique, xchi'uc ti banquilaletic yu'un ti jujuchop bic'tal lumetique.

Ester 4:2

Ja' jech c'ot c'alal to ochebal ti'na yu'un ti ajvalile. Mu x'aq'ue ochuc batel ti buch'u slapoj jech c'u'il taje.

Ester 5:1

Ech' xa ox oxib c'ac'al un, ti Estere lic slap sc'u' sventa ti me' ajvalilale. Och batel ta yut na. C'ot sva'an sba ta stuq'uil bu chotol ti ajvalil ta xchotlebe, ta yeloval ti ti'nae.

Ester 8:15

Ti Mardoqueoe slapoj loc' ech'el lo'in c'u'il sventa ajvalilal ti yax'elan xyaxal xchi'uc saquile, xchi'uc jun muc' ta ronail jolal ti meltsanbil ta oroe, xchi'uc jlic xela mochib c'u' ti yax'elan stsajale. Xmuyubajic lic avanicuc scotol ti jnaclejetic ta muc' ta lum Susae.

Isaías 59:17

Co'ol s'elan macobbail sloinoj c'ot ti cuchem yu'une. Co'ol s'elan bin jolal slapoj c'ot ti colebale. Co'ol s'elan loin c'u'il slapoj c'ot ti jbel xal ta tsalvaneje. Co'ol s'elan jilich' poc' laj svol sba ti sc'ac'al yo'nton xchi'uque.

San Mateo 11:8

Mi ma'uque, ¿c'usi ay aq'uelic? ¿Mi ay aq'uelic jun vinic ti jun yutsil sc'u'e? Xana'ic lec, ti buch'u jun yutsiquil sc'u' sna' slapique, ta sna ajvaliletic ta tael.

San Mateo 3:4

Meltsanbil ta stsotsil camello sc'u' ti Juane. Nucul ti xchuque. Naca c'ulub ti sve'ele xchi'uc ti te'tical ajapome.

San Mateo 6:29

Manchuc mi jech un, ta xcalboxuc ava'iic, ja' jelavem yutsil ti nichime, ja' mu sta yutsil ti c'u s'elan laj sta ti ajvalil Salomone xchi'uc ti c'u s'elan laj slap ti sc'u'e.

San Lucas 16:19

“Oy jun jc'ulej vinic, jun yutsiquil ti sc'u' ta slape, ti jun yutsiquil ti sve'el ta slajese, ti jujun c'ac'al ta spas ti q'uine.

San Lucas 7:24

C'alal sutic ech'el yajtacbolaltac ti Juane, ti Jesuse lic yalbe ya'i sc'oplal Juan ti jnaclejetic ti xi laj yale: —¿C'usi ay aq'uelic ta xocol banomile? ¿Mi ja' jun aj ti xla'et ta jujujot yu'un ti iq'ue?

San Lucas 7:26

Ti xcaltic un cha'e, ¿c'usi ay aq'uelic ta melel? ¿Mi ja' jun j'alc'op? Ja' melel, jun j'alc'op ti x'ech' jelavem xu' yu'une, ja' mu sta ti yan j'alc'opetique.