San Lucas 6:7 - Bible in Tzotzil de Chamula

⁷ Ti jchanubtasvanejetic yu'un ti oy c'usi tsots albil sc'oplale xchi'uc ti fariseoetique, ta spa'iic ti Jesuse yo' ta sq'uelic mi ta scolesvan ta sc'ac'alil cuxob o'ntonal yo' xu' ta stabeic ta sa'bel smul.

Tzotzil Zinacantan

⁷ Tey la jayvoꞌ li muchꞌutic ta xchanubtasvanic yilel ta smantaltac Rioxe xchiꞌuc la jayvoꞌ jfariseoetic. Jaꞌ la tspaꞌiic ti Jesuse. Ta la sqꞌuelic mi oy chetꞌes chamel ta scꞌacꞌalil ta xcuxique yoꞌ la stabeic o smul ti yalojique.

LEQUIL ACH' C'OP

⁷ Tey jayvo' ti much'utic ta xchanubtasvanic ta smantaltac Rioxe xchi'uc jayvo' jfariseoetic, tey tspa'iic ti Jesuse, yu'un tsq'uelic mi chet'es chamel ta sc'ac'alil ta xcuxique yo' stabeic o smul ti yalojique.

Bible in Tzotzil de Chenalhó with Deuterocanon

⁷ Li boch'otic lec xchanojic smantal Diose xchi'uc li fariseoetique te tsq'uelilanic me chcoltavan Jesús ta sc'ac'alil ta xcux yo'ntonic, yu'un tsc'an ta sa'beic smul.

Tzotzil San Andres

⁷ Te oyic eꞌuc jayvoꞌ li buchꞌutic spꞌisoj sbaic ta jchanubtasvanej ta smantaltac li Diose, schiꞌuc jayvoꞌ jfariseoetic. Tal sqꞌuelic mi ta xcoltavan Jesús li ta scꞌacꞌalil ta xcuxique yuꞌun tscꞌan ta saꞌbeic smul.

Tzotzil de Huixtán

⁷ Te oy uc cha'vo' oxvo' ti much'utic chchanubtasvanic ti smantal ti Diose ti scuyoj sbaique xchi'uc ti fariseoetique. Te tsq'uelilanic ti Jesuse mi chcoltavan ti sc'ac'alil chcux yo'ntonic. Yu'un tsc'an tsa'beic smul ti Jesuse.

San Lucas 6:7 Iomraidhean Croise

Salmos 38:12

Ti buch'u ta smilun ya'iique, sa'ic xa c'u s'elan ta xilaj o; ti buch'u ta xilbun ya'iic ti jvocole, slo'iltaic xa ti c'otcun ta tsutsele, ti scotol ora snopilan xa ta spayel ti c'ope.

Isaías 29:21

Ti j'ac'-cuchinej milvaneje, ti j'ac'-cuchinej mulile, ti buch'u jech xa yilel ti sc'op buch'utic ta slo'la syanijesbel sjol ta spas ti mu xchapan ti buch'u ch'abal smule, ta xlaj sc'oplal.

Jeremías 20:10

Ca'binoj ma' ti xi xbet'bun ye ta xalic ti jnaclejetique: “Buyuc no'ox, xi'bal sba ta j'ech'el.” Xi ta xalic une: “La'ic quere, la' jtic'betic smul ya'i.” Ma'uc no'ox taje, ti buch'utic lec xquil jba xchi'uque, smalaic xa yilic ti bu ta xipiltsuje. Xi ta xalic une: “Stac' nan lo'lael ma' le'e, tsalbil ta xc'ot cu'untic unbi. Ta jpacbetic ya'i sutel ma' ti c'usi laj xa yalbotic un.”

San Mateo 5:39

Ta xcalboxuc ava'iic ti vu'une, mu me xapacbe sutel ti chopol vinique. Mi ta smaj jot xocon asate, ac'o smaj ti jote.

Marcos 3:2

Pa'ibil yu'unic ti Jesús mi ta scoles jchameletic ta sc'ac'alil cuxob o'ntonal yo' jech xu' ta stabeic smul.

San Lucas 13:14

Ja'uc ti banquilal jpas-mantal yu'un ti ch'ul nae, cap sjol, yu'un ta sc'ac'alil cuxub o'ntonal, colesvan ti Jesuse. Xi laj yal ta stojol ti jnaclejetique: —La', ac'o abaic ta poxtael ti oy vaquib c'ac'al stac' xij'abteje, ma'uc ta yorail sc'ac'alil ti cuxob o'ntonale.

San Lucas 20:20

Laj staquic batel jpa'ivanejetic ti lec yo'ntonic yilele yo' jech ta stabeic mi oy c'usi chopol ta xloc' ta ye jbeluc ti Jesuse, yo' xu' ta xaq'uic batel ta sc'ob ti ajvalile.

San Juan 9:16

Xiic laj yalic ti jlom fariseoetique: —Ti vinic jech laj spas taje, ma'uc tacbil talel yu'un ti Diose, yu'un mu xich' ta muc' sc'ac'alil ti cuxob o'ntonale. Xiic laj yalic ti jlom xtoque: —¿C'u ono'ox xi ta xac' ta ilel ti oy c'usi ch'ayal ta xc'ot o'ntonal yu'une ti mi ja' jun jsa'mulile? Ti jech taje, mu co'oluc ti snopbenal yu'unique.