San Lucas 6:42 - Bible in Tzotzil de Chamula

⁴² Mi mu xava'i telel ti ts'am-te' ta asate, ¿c'u cha'al xi ta xaval ti ta xatic' aba ta yalbel ti achi'ile: ‘Ta jloq'uesbot ti juteb uni c'a'ep oy ta asate?’ Pac'taejbail no'ox ta xapas. Loq'ueso ba'yel ti ts'am-te' telel ta asate. Va'i unbi, ja' to ta xavil lec yo' xu' ta xaloq'uesbe ti uni juteb c'a'ep oy ta sat ti achi'ile.

Tzotzil Zinacantan

⁴² “Chopol ti xꞌelan chapase”, xavut lachiꞌile, pero ¿cꞌuxi chapꞌijubtasvan ti más to chopol cꞌusitic chapas li voꞌote? Li voꞌote chanop ti mu cꞌusi chopol chapase. Mi chacꞌan chapꞌijubtas lachiꞌile, jaꞌ tscꞌan ti voꞌot baꞌyi chavicta spasel li cꞌusitic chopole. Mi avil xa ti lecote, xuꞌ xa xapꞌijubtas lachiꞌile.

LEQUIL ACH' C'OP

⁴² Ti mi mu xavac' cuenta li ts'amte' tey ta asat li vo'ote, ¿c'uxi chavalbe lachi'ile: “La' jloq'uestic li yic'ubal asate ti xavute”? ¡Jlo'lovanej!, loq'ueso ba'yuc li ts'amte' tey ta asate, yo' ti xa vil o lec ti c'alal chaloq'uesbe yic'ubal sat lachi'ile.

Bible in Tzotzil de Chenalhó with Deuterocanon

⁴² ¿C'u x'elan xu' avu'un jech chavalbe li achi'ile: ‘La' jloq'uestic li sc'a'epal asate’, xavut? ¿Me mu xavil ti vo'ot jtel ta ts'amte' te oy ta asate? Jlo'lavanejot. Loq'ueso ba'yuc li jtel ta ts'amte' te xtelet ta asate, jech xu' chavil lec ta loq'uesbel ec li juteb sc'a'epal sat achi'ile.

Tzotzil San Andres

⁴² Jech chavalbe la achiꞌilique: “Mu me xapas jech”, xavutic. Pero ¿cꞌu sba chapꞌijubtasic la achiꞌilic mi joꞌoxuc más to toj chopol li cꞌustic chapasique? Apꞌisoj sbaic ti mu cꞌusi palta avuꞌunique. Jaꞌ scꞌan ti baꞌi chavictaic spasel li cꞌustic chopole, tsꞌacal to xuꞌ chapꞌijubtasic la achiꞌilique.

Tzotzil de Huixtán

⁴² Hech yu'un chavalbe ti avermanoe: “Mu me xapas hech”, xavut. Ho'oti mu xavil ti yac'oj sba chapas ep ho'oti. Jlo'lavanejot. Ja' jbael chacomes scotol ho'oti hech patil xu' chacolta ti ac'o scomes ti bu jutuc no'ox chjelave ―xchi ti Jesuse.

San Lucas 6:42 Iomraidhean Croise

Proverbios 18:17

Stuq'uil xa yilel ma' ti buch'u ba'yel ta xlic spac ti sc'oplale; ta xbaj ta c'oc' c'alal ta xlic svul sbaic xchi'uc ti scontrae.

San Mateo 26:75

Ti Pedroe vul ta yo'nton ti xi ono'ox albat yu'un ti Jesuse: “C'alal mu'yuc to ta x'oc' ti cotse, oxib xa ox velta laj aval ti mu xavojtiquinune.” Jech o xal ti Pedroe loc' batel, lic smil sba ta oq'uel.

San Mateo 7:3

¿C'usi xavut xavil ti uni juteb c'a'ep ti oy ta sat ti achi'ile ti ja' mu xavil ti xchumanil c'a'ep ti oy ta asate?

San Mateo 7:4

Mi oy ti xchumanil c'a'ep ta asate, ¿c'u cha'al ta xavalbe ti achi'ile: ‘Jloq'uestic ti uni juteb c'a'ep ti oy ta asate?’

San Lucas 13:15

Xi tac'batic yu'un ti Jesuse: —Jpac'taejbailetic, ¿mi mu tauc xajitunic avacaxic, aburroic yo' ta xavac'beic vo' yuch' c'alal ja' o sc'ac'alil ti cuxob o'ntonale?

San Lucas 22:32

Ja'uc ti vu'une, lic'opoj liti'in xa ta aventa yo' mu xch'ay xch'unajel ti avo'ntone. C'alal mi lasut ta jtojole, xu' avu'un ta scoltael ti achi'iltac yo' mu stsic' ti yo'ntonique.

San Lucas 6:41

¿C'u cha'al avac'oj asat ta sq'uelel juteb uni c'a'ep ti oy ta sat ti achi'ile, c'alal mu xavil ti oy xchumanil ta asate?

San Lucas 6:43

“Mu jpetsuc lequil te'e, ta xac' chopol ti sate. Ja' jech xtoc, mu jpetsuc chopol te'e, lec ta xac' ti sate.

Hechos 13:10

ti xi laj yalbee: —Jti'-o'nton, jlo'lavanej, xnich'on pucuj, contrainej scotol ti c'usi leque. ¿C'u cha'al mu xavicta aba ta soquesel ti lequil tuq'uil be yu'un ti Diose?

Hechos 2:38

Xi laj yal ti Pedroe: —Sutanic talel ta stojol ti Diose, ich'ic vo' ta jujun tal ta sventa ti Jesucristoe yo' xata ti ch'aybil ta xc'ot ti amulic ta stojol ti Diose, ja' to jech ta xavich'ic ti Ch'ul Espíritu ta sventae.

Hechos 8:21

Mi jutebuc c'otem ta aventa ta yich'el. Mu'yuc stuq'uil yutsil avo'nton ta sba ta sat ti Diose.

Romanos 2:1

Mu'yuc ta alel buch'uot, yu'un mu'yuc apacob-c'op ti jech xachapanbe xa smul ti yane, Yu'un ta xatic'be aba amul atuc ti jech ta xachapanbe smul ti yane, yu'un jech ta xapas ec jech c'u cha'al ta spasique.

2 Corintios 5:18

Ti jech taje, ja' laj spas ti Diose xchi'uc ta sventa Cristo c'ot ta pasel yu'un ti lec ta xquil jbatic xchi'uque. Yu'un laj yac' cabtelcutic ta yalbel ya'iic ti jnaclejetic ta banomile ti lec xil sbaic xchi'uc ti Diose.

2 Timoteo 2:21

Mi ta jc'antic lec ta xijtun yu'un ti Cajvaltique, sc'an mu xcac' jbatic ta bolibtasel. Ja' to jech ta xijtunotic ta spasel ti c'usi leque.

2 Pedro 1:9

Ti buch'u ch'abal ta stojol ti va'i yepal taje, co'ol s'elan jun ma'sat, mi mo'oje, co'ol s'elan ti buch'u mu nomuc ta xc'ot ti sate, yu'un ch'ay ta yo'nton ti pocbil tusbil xa ti smul laj spas talel ta vo'nee.