San Lucas 6:25 - Bible in Tzotzil de Chamula

²⁵ “¡Mu cha'beluc un, ti vo'oxuc mu'yuc vi'nal ta xava'iic avi c'ac'al li'e, ta xlic ava'iic vi'nal! “¡Mu cha'beluc un, ti vo'oxuc xatse'inic no'ox avi ti c'ac'ale, ta xlic oc'anic yu'un ti avocolique!

Tzotzil Zinacantan

²⁵ ’Voꞌoxuc ti noj achꞌutic lavie, chavilic to viꞌnal ta tsꞌacal. ’Voꞌoxuc ti chatseꞌinic lavie, chavil to avocolic yuꞌun chavat avoꞌonic chavoqꞌuita to abaic ta tsꞌacal.

LEQUIL ACH' C'OP

²⁵ »Toj abol abaic vo'oxuc ti lec noj ach'utic lavie, yu'un ta ts'acal chava'iic vi'nal! »¡Toj abol abaic vo'oxuc ti chatse'inic to lavie, yu'un ta to xa'oq'uic ta at'o'on!

Bible in Tzotzil de Chenalhó with Deuterocanon

²⁵ “Vo'oxuc ti noj ach'utic li' ta orae toj abul abaic, yu'un ta to xavi'najic. “Vo'oxuc ti xatse'inic no'ox li' ta orae toj abul abaic, yu'un ta to xa'oc' xa'avanic yu'un li vocole.

Tzotzil San Andres

²⁵ ’Joꞌoxuc ti noj achꞌutic li avie, chavichꞌic vocol ta tsꞌacal yuꞌun mu cꞌusi chaꞌacꞌbatic yuꞌun li Diose. ’Joꞌoxuc ti xamuybajic noꞌox li avie, chavichꞌic vocol yuꞌun chavat avoꞌonic chaꞌoqꞌuic ta tsꞌacal.

Tzotzil de Huixtán

²⁵ ’Ho'oxuc ti noj ach'utic ti ora to chavich'ic vocol. Ti yan c'ac'al mu xa xmuc'ub avo'ntonic. ’Ho'oxuc ti chatse'inic ti ora to chavich'ic vocol. Ti yan c'ac'al chavich'ic mul, cha'oq'uic.

San Lucas 6:25 Iomraidhean Croise

Salmos 49:19

ta xc'ot sc'ac'alil un ti ta xchame, mu xa xil ti saquilal osile.

Proverbios 14:13

Staoj yav ta x'oc' x'avan ti o'ntonale manchuc mi stse'in xa yilel ta q'uelel ti buch'ue, yu'un mu x'ech' ti svocole.

Proverbios 30:9

Yu'un mi yepal no'ox jtaoje, mu nan xacac'ot ta venta un, ta xlic cal ti mu xacojtiquinot une. Mi ch'abal une, xu' xi'och ta elec' liquel un, ta xlic chopol c'opojcun ta ach'ul tojol un.

Eclesiastés 2:2

Laj jta ma' ti xitse'in no'oxe, ti muyubajele; mu'yuc c'usi laj jta yu'un ti laj cac'be jba scotol ti c'usi ta sc'an ti o'ntonale.

Eclesiastés 7:3

Ja' stac' to ma' ti oq'uel avanele, ja' mu sta sc'oplal ti tse'eje, manchuc mi mu lecuc ta q'uelel ti yelov jsatique, ja' xloc venta ta xa'i ti o'ntonale.

Eclesiastés 7:6

Stse'ej ti buch'u pimunebe, co'ol jech c'u cha'al junuc ch'ix ta xc'ac', j'ech'el mu'yuc c'usi ta xich' tael yu'un.

Isaías 28:7

Oy yan xtoc ti xi s'elan c'otem ta stojolic ti naca xa xtamlajetic yu'un ti vinoe, ti naca xa sts'elajetic ta jujot yu'un ti pasem ya'lel uvae: Ma' taj une, ja'ic ti paleetique, ti j'alc'opetique, ti naca xa xtamlajetic ta scoj ti pasem ya'lel uvae. Mu xa stac' a'yeluc ta xa'iic xchi'uc ti vinoe. Naca xa xtamlajetic xchi'uquic ti pasem ya'lel uvae. Xtamlajetic ta yalel ti oy c'usi ta x'ac'bat yilic ti yalojique, xchi'uc ti jyacubelic ta yalel ti jbel ma' ti ta xloc' ta ye ti chapaj ti c'op yalojique.

Isaías 65:13

Jech o xal un, ti cajtuneltaque, oy no'ox yu'unic ma' ti c'usi ta staic ta lajesele. Ja'uc ti vo'oxuque ta xlic chamanic ta vi'nal. Oy no'ox ma' ti vo' ta xuch'ique. Ja'uc ti vo'oxuque ta xavich' avocolic yu'un ti taqui ti'ile. Xlaet no'ox ta xa'i ti stuquique. Ja'uc ti vo'oxuque ta xavac' abaic ta lo'il maxil.

Isaías 8:21

Ti jnaclejetique xloc' x'ochic no'ox batel, ilbajinbilic, mu x'ech' xjelav ta xa'iic ti vi'nale. Ti jech mu x'ech' xjelav ta xa'iic ti vi'nale, ta xlic pucujibuquic xchi'uquic. Ta xlic sbisic ta cotol chaval ti ajvalil yu'unique, ti sdiosique. Ti stoy xa satic ta toyole.

Isaías 9:20

Ta jujun tal ta xlic yilbe sba ti svocolique, naca stsacanbe no'ox sbaic ti c'usi ta stun ta slajesique, staoj yav ta xa'iic ti vi'nale. Ta jujun tal ta sti'be sba ti xnich'onique.

Amós 8:10

Ti q'uin ta xapasique, ta joybin ta oq'uel avanel ta scoj ti oy buch'utic ta xchamique. Ti muyubajel ta q'uejimole, ta joybinbe ya'i ta me'inal oq'uel yu'un ti lajel jtubele. Ta xc'ot ta pasel cu'un ta atojolic ti lamal ta xvul ti avocolique, ti xat'anbunic xa ta loq'uel ti stsotsil ajolic ta scoj ti mu x'ech' xjelav ta xava'iic ti me'inale. Yu'un ta xc'ot ta pasel ti jech ta xa'oq'uic jech c'u cha'al ta x'oc' ti buch'u ch'ay ti c'ajomal no'ox yo jun ti yole. Yu'un mu xnel ta xava'iic ti jech c'ac'al taje.”

Nahúm 1:10

Ta xich'ic tubel ta j'ech'el jech c'u cha'al junuc ts'otol ch'ix, jech c'u cha'al junuc taquin jobel ti ta xc'ac' ta j'ech'ele.

San Lucas 12:20

Xi albat yu'un ti Diose: ‘Toyobba vinic, ti ac'ubal tana li'e, ta xacham. Ti c'usiticuc x'ayan avu'une, ¿buch'u van ta xich' comel?’

San Lucas 13:28

Xa'oq'uic liquel, xc'uxet liquel aveic c'alal ta xavilic ti Abrahame, ti Isaaque, ti Jacobe, xchi'uc scotol ti j'alc'opetic ti ochemic xa batel ti bu ta xventainvan ti Diose. Ja'uc ti vo'oxuque, jip xa'utatic loq'uel.

San Lucas 6:24

“¡Mu cha'beluc un, ti jc'ulejoxuque laj xa ataic ti xamuyubajique!

San Lucas 6:26

“¡Mu cha'beluc un, ti vo'oxuc lec albil ac'oplalic avi li'e! Jech ono'ox laj spasic smolmuc'totic ti jnaclejetic li'e, lec c'opojic ta stojol ti jlo'lavanej j'alc'opetique.

San Lucas 8:53

Scotol lic tse'inicuc ta stojol yu'un sna'ojic lec ti chamem xae.

Efesios 5:4

Mu xavalic ti c'usi q'uexlal sbae, ti c'usi mu'yuc smelole, ti bol c'opetique, yu'un mu'yuc c'usi xtun o ti jech taje. Ja' lec, ja' albeic slequilal yutsilal ti Diose.

1 Tesalonicenses 5:3

Yu'un ti c'alal xi ta xalic ti jnaclejetic ta banomile: “Lamajem c'op, mu'yuc xi'el, lec oy scotol”, ja' o ta jech yepal ta xtal ti tsots vocol ta stojolic jech c'u cha'al junuc ants ta ora no'ox stsic'luj xc'uxul ti yole, mi junuc oy buch'u ta xcol.

Santiago 4:9

Na'o ava'iic lec ti c'usi chopol laj xa apasique. Ochanic ta at o'nton yu'un. Oc'an avananic yu'un. Joybijuc ta oq'uel avu'unic ti xatse'inic no'oxe. Joybijuc ta at o'nton ti xamuyubajic no'oxe.

Apocalipsis 3:17

Ta xavalbe aba ti busul no'ox ti ac'ulejale, ti ataoj lec scotole, ti mu'yuc c'usi yan sc'an avu'une. Mu xavil aba ti mu xnel x'ech' ti avocole, ti toj abol abae, ti me'unote, ti ma'satote, ti c'uxul t'analot ta j'ech'ele.

1 Samuel 2:5

Yu'un ti buch'u oy scotol yu'un ta ba'yele, avi tana une, ta juteb xa pan ta spac'alin sba ta tunel. Yu'un ti buch'u mu x'ech' xjelav ta xa'i ti vi'nale, avi tana une, mu'yuc xa c'usi sna'. Ti ants ti buch'u mu sna' x'alaje, avi tana une, vucub to velta laj yil ti alajele, ja'uc ti buch'u ep ti yalabe, avi tana une, laj to me sc'oplal un.