San Lucas 5:8 - Bible in Tzotzil de Chamula

⁸ C'alal jech laj yil ti Simón Pedroe, laj squejan sba ta stojol ti Jesuse, ti xi laj yalbee: —Cajval, ch'aco aba ta jtojol yu'un ti vu'une jsa'mulilun.

Tzotzil Zinacantan

⁸ Ti cꞌalal iyil li Simon Pedroe ti inoj ta choy xchaꞌcotol ti canovae, isquejleta la ti Jesuse. ―Cajval, mu xachiꞌinon. Li voꞌone jmulavilon ―xut la.

LEQUIL ACH' C'OP

⁸ Ti c'alal iyil li Simon Pedroe, isquejleta ti Jesuse, ja' yech iyalbe chac li'i: ―Cajval, ¡ch'aco aba loq'uel ta jtojol yu'un li vo'one jmulavilon! ―Xut.

Bible in Tzotzil de Chenalhó with Deuterocanon

⁸ C'alal jech laj yil li Simone, la squejan sba ta stojol li Jesuse, jech laj yalbe: —Cajval, mu xachi'inun, yu'un li vu'une jpasmulilun —xut.

Tzotzil San Andres

⁸ Cꞌalal iyil Simón Pedro ti inoj ta choy schibal li canavae, la squejan sba ta stojol li Jesuse. Jech laj yalbe: ―Cajval, mu xachiꞌinun yuꞌun li joꞌone jpasmulilun ―xi li Pedroe.

Tzotzil de Huixtán

⁸ C'alal laj yil ti Simon Pedroe ti hech inoj ti choy ti barcoetique, laj squejan sba ti stojol ti Jesuse. Hech laj yalbe: ―Más lec mi chaq'uej aba ti jtojol, Cajval, yu'un ho'on jmulavilun ―xchi.

San Lucas 5:8 Iomraidhean Croise

2 Samuel 6:9

Ep lic xi'uc ti David ti jech c'ac'al taje, ti xi lic avanuque: “¡Mi ja'uc juteb ta xquich' batel xcaxa ti Diose!”

1 Reyes 17:18

Va'i un, ti me'unal antse xi laj yalbe ti Eliase: —Xnich'on Dios, ¿c'u cha'al tal avoch'un ta c'op? ¿Mi yu'un tal avulesbun ta jol ti jmule, ti ta xcham avu'un ti cole?

Éxodo 20:19

Ja' yu'un un, xi laj yalbeic ti Moisese: —Vo'ot c'oponuncutic. Ta jch'uncutic ti ac'ope, naca mi chamcuncutic ti mi ja' ta xisc'oponuncutic ti Diose.

Isaías 6:5

Xichi laj jnop une: “Mu xa ono'ox cha'bel un, ta xicham, yu'un laj xa quil ta jba ta jsat ti Ajvalil Dios ti scotol xu' yu'une, ti c'alal vinicun no'oxe, ti mu'yuc smelol ti c'usi ta xloc' ta que ta jti' ti li' jmoj nacalun xchi'uc ti jnaclejetic ti mu'yuc smelol ti c'usi ta xloc' ta ye ta sti'ique.”

San Mateo 17:6

C'alal jech laj ya'iic ti oxib yajchanc'optaque, ta xi'el snupilan xa banomil laj spatan sbaic ta lumtic.

San Mateo 2:11

Ochic batel ta na un, laj yilic ti olole xchi'uc ti sme'e, ja' ti Mariae. Laj squejan sbaic, laj yich'ic ta muc'. Lic sjam ti xcaxaique, laj yac'beic smoton, naca oro, pom, xchi'uc momol ti mirra sbie.

San Mateo 8:8

Ti banquilal soldadoe xi laj stac'bee: —Cajval, mu xic'ot o ma' ti ta xa'och batel ta jnae. Alo no'ox jbeluc ac'op, ta xcol ti caj'abtele.

San Lucas 5:7

Jech o xal laj svelc'obtaic ti xchi'iltac ti oyic ta yan barcoe yo' xtal coltavanicuc. Laj snojesic ta choy ti cha'cot barcoe. Sc'an xa ti ta xmut'ij ya'i ti sbarcoique.

San Lucas 5:9

Ti Simone xchi'uc ti xchi'iltaque xi'ic ta scoj ti laj yilic ti yepal no'ox laj staic ta masel ti choye.

San Juan 11:32

C'alal c'ot ti María bu oy ti Jesuse, laj squejan sba ta yoc ti xi laj yalbee: —Cajval, ti li'uc oyucote mu'yuc xcham ti jchi'il ta voq'uel jechuque.

1 Corintios 13:12

Ja' jechotic avi tana li'e, mu xquiltic, mu jna'tic lec, co'ol s'elan ta jq'uel jsatic ta jun nen ti naca xvayet no'oxe. Ja'uc le'e, oy bu ta sta sc'ac'alil ta xcojtiquinbetic ti sate. Ja'uc tana li'e, jutuc no'ox ta jna'betic smelol. Ta sta yorail un ta yojtiquinel ti Dios jech c'u cha'al ta xijyojtiquinotique.

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Jueces 13:22

Xi laj yalbe ti yajnile: —Ta jbel sc'oplal ta xijchamotic ma' li' une, yu'un laj quiltic ti Diose.

1 Samuel 6:20

Va'i un, ti jnaclejetic ta Bet-semese xi laj yalique: “¿Buch'u xa ono'ox xu' ta spoj sba ta stojol ti Ajvalil ti ja' Ch'ul Diose? ¿Buch'u xa ono'ox ta stsac ta c'op ti c'alal ta xch'ac sba ta jtojoltique?”