San Lucas 5:21 - Bible in Tzotzil de Chamula

²¹ Ti fariseoetique, ti jchanubtasvanejetic yu'un ti oy c'usi tsots albil sc'oplale, xi laj snopique: ‘¿Buch'u ti vinic le'e, ti xbet'bun no'ox ye ta xchopol c'optael ti Diose? Mu'yuc buch'u xu' yu'un ta xch'ay ti mulile, ja' no'ox Dios xu' ta xch'ay.’

Tzotzil Zinacantan

²¹ Ti muchꞌutic ta xchanubtasvanic yilel ta smantaltac Rioxe xchiꞌuc ti jfariseoetique, “¿muchꞌu liꞌi ti tspꞌis sba ta Rioxe? Muc muchꞌu xuꞌ chiyacꞌbotic pertonal yuꞌun li jmultique, jaꞌ noꞌox ti Rioxe”, xi la ta yoꞌonic.

LEQUIL ACH' C'OP

²¹ Ti much'utic ta xchanubtasvanic ta smantaltac Rioxe xchi'uc ti jfariseoetique, xi isnopique: «¿Much'u yaloj li vinic li'i ti tsp'is sba ta Rioxe? Muc' much'u xu' chiyac'botic pertonal yu'un li jmultique, ja' no'ox ti Rioxe.» —Xi ta yo'onic.

Bible in Tzotzil de Chenalhó with Deuterocanon

²¹ Li boch'otic lec xchanojic smantal Diose xchi'uc li fariseoetique jech la snop ta yo'ntonic: “¿Boch'o scuyoj sba li vinic li'i ti ta scuy sba ta Diose? Mu'yuc boch'o yan xu' chispasbutic perdón yu'un jmultic, ja' no'ox Dios”, xi ta yo'ntonic.

Tzotzil San Andres

²¹ Li buchꞌutic spꞌisoj sbaic ta jchanubtasvanej ta smantaltac li Diose schiꞌuc li jfariseoetique jech la snop ta yoꞌonic: “Li vinic liꞌi ta spꞌis sba ta Dios. Muc buchꞌu xuꞌ chispasbutic perton yuꞌun jmultic, jaꞌ noꞌox Dios stuc”, xi ta yoꞌonic.

Tzotzil de Huixtán

²¹ Hech yu'un ti much'utic chchanubtasvanic ti smantal ti Diose ti scuyoj sbaique xchi'uc ti fariseoetique hech laj yal ti yo'ntonic: “Ja' ti vinic li'to, Dios tscuy sba. Mu'yuc much'u yan xu' chixch'aybucutic jmultic. Ja' no'ox stuc ti Diose”, xchi xc'opojic ti yo'ntonic.

San Lucas 5:21 Iomraidhean Croise

Salmos 103:3

Laj stub laj xch'aybun scotol ti jmul jcolo'e, ta xpoxtabun scotol ti jchamele,

Salmos 130:4

Le' une, ta jtacutic ch'aybil jmulcutic avu'un yo' ta xbat co'ntoncutic yich'elot ta muc'.

Salmos 32:5

Mu jutebuc laj jmac que jti' yu'un ti jmule, ti c'usi chopol jpasoje; c'ot ta co'nton ti jamal laj calbot ava'i ti jmule, laj ach'aybun ti jmul une, Dios.

Salmos 35:5

Jechuc c'otuc ta stojolic jech c'u cha'al ti jobel bec'bil ta xbatic ta iq'ue, tenaticuc batel ya'iic yu'un ti yaj'ánjel Diose.

Isaías 1:18

Yu'un ti Diose xi ta xalboxuc ava'iique: “La'ic li'e, lo'ilajcutic xchi'uc ti c'op taje. Ac'o mi cuxul mulil ta j'ech'el ti c'u s'elan ataojique, sac ts'ayan no'ox ta xac'otic cu'un jech c'u cha'al ti bote. Ac'o mi jun to cuxul tsajal poc' s'elan ti lamal c'otel ta atojolique, sac mesan no'ox ta xac'otic cu'un jech c'u cha'al ti saquil tsotse.

Isaías 43:25

“Ja'uc le' une, ti jech Diosun avu'une, c'ot ta tubel ti amilvanejale. Mi ja'uc xa ta jvules ta co'nton ti c'u spimil ti amule.

Isaías 44:22

Yu'un laj jtub ti bu la'ech' lajelave, xchi'uc ti amul acolo' jech c'u cha'al ta xch'ay batel ti toque. Sutan talel ta jtojol, yu'un laj jtic' jba ta apojel acoltael.”

Daniel 9:19

¡Dios, Cajval, ts'etanbun ani' achiquin ta jtojolcutic, ch'aybun ti jmul jcolo'cutique! ¡Va'lan, tec'lan ta jtojolcutic, Cajval, la' tic'o aba ta jpojelcutic. Mu xajaliltas un, Cajval Dios, tic'o aba atuc ta spojel ti muc' ta lum avu'une, xchi'uc ti ateclumal ti buch'u ta xc'opoj xti'inic ta aventae!”

Daniel 9:9

Ja'uc ti vo'ot une, Diosot cu'uncutic, oy ta atojolal ti syail xc'uxul avo'ntone, ta ora no'ox xana' xach'ay ti mulile. Yu'un ti vu'uncutique, c'ajomal no'ox jelavem ti jtoyobbailcutic ta atojolale.

Levítico 24:16

Va'i un, ta xich' milel ta ton yu'un scotol ti xchi'iltaque. Ti jech taj une, ja' jech ta xich' ec ti jyanlumetique jech c'u cha'al ti yajval lumetique. Yu'un ti buch'u ta soquesbe yo'nton ti Diose, chapal sc'oplal ta xich' milel.

Miqueas 7:19

Yanuc to velta c'uxubajuc avo'nton ta jtojolcutic, tubo ta j'ech'el ti jtoyobbailcutique, teno batel ta snatil nab xtoc ti jmulcutique.

San Mateo 26:65

Va'i un, ti banquilal palee lic xch'i' ta jatel ti sc'u'e, svinajeb ti toj chopol laj ya'ie, xi laj yale: —Ti vinic li'e, laj xa xchopol-c'opta ti Diose. Mu xa tsotsuc sc'oplal ta jc'antic yan rextico. Laj xa ava'iic ti toj chopol ta xc'opoje.

San Mateo 9:3

Oy jlom jchanubtasvanejetic yu'un ti mantale ti xi laj snopique: “Ti vi s'elan laj yal le'e, ta soquesbe yo'nton ti Diose.”

San Lucas 3:8

Vinajuc ta j'ech'el ti oyuc slequil yutsil ti c'usi ta xapasique, ti sutemoxuc xa talel ta stojol ti Diose, ti ma'uc no'ox ti xi ta xavalique: ‘Ti vu'uncutique snitiluluncutic Abraham.’ Ta xcalboxuc ava'iic, ti tonetic li'e xu' ta xjoybij ta snitilul Abraham yu'un ti Diose.

San Lucas 5:17

Oy jun c'ac'al ta xchanubtasvan ti Jesuse. Ti bu taje, chot xiic jun chib fariseoetic xchi'uc jun chib jchanubtasvanejetic yu'un ti oy c'usi tsots albil sc'oplale, ti liquemic tal ta jujun jteclum ta Galileae, ta Judeae, xchi'uc ta Jerusalene. Laj yac' sba iluc smuc'ul stsatsal Dios ta stojol Jesús ta scolesel ti jchameletique.

San Lucas 5:22

Ja'uc ti Jesuse yiloj ti jech ta snopique, xi laj yalbee: —¿C'u cha'al jech ta xanop ti vo'oxuque?

San Lucas 7:49

Ti yan buch'u ic'bilic ti bu taje xi lic yalbe sbaique: —¿Buch'u van ti vinic li'e xu' yu'un ta xch'ay ti mulile?

San Juan 10:33

Xi laj staq'uic ti israeletique: —Ma'uc ta xacac'becutic ton yu'un ti c'usi lec laj apase. Yu'un ti c'u s'elan ta xac'opoje, ta soquesbe sc'oplal ti Diose. Yu'un ta xabis aba ta Dios c'alal vinicot no'oxe.

Romanos 8:33

¿Mi oy la buch'u xu' ta sa'bat smul ti buch'u t'ujbil yu'un ti Diose ti c'alal laj yal ta jamal ti Dios ti ch'abal xa ti smule?