San Lucas 4:25 - Bible in Tzotzil de Chamula

²⁵ Ta xcalboxuc ava'iic, yepal no'ox me'unal antsetic ta Israel c'alal yorail xanav ti Eliase, c'alal ja' o yorail mu'yuc xac' vo' oxib (3) jabil xchi'uc o'lol ti mu no'ox albajuc lic vi'nal ta sjunlej ti banomile.

Tzotzil Zinacantan

²⁵ Ta melel chacalbeic, ti cꞌalal liꞌ toꞌox ta sba balamil ti Elías yajꞌalcꞌop Rioxe, oy ep meꞌanal antsetic liꞌ ta jlumaltique. Oxib jabil xchiꞌuc oꞌlol muc xacꞌ voꞌ. Tsots iꞌechꞌ viꞌnal ta sjunlej jlumaltic.

LEQUIL ACH' C'OP

²⁵ Ta melel chacalbeic, ti c'alal li' to'ox ta sba balamil ti Elías yaj'alc'op Rioxe, oy ep me'anal antsetic li' ta slumal Israele, Oxib jabil xchi'uc o'lol muc xac' vo', tsots i'ech' vi'nal ta sjunlej li jteclume;

Bible in Tzotzil de Chenalhó with Deuterocanon

²⁵ Melel chacalboxuc, c'alal cuxul to'ox li j'alc'op Eliase, oy ep me'on antsetic li' ta Israel ti c'alal muc xac' vo' o'lol xchanibal jabil li' ta cosilaltique, jech itsacatic ta vi'nal li cristianoetique.

Tzotzil San Andres

²⁵ Melel li cꞌusi chacalbeique, cꞌalal liꞌ toꞌox oy ta balumil li Elías li iyal scꞌop Dios ta voꞌonee, oꞌlol schanibal jabil muc bu xacꞌ joꞌ liꞌ ta cosilaltique. Jech itsaqueic ta viꞌnal scotol li crixchanoetique. Li ta jchiꞌiltactic ta israelale oy ep meꞌanal antsetic.

Tzotzil de Huixtán

²⁵ Melel ti c'usi chacalbeique, c'alal i'ay li' ti balumile ti Elíase, o'lol xchanibal habil muc xac' ho' li' ti balumile. Scotol crixchanoetic itsacatic ti vi'nal. Ep me'on antsetic xchi'inojic ti jchi'iltique, ho'ucutic ti yelnich'onucutic ti Israele.

San Lucas 4:25 Iomraidhean Croise

1 Reyes 17:1

Ti j'alc'op Elías ti liquel talel ta Tisbe ta yosilal Galaade, xi laj yalbe ya'i ti Acabe: “¡Ta j'ech'el ta jva'an ta rextico ti Ajvalile, Dios yu'un ti Israel ti yajtunelune, ti mi mu xcale, mi ja'uc ta xac' jset'uc vo' ti jabil ta xtale, mu ja'uc ta xbaj jset'uc ts'ujul!”

Isaías 55:8

Yu'un ti c'u s'elan ta xac' ti snopobil cu'une, mu stsac sba xchi'uc ti snopobil avu'unique. Ti c'u s'elan oy ta co'nton ta jpase, mu xac' avo'ntonic jech.

San Mateo 20:15

yu'un oy ta coc ta jc'ob ti jtaq'uin ti xu' c'usi jc'an jpas xchi'uque. ¿Mi yu'un van toj it'ix ta xava'i ti oy slequilal co'ntone?’

San Lucas 10:21

Ta jech yepal un, xi laj yal ti Jesús ti xmuyubaj ta j'ech'el ta sventa ti Ch'ul Espíritu oy ta stojole: —Jun avutsil, Tot, yajvalot vinajel banomil, ti laj avac'be sna' scolel ti buch'u mu'yuc sbijilique, ti mu'yuc laj avac'be sna' scolel ti buch'u oy sbijilique, ti jamal sba satic ti yalojique. Jech un, yu'un jech laj ac'an atuc, Tot.

Romanos 9:15

Ti Diose xi laj yalbe ti Moisese: “Ta jc'uxubin ti buch'u ta jc'an ta jc'uxubine. Ta jcolta ti buch'u ta jc'an ta jcoltae.”

Romanos 9:20

Ti vo'ote, ¿buch'uot ya'yel ta xatsacolan ta c'op ti Diose? Ti patbil bine mu xu' ti xi ta xal ta stojol ti jpatbine: “¿C'u cha'al ya'yel ti vi s'elan laj apasune?”

Efesios 1:11

Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Efesios 1:9

Ta sventa ti mu no'ox albajuc sbijil ti Diose, stuc laj yac' jbijiltic ta sna'el ti c'usi mucul to ox yu'une. Ja' stuc laj sva'an sba ta spasel ti c'usi snopoj ono'ox ta spase.

Santiago 5:17

Ti j'alc'op Eliáse, ja' jun vinic jech c'u cha'al ti vo'otique. C'alal ta yutil yo'nton c'opoj ti'in ta sc'anbel Dios ti mu xac' taluc ti vo'e, c'ot ta pasel ti o'lol xchanibal jabile, mu'yuc xac' vo' ta banomil.

Apocalipsis 11:6

Ac'bil smuc'ul stsatsalic ti rexticoetic taje, ti mu xaq'uic taluc vo' ta vinajel ti c'u sjalil ta xc'opojic ta sventa ti Diose. Ac'bil smuc'ul stsatsalic xtoc ta sjoybinel ta ch'ich' ti vo'e, xchi'uc ta yilbel svocol ti banomil yu'un ep ta tos cuxul j'ilbajinel vocol ti jaycoj xal yo'ntonique.