San Lucas 4:18 - Bible in Tzotzil de Chamula

¹⁸ “Ti Ch'ul Espíritu yu'un ti Cajvaltique, li' oy ta jtojole yu'un laj st'ujun, ta yalbel lequil ach' c'op ti buch'u abol sbaique, ta yac'bel jun yo'nton ti buch'u oyic ta vul o'ntone, ta yalbel spojel scolel ti buch'u chuculique, ta jambel sat ti ma'satetique, ta yalbel spojel scolel ti buch'u ilbajinbilic yu'un ti vocole,

Tzotzil Zinacantan

¹⁸ Li voꞌone liꞌ xa xchiꞌinojon ti Chꞌul Espíritue ti jun xchiꞌuc ti Rioxe. Stꞌujojon ti Rioxe ti voꞌon chcalbe li muchꞌutic abol sbaic ta mulile ti xuꞌ chcacꞌ cuxlicuc ta sbatel osile. Yuꞌun coꞌol xchiꞌuc jchuqueletic ti tscꞌanic loqꞌuesele. Coꞌol xchiꞌuc maꞌsatetic ti tscꞌanic jambel satique. Coꞌol xchiꞌuc mozoiletic ti tscꞌanic loqꞌuesele.

LEQUIL ACH' C'OP

¹⁸ «Li Espíritu yu'un ti Cajvaltique li' ta jtojole, yu'un st'ujojon ta scuenta ch-calbe ya'iic lequil ach'c'op ti much'utic abol sbaique; tacbilon tal scuenta chcalbe ya'iic ti chich'ic loq'uesel ta chuquel ti much'utic chucajtique tal jambe sat li ma'satetique; tal jcolta li much'utic ilbajinbilique;

Bible in Tzotzil de Chenalhó with Deuterocanon

¹⁸ “Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

Tzotzil San Andres

¹⁸ Jaꞌ sventainojun li Chꞌul Espíritu ti junic schiꞌuc li Diose. Tꞌujbilun yuꞌun Dios yoꞌ ta xcalbeic ti ta xcꞌuxubinatic yuꞌun Dios li meꞌonetique. Li buchꞌutic ta xat yoꞌonique, tal calbeic ti ta jventa joꞌon ta stsatsubtasbat yoꞌonique. Li buchꞌutic ochemic ta jtunel yuꞌun li mulile, tal calbeic ti ta jventa joꞌon chloqꞌuic ta jꞌechꞌele. Li buchꞌutic maꞌsatetic yaꞌel ta scoj li smulique, tal calbeic ti ta jventa joꞌon ta xjam li satique. Li buchꞌutic chopol ta xꞌileique, tal calbeic ti joꞌon tal jcoltae.

Tzotzil de Huixtán

¹⁸ Ventaimbilun yu'un ti Ch'ul Espíritue, ja' yu'un ti Cajvaltic Diose. Laj xa st'ujun yu'un ti jcholbe ti lequil ach' c'ope ti much'utic uts sbaique. Laj xa stacun talel yu'un ti jmuc'ubtasbe yo'ntonic ti much'utic chich'ic mule, yu'un chcalbe ya'yic c'u che'el chcolic ti much'utic chucbilic yu'un mulile, c'u che'el chjam satic ti much'utic ma'satetique, c'u che'el chcolic ti libre ti much'utic chich'ic vocole.

San Lucas 4:18 Iomraidhean Croise

Génesis 3:15

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

2 Crónicas 34:27

La'och ta at-o'nton yu'un. Laj axi'taun c'alal laj ava'i c'u s'elan laj calbe sc'oplal ti jteclum li'e, xchi'uc ti jnaclejetic yu'une. Laj abic'tajes aba ta jtojol. Laj ach'i' ta jatel ti ac'u'e. Xa'oc'olet xa ta jtojol. Jech o xal ti vu'une laj ca'i ma' ti ac'op une.

Salmos 102:20

ta xa'ibe sc'opic ti jchuqueletic x'oc' x'avanique, xchi'uc ta spojel ti buch'utic chapal xa sc'oplal ta xich'ic milele.

Salmos 147:3

Ta xpoxtabe ti buch'utic xmich'mun ti yo'nton ta xa'iique; ta xpixbe ti syayijemalique.

Salmos 2:2

Ti banquilal ajvaliletique xchi'uc ti its'inal ajvaliletic ti sbainojic ta sventainel ti jnaclejetique, jun xa sjolic lic scontrainic ti Diose, xchi'uc ti t'ujbil ajvalil yu'une.

Salmos 2:6

“Laj xa jt'uj ma' ti ajvalil buch'u ta sventain cu'un ti Sione, ja' ti ch'ul vitse.”

Salmos 34:18

Nopol oy ti Dios ta spojel ti buch'u mu xa tsacaluc ta xa'i ti yo'ntone, ti mu'yuc xa spatoj yo'ntonic ti oy c'usi ta smalaique.

Salmos 45:7

Oy ono'ox ta avo'nton ti c'usi leque, acontrainoj ti c'usi chopole. Jech o xal laj st'ujot ti Diose, ti Dios avu'une, yepal no'ox laj yac'bot ti smuyubajel avo'ntone, ja' mu sta ac'bat ti achi'iltaque.

Salmos 51:17

Ti matanal ti lec ta xa'i ti Dios ti ta xc'ot ta stojole, ja' ti buch'u mu xa xnel x'ech' ta xa'i yu'un ti smul laj stae; le' une, Ch'ul Dios, mu xaten mu xabaj ti buch'u juteb xa tsacal ta xa'i ti yo'nton une.

Isaías 32:3

Viq'uil lec ti satique. Ts'etel lec xchiquinic ta ya'yiel ta xchapanel ti c'ope.

Isaías 35:5

Va'i un, ti buch'utic ma'satetique ta xlic yilic ti osile. Ti buch'u macal ti xchiquinique ta xlic jamuc ti xchiquinique.

Isaías 42:7

Ta jc'an ti ac'o vic'uc sat avu'un ti ma'satetique, ti ac'o aloq'ues talel ti jchuqueletic ti oyic ta chuquinabe, ti bu tiq'uilic xtoc ta jc'ol chuquinab ti mu xilic ti saquilal osile.

Isaías 45:13

Vul ta loq'uel cu'un ti Ciroe yo' jech ta stsalvan. Ta xc'ot ta pasel cu'un ti mu vocoluc ti c'u s'elan xu' ta stam ochebal ti sbe ta scotole, ti ta xcha'meltsan ti jteclumale, ti ta stic' sba ta spojel scoltael ti buch'utic nutsbilic loq'uel ta slumalic ti ja' cu'untaque, ti mi ja'uc jutebuc ta sujvan xchi'uc ti stojole. Mi ja'uc ta sc'an matanal.” Ja' jech c'opoj ti Dios ti scotol xu' yu'une.

Isaías 49:9

Ma'uc no'ox taje, xi ta xavalbe ya'i ti jchuqueletique: ‘Lac'otic xa ta colel.’ Ti buch'utic tiq'uilic ti bu spajeb ic' ta j'ech'el ti osile, xi ta xalbe ya'iique: ‘Ac'o abaic ta ilel.’ Ti ta bebetique, jmoj xvoletic batel ta sta ech'el ti sve'elique. Buyuc no'ox ti stselej ta sbajtical banomile, oy no'ox ma' ti sve'el xchon sbolomique.

Isaías 50:4

Bijubtasbilun yu'un ti Diose, ti xu' cu'un ta spatbel yo'nton ti buch'utic lubtsajemic xae, ti xcuxet to ech'el banomil ta xa'iic yu'un ti jc'ope. Ts'etel xa jchiquin jmalaoj ca'i ti jujun sob ic'lumane. Sjunul co'nton ta jchiquintabe ti sc'ope.

Isaías 57:15

Yu'un ti Buch'u oy ta cajale, ti Buch'u stalel cuxule, ch'ul Dios ti xi sc'oplale, xi ta xale: “Ta lequilal to, ta toyol to, ti bu nacalune, ac'o mi jech taje, oyun ta stojol ti buch'u biq'uit yac'oj sbae, ti sna' sutes sbae. Ta xcac'be yip yo'ntonic ti siquet to ta xa'i ti banomile.

Isaías 59:21

Ti Diose xi ta xale: “Ta jpas jtrate ta atojolic. Ta xcal ta jamal, ti mu sq'uej sba ta atojolic ti jmuc'ul jtsatsale, xchi'uc ti c'u s'elan ta jchanubtasoxuque. Sbatel osil, mi ja'uc ta xquictaoxuc comel xchi'uc ti anitilultaque.”

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

Isaías 66:2

Yu'un vu'un laj jmeltsan scotol taje, ja' jech lic ayanuc talel. Ti vu'un Diosune, mu lo'iluc ta xcal. “Ti oyun ta stuc'ulanele, ja' ti me'un mu'nate, ti buch'u ta snijan xchiman sbae, ti ta xich' ta muc' ti jc'ope.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

Daniel 9:24

“Ti lajuneb xchanvinic (70) xemunae, ja' jech sjalil ta xcom ta sbaic vocol ti ateclumale xchi'uc ti ch'ul jteclum avu'une. Ja' to jech ta xc'ot ta tsutsel ti toyobbaile, ti mulil colo'ile. Ja' jech ta xich' tael ti ta xich' ch'ayel ti mulil colo'ile, ti ta xc'ot ta pasel ti sbatel osil lec ta xcome. Ja' to jech ta xc'ot ta pasel ti c'usi laj yich' ilel ti c'alal jam ti ba satile xchi'uc ti laj yich' caj'alele, ti ta xich' cha'tunesel smelol ti bats'i ch'ulnae.

Sofonías 3:12

Ja' no'ox ta jcomtsan ta atojol ti jnaclejetic ti peq'uel yac'oj sbae, ti xlajetic no'oxe, ti spatoj lec yo'ntonic ta jtojole.

Zacarías 11:11

Ti jech c'ac'al taje, mu'yuc xa stu com ti tratee. Ti buch'utic oy ta yoc ta sc'obic ti chije, yac'oj satic ta jtojol. Lic yaq'uic ta venta ti ja' stuc ti Dios ta xc'opoj ta sventa ti oy c'usi ta xcale.

Malaquías 4:2

Ja'uc ti vo'oxuc une, ti nijil chimiloxuc ta yich'elun ta muq'ue, jech ti pojel c'uxubinel cu'une xtixet no'ox vulel ta atojolic co'ol s'elan xojobal ti c'ac'ale, yu'un ja' ach'iel ac'opojelic ti xtixet no'ox vulel ta atojolique. Jech ti vo'oxuque, natic no'ox xabitic ta muyubajel jech c'u cha'al ti ch'iom vacaxetic c'alal ta xloc' batel ta scorrale.

San Mateo 11:5

Chapbeic ya'i, ti ma'satetique jam xa ti satique. Ti coxovetique ta xanavic xa. Ti jc'a'emal-chameletique, pocbil tusbilic xa. Ti macal xchiquinique ta xa'iic xa c'oponel. Ti animaetique cha'cuxiic xa. Ti buch'u abol sbaique, yich'ic xa albel sc'oplal ti colebale.

San Mateo 12:18

“Li' xa oy ti caj'abtel ti t'ujbil cu'une. C'ux ta xca'i. Ximuyubaj xa yu'un. Ta xcac'be ti Ch'ul Espíritu cu'une ta yalbe slequil yutsil ti muc'tiquil lume.

San Mateo 12:20

Ma'uc tal yac'be xchi'il ti aj bu c'asem xae. Ma'uc tal stub ti cantil ti ta xa xtub ya'ie ja' to mi c'ot ta pasel ti utsilal lequilal yu'une.

San Mateo 4:16

scotol ti jnaclejetic taje, ti oyic ta ic'al osile, laj yilic saquilal osil un. Ti buch'utic oyic ta squeoval ti chamel lajebale, c'ot ta stojolic un ti saquilal osile.”

San Mateo 5:3

—Yan yutsil ti buch'utic ta xa'iic ti ch'abal yutsil slequil yo'ntonique, ta staic ventainel yu'un ti Dios ti oy ta vinajele.

San Lucas 4:17

Ja' ac'bat sq'uel ti vun laj sts'iba comel ti j'alc'op Isaiase. C'alal laj sjame, ja' laj sta ti xi s'elan ts'ibabile:

San Lucas 6:20

Ti Jesuse laj sq'uelbe batel sat ti yajchanc'optaque ti xi laj yalbee: —Yan yutsil ti me'unoxuque yu'un c'otem ta aventaic ti ventainel yu'un ti Diose.

San Lucas 7:22

Ta jech yepal un, xi tac'batique: —Batanic, ba albeic ya'i ti Juan ti c'usi laj ava'iique, ti c'usi laj avilique. Chapbeic ya'i ti jam xa satic ti ma'satetique, ta xanavic ti coxovetique, mesbil pocbil xchamel ti jc'a'emal-chameletique, jam xa xchiquinic ti jmacal-chiquinetique, cha'cuxi xa ti animaetique, ta x'albatic xa lequil ach' c'op ti buch'utic abol sbaique.

San Juan 1:41

Ti Andrese bat sa' ta anil ti xchi'il ta voq'uel ti Simón sbie, ti xi laj yalbee: —Laj xa jtacutic Buch'u ti Mesiase (Cristo, xi smelol ti Mesiase).

San Juan 12:46

Yu'un saquilal osilun lital ta banomil yo' jech ti buch'u ta xc'ot ta yo'nton ta xch'unelune, mu xcom ta ic'al osil.

San Juan 3:34

Ti buch'u tacbil talel yu'un ti Diose, naca sc'op Dios ta xal, yu'un ti Diose, yepal no'ox ta xac' ti Ch'ul Espiritue.

Hechos 10:38

Xana'ic lec xtoc, ti Diose laj yac'be yich' smuc'ul stsatsal xchi'uc Ch'ul Espíritu ti Jesús ti liquem talel ta Nazarete yo' xu' yu'un ta spasel ti c'usi leque, ta scolesanel ti buch'utic ta x'ilbajinatic yu'un ti pucuje. Jech laj spas, yu'un chi'inbil coltabil yu'un ti Diose.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Hechos 4:26

Ti banquilal ajvaliletique xchi'uc ti its'inal ajvaliletic li' ta banomile, laj stsob sbaic yo' ta xiscontrainun ti vu'un Diosune xchi'uc ti Buch'u t'ujbil cu'une, ja' ti Cristoe.’

Hechos 4:27

“Yu'un ti Herodese xchi'uc ti Poncio Pilatoe j'ech'el laj stsob sbaic li' ta Jerusalene xchi'uc ti jyanlumetique, xchi'uc ti jchi'ilcutique ta scontrainel ti Ach'ul Nich'on Jesuse, ti laj ava'an ta Jcoltavaneje.

Colosenses 1:13

Yu'un ti Diose laj spojotic loq'uel ta yoc ta sc'ob ti ic'al osil ti q'uelel ta jtojoltique. Laj xa yic'otic ochel ti bu ta xventainvan ti xc'uxubinbil Nich'one,

Santiago 2:5

A'yio ava'iic li'e ti xi ta xcalboxuque, Jchi'iltac: T'ujbilic yu'un Dios ti buch'utic me'unic li' ta banomile yo' jc'ulej ta xc'otic ta sventa yo' ta xc'ot ta yo'ntonic ta xch'unel ti Cajvaltique, yo' ta staic ti ventainel ti jech ono'ox albil sc'oplalic ti buch'utic c'ux ta xa'iic ti Diose.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.