San Lucas 3:8 - Bible in Tzotzil de Chamula

⁸ Vinajuc ta j'ech'el ti oyuc slequil yutsil ti c'usi ta xapasique, ti sutemoxuc xa talel ta stojol ti Diose, ti ma'uc no'ox ti xi ta xavalique: ‘Ti vu'uncutique snitiluluncutic Abraham.’ Ta xcalboxuc ava'iic, ti tonetic li'e xu' ta xjoybij ta snitilul Abraham yu'un ti Diose.

Tzotzil Zinacantan

⁸ Mi chavichꞌic voꞌe, jaꞌ tscꞌan ti jꞌechꞌel xavictaic spasel li cꞌusitic chopole. Mu me xanopic yech chac liꞌi: “Jaꞌ jmucꞌtatoticotic ti Abraame, yechꞌo un chicuxioticotic onox ta sbatel osil uc”, mu me xachiic. Chacalbeic, ti Rioxe xuꞌ tscꞌatajes ta smom Abraam li tonetic liꞌi.

LEQUIL ACH' C'OP

⁸ Aq'uic ta ilel ta acuxlejalic ti mi ta melel cha sutic tal ta stojol ti Rioxe, pero mu me xavalic yech chac li'i: “¡Li vo'oticotique ja' smomoticotic ti Abrahame!”; mu me xa chiic, yu'un ta melel chacalbeic, ti Rioxe xu' tsc'atajes ta smom Abraham li tonetic li'i.

Bible in Tzotzil de Chenalhó with Deuterocanon

⁸ Tsc'an chavaq'uic ta ilel ti ta melel sutem avo'ntonique. Mu me jechuc xavalic: ‘Ja' jmoltotcutic ta vo'one li Abrahame’, mu me xachiic. Melel chacalboxuc, li Diose xu' yu'un ta sc'atejesbe ta smomnich'nab Abraham li tonetic li'i.

Tzotzil San Andres

⁸ Pero scꞌan baꞌi xavaqꞌuic ta ilel mi avictaojic xa li cꞌustic chopol chapasique. Mu me xanopic: “Jaꞌ jmucꞌta moltotcutic ta voꞌone li Abrahame, jaꞌ jech ta onoꞌox xijcolcutic”, mu me xachiic. Chacalbeic, li Diose xuꞌ yuꞌun ta scꞌatajesbe ta snitilul Abraham li tonetic liꞌi.

Tzotzil de Huixtán

⁸ Ja' tsc'an ti primero chavac' ti q'uelel ti avabtelique mi melel ti sutem xa avo'ntonic yu'un ti amulique. Mu me hechuc chanopic ti avo'ntonic: “Ja' jtatamoltic ti Abrahame, hech yu'un chijcolucutic”, mu me xachiic. Chacalbe, ti Diose xu' tsc'atajes ti yelnich'on Abraham avi ton li'to.

San Lucas 3:8 Iomraidhean Croise

Nehemías 5:11

Ta jc'anboxuc vocol ti c'ac'al avi tana li'e, sutesbeic ti yosilique, ti yavil sts'unub uvaique, ti yavil sts'unub olivo yu'unique, xchi'uc ti snaique, ti tubuc sc'oplal ti yilic oy ta atojolique, mi ja' ti taq'uine, mi ja' ti sat ts'unubaletique, mi ja' ti vinoe, mi ja' ti aceitee.”

Ezequiel 33:24

“Ti jnaclejetic nacalic ta lilijemal jteclumetic yu'un ti Israele, xi ta xalolanique: ‘Ti Abrahame, yo junomal. Manchuc mi jech un, c'ot ta jun yajval muc'ul lum. Jech o xal ti vo'otic un cha'e, ta xijc'ototic ta yajval jun muc' ta lum ec.’

San Mateo 21:43

Jech o xal ta xcalboxuc ava'iic, ti ventainel yu'un ti Dios ti oy ta atojolique, ta xbat ta stojolic ti buch'utic ta xich'ic ta muc' ti ventainel yu'un ti Diose.

San Mateo 3:8

Lecuc ti c'usi ta xapasique yo' ta xvinaj ta j'ech'el ti lasutic talel ta stojol ti Diose.

San Mateo 3:9

Mu xatoy abaic yu'un ti xi ta xavalique: ‘Snitilulotic Abraham ma' ti vo'otique.’ Ta xcalboxuc ava'iic, ti Diose xu' ta sjoybin ta snitilultac Abraham ti tonetic li'e.

San Lucas 13:25

Mi laj smac comel sti' sna ti yajval nae, ti c'u avepalic oyoxuc ta spat ti ti'nae, xac'ojilanic xa liquel ti ti'na ti xachi ta xavalique: ‘Cajval, jambuncutic.’ Ja'uc ti stuque xi ta stac'boxuc talele: ‘Mu jna' bu liquemoxuc talel.’

San Lucas 13:26

Va'i un, xachiic xa liquele: ‘A'yio ava'i, jmoj lijve'otic, laj cuch'tic vo', laj achanubtasuncutic ta scalleal ti jlumalcutique.’

San Lucas 14:9

Ti buch'u laj yic'oxuque, xu' ti xi ta xtal yalbote: ‘Ti chotlebal li'e, ma'uc aventa, ja' xchotleb ti jun chi'iltic li'e.’ Va'i un, q'uexlal xa ta xba chotlan ta slajeb chotlebal ti oy ta patil ti vo'ot une.

San Lucas 19:40

Xi laj stac' ti Jesuse: —Ta xcalboxuc ava'iic, mi ta jpajtsanique, ja' ta xlic avanicuc ti tonetique.

San Lucas 19:9

Xi laj yal ti Jesuse: —Avi ti c'ac'al tana li'e, vul xa ti coltael ta jbej na li'e. Ti vinic li'e, ja' jun snitilul ti Abrahame.

San Lucas 5:21

Ti fariseoetique, ti jchanubtasvanejetic yu'un ti oy c'usi tsots albil sc'oplale, xi laj snopique: ‘¿Buch'u ti vinic le'e, ti xbet'bun no'ox ye ta xchopol c'optael ti Diose? Mu'yuc buch'u xu' yu'un ta xch'ay ti mulile, ja' no'ox Dios xu' ta xch'ay.’

San Juan 8:33

Xi laj staq'uique: —Laj to c'op ma' ti ochemuncutic ta mosovinele. Ti vu'uncutique snitiluluncutic ti Abrahame. ¿C'u cha'al ta xaval ta jtacutic pojel colel?

San Juan 8:39

Xi tac'avique: —Ti jtotcutique, ja' ti Abrahame. Xi laj yal ti Jesuse: —Ti xnich'nabucoxuc ti Abrahame, jech ta xapasic jech c'u cha'al laj spas ti stuque.

Hechos 26:20

Ba'yel lic cal ti ca'yej ta stojol ti jnaclejetic ti oyic ta Damascoe, ta stojol xtoc ti jnaclejetic ti oyic ta Jerusalene, ta scotol ti Judea banomile, xchi'uc ta stojol ti jyanlumetique, ta yalbel ya'i ti ac'o yictaic ti chopol yo'ntonique ti suticuc talel ta stojol ti Diose, ta spasel ti c'usi leque, yo' ta xvinaj jelbil ti yo'ntonique.

Romanos 4:16

Jech o xal ti Abrahame, yo' laj sta xchi'uc ti snitilultac ti c'usi yaloj ti Dios ti ta xaq'ue, ta matanal laj sta ta sventa ti c'ot ta yo'ntonic ta xch'unele. Ti oy c'usi yaloj Dios ta xaq'ue, ma'uc no'ox ta staic ti buch'utic ta xch'unic ta spasel ti oy c'usi tsots albil sc'oplale. Ta staic ec ti buch'utic jech ta xc'ot ta ch'unel yu'unic jech c'u cha'al laj xch'un ti Abrahame. Jech o xal un, c'ot ta totil cu'untic jcotoltic.

Romanos 9:7

Ja' jech xtoc mu scotoluc snitilultac Abraham ti ja' xnich'nabtac ti Dios ta melele. Yu'un xi laj yal ti Diose: “Ta sventa Isaac ta x'ayan talel ti anitilule.”

Filipenses 1:11

Ti jech ta x'abtej ti Jesucristo ta atojolique, yo' ta x'ayan ti oyuc yutsil slequil ti c'usi ta xapasique, sventa yich'el ta muc', yo' lec sc'oplal avu'unic ti Diose.