San Lucas 3:20 - Bible in Tzotzil de Chamula

²⁰ Ti me'inem xa xa'i ti Herodes ta spasel ti chopole, xi to s'elan yan laj spase: laj stic' ta chuquel ti Juane.

Tzotzil Zinacantan

²⁰ Pero muc la xchꞌun ti Erodese. Más to la stoyel iyaꞌi, isticꞌ o la ta chuquel ti Juane.

LEQUIL ACH' C'OP

²⁰ Pero ti Erodese mu sc'an albel li smule, más to stoyel iya'i, istic' o ta chuquel ti Juane.

Bible in Tzotzil de Chenalhó with Deuterocanon

²⁰ Pero yo'to laj yac'be yan xchi'il li c'usi chopol tspase, yu'un la stic' ta chuquel li Juane.

Tzotzil San Andres

²⁰ Pero muc schꞌun. Más to chopol li cꞌusi la spas li Herodese yuꞌun la sticꞌ ta chuquel li Juane.

Tzotzil de Huixtán

²⁰ Muc spas ti muc', ja' no'ox más ba stoy smul, laj stic' ti chuquel ti Juane.

San Lucas 3:20 Iomraidhean Croise

2 Reyes 21:16

Ta scoj ti chopol ono'ox ti Manasese laj sta smul yu'un ti Judae, mu lecuc laj yil ta sba ta sat Dios ti yabtele. Ma'uc no'ox taje, laj to yac'be ech'el xchi'il un, laj yac'anan ta milel ta Jerusalén ti buch'u mu'yuc smulique, ti buyuc no'ox malem ti ch'ich' ta jujujot yu'une.

2 Reyes 24:4

ta scoj xtoc ti laj smalbe xch'ich'el ti buch'u mu'yuc smulique, ti mal yu'un ta sjunul ti Jerusalene. Jech o xal mu'yuc xa xch'aybat smul scolo' yu'un ti Diose.

2 Crónicas 36:16

Ja'uc ti stuquic une tse'ej no'ox laj ya'ibeic sc'op ti yaj'alc'optac Diose. Mu'yuc stu laj ya'iic ti c'usitic laj scaj'alique. Laj xchopol-c'optaic ti yaj'alc'optaque. Ta jech to yepal un, mu ta vocol laj syales yoc sc'ob ta sc'ac'al yo'nton ti Dios ta stojol ti steclumale, ti mu'yuc xa laj sta spojel scolelic ta j'ech'ele.

Nehemías 9:26

“Ja'uc le' une, toyobba batic. Lic scontrainicot. Laj sbajic ti oy c'usi jbel tsots albil avu'une. Laj smilic ti avaj'alc'optac xtoque, ti c'alal jamal albatic ti oy c'usi chopol ta spasique, xchi'uc ti albatic ti suticuc talel ta atojole. Soc ajol yu'unic ta j'ech'el.

Jeremías 2:30

Mu'yuc xtojobic ti avalab anich'nabic ti laj jtsitsique, mi jutebuc c'ot ta yo'ntonic un. Ti vo'oxuc eque, co'ol a'elanic jech c'u cha'al jti'oval león. Laj amilic ti j'alc'opetic avu'unique.

San Mateo 4:12

C'alal laj ya'i Jesús ti tiq'uil ta chuquel ti Juane, bat ta Galilea.

San Juan 3:24

Taje, c'ot ta pasel c'alal mu'yuc to ox ta x'och ta chuquel ti Juane.

Apocalipsis 16:6

Yu'un ti stuquique laj smalbeic xch'ich'el ti buch'utic t'ujbil avu'une, xchi'uc ti j'alc'opetic c'opojic ta aventae. Xtunic o avi tana le'e ti jech ta xavac'be yuch'ic ti ch'ich'e.”