San Lucas 3:16 - Bible in Tzotzil de Chamula

¹⁶ Ja'uc ti Juane xi laj yalbe ya'i scotolique: —Ta melel, vo' no'ox ta xcac' avich'ic ti vu'une. Ja'uc ti Buch'u ta to xtale, ta xac'boxuc avich'ic ti Ch'ul Espíritu ti co'ol s'elan c'oq'ue. X'ech' to xu' yu'un, ja' mu sta ti vu'une, yu'un mu xic'ot o ta sjitunbel ti yaq'uil xonobe, yu'un mu'yuc jlequilal cutsilal ta stojol.

Tzotzil Zinacantan

¹⁶ ―Li voꞌone jaꞌ noꞌox chacacꞌbeic ichꞌvoꞌ. Yan ti muchꞌu tsꞌacal to chtale, más oy syuꞌel. Li voꞌone mi jaꞌuc yaqꞌuil xonob, mu xjituj cuꞌun yuꞌun mu cꞌu xitun o. Jaꞌ chayacꞌbe achiꞌinic ti Chꞌul Espíritue ti coꞌol xchiꞌuc cꞌoqꞌue yuꞌun jaꞌ tsloqꞌues o li cꞌusitic chopol ta avoꞌonique.

LEQUIL ACH' C'OP

¹⁶ Li Juane ja' yech iyal chac li'i: «Li vo'one ja' no'ox chacac'be avich'ic vo'; Pero ta to xtal jun ti much'u más to tsots syu'el chac c'ucha'al li vo'one, ja' chayac'beic ti ch'ul Espiritue xchi'uc c'oc'. Yan li vo'one mi ja'uc sjitunbel yaq'uil xonob mu xi c'ot o.

Bible in Tzotzil de Chenalhó with Deuterocanon

¹⁶ Li Juane jech laj yalbe scotol li cristianoetique: “Li vu'une ja' no'ox chacac'boxuc avich'ic vo', pero ta to xtal jun boch'o ech'em xu' yu'un jech chac c'u cha'al vu'un. Li vu'une me stitunbeluc yaq'uil xonob mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

Tzotzil San Andres

¹⁶ Li Juane jech laj yalbe scotol li crixchanoetique: ―Li joꞌone jaꞌ noꞌox cabtel ta xcacꞌbe yichꞌic joꞌ li buchꞌutic chictaic li cꞌustic chopol ta spasique. Pero oy to buchꞌu tsꞌacal ta xtal, jaꞌ más tsots yabtel yichꞌoj. Li joꞌone muc bu tsots cabtel quichꞌoj. Mu cꞌusi xuꞌ cuꞌun ta jcolta o. Acꞌo mi slocꞌbeel xonob, mu xuꞌ chcaꞌi yuꞌun mu cꞌusi xitun o. Yan li buchꞌu tsꞌacal ta xtale, jaꞌ chayacꞌbeic avichꞌic li Chꞌul Espíritu ti coꞌol schiꞌuc cꞌoqꞌue yuꞌun ta sloqꞌues scotol li cꞌustic chopol ta avoꞌonique.

Tzotzil de Huixtán

¹⁶ Hech lic c'opojuc ti Juane, hech laj yalbe ya'yic scotolic: ―Ho'oni, ja' no'ox cabtel chcac'be yich' ho' ti much'u sutem xa yo'ntonic yu'un smulic. Ti much'u patil chtale ja' tsots yabtel yich'oj. Ho'oni mu tsotsuc cabtel quich'oj. Ma mi sjitumbeluc yaq'uil sempat, mu'yuc c'usi xu' ti jcolta mi jutuc. Ja' chayac'boxuc avich'ic ti Ch'ul Espíritue xchi'uc c'oc' yu'un hech chloc' scotol ti sbolil avo'ntonique.

San Lucas 3:16 Iomraidhean Croise

Proverbios 1:23

Ts'etano ani' achiquinic ta ya'yiel ti c'u s'elan ta jtojobtasoxuque, yo' jech ventainbil ta xac'ot yu'un ti jbijile, ti ta xlic abtejuc ti sbijil jol ta atojole.

Isaías 32:15

Ja' to mi c'ot yorail ta xcha'vul ta loq'uel ta jtojoltic ti smuc'ul stsatsal ti j'ac'-cuxlejal Diose, ta xlic joybijuc ta ve'ebal banomil ma' ti sbajtical banomil une. X'ech' to yutsil liquel ti ve'ebal banomile.

Isaías 4:4

C'alal jbel sc'oplal ta xchapan c'op ti Diose, ti ta xc'ot ta pasel ta stsitsvane, ta spoc loq'uel ti ch'ich' ti mal ta jteclum Jerusalén ta scoj ti smilvanejalique, ta smes ta spoc loq'uel xchopolalic ti jnaclejetic yu'un ti jteclum Sione.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

San Mateo 3:11

Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

San Mateo 3:12

Ti Buch'u ta ts'acal to ta xtale stsacoj xa ti yic'aobil trigoe. Ta st'ujbe loq'uel ti sc'a'epale yo' naca trigo ta xcom. Ti t'ujbil trigoe ta sq'uej ta yavil. Yan ti sc'a'epale ta xich' chiq'uel ti bu mu xtub ti c'oq'ue.

San Juan 1:26

Xi laj stac' ti Juane: —Ti vu'une, ja' no'ox lital ta yaq'uel ich' vo'. Ja'uc le'e, oy talem jun ta atojolic ti mu xavojtiquinique.

San Juan 1:27

Ja' ti laj cal ti oy Buch'u ts'acal to xtal ta patil cu'une, ti ta sliques ti yabtele, ti x'ech' to cajal sc'oplale, ti mu ja'uc jutebuc xic'ot o ta sjitunbel ti yaq'uil xonobe.

San Juan 1:33

Mu jna' ec un ti Buch'ue, ja'uc ti Buch'u laj stacun talel ta yaq'uel ti ich' vo'e, xi laj yalbune: ‘Ti buch'u ta xavil ta xcom o ti Ch'ul Espíritu ta xyal talel ta stojole, ja' ti Buch'u ta xac' avich'ic ti Ch'ul Espiritue.’

Hechos 1:5

Ta melel, ti Juane, vo' laj yac' ta ich'el, ja'uc ti vo'oxuque jutuc xa sc'an ta xavich'ic ti Ch'ul Espiritue.

Hechos 10:44

C'alal jech syaquil ta xc'opoj ti Pedroe, ja' o ital ti Ch'ul Espíritu ta stojol ti c'u yepal ta xa'ibeic ti sc'ope.

Hechos 2:33

Laj taj une, iq'ue muyel ta vinajel ta sventa smuc'ul stsatsal ti Diose yo' ta xc'ot chotluc ta sts'el stuq'uil ti sbats'i c'ob xchi'uc ta yich'el ti Ch'ul Espíritu ta sventa ti Stot ti yalojbe ono'ox sc'oplal ta xac' talele. Jech ti stuc ec une, laj stac talel ta jtojolcutic. Ja' ti vi s'elan yacal ta xava'iic ta xavilic avi tana li' une.

1 Corintios 12:13

Manchuc mi israel, mi jyanlum, mi mosovinbil, mi ma'uc mosovinbil, ja'uc c'alal laj quich'tic ti vo'e, lijc'ot ta jun jcotoltic ta sventa ti jun no'ox ti Ch'ul Espíritue. Ja' jech xtoc jcotoltic laj quich'tic ti Ch'ul Espíritue.