San Lucas 3:14 - Bible in Tzotzil de Chamula

¹⁴ Xi jac'bat yu'un jun chib soldado ti Juane: —Ti vu'uncutique, ¿c'usi sc'an ta jpascutic? Xi tac'batic yu'un ti Juane: —Mu xasibtasvanic, mu xajutbeic smul ti buch'u mu'yuc c'usi spasoje. Mu xapojbeic ti c'usi oy yu'unique. Paso ta jun avo'ntonic ti c'u yepal ta xavich'ic atojolique.

Tzotzil Zinacantan

¹⁴ Tey la jayvoꞌ solteroetic noxtoc. ―Ali voꞌoticotique ¿cꞌusi tscꞌan ta jpasticotic uc? ―xutic la ti Juane. ―Mu me muchꞌu xasibtasic, mu me xasaꞌic mulil yoꞌ xatsacvanic oe, yoꞌ xacꞌanic o taqꞌuine. Junuc o avoꞌonic ti cꞌu yepal chatojatique ―xꞌutatic la yuꞌun ti Juane.

LEQUIL ACH' C'OP

¹⁴ Tey jayvo' soltaroetic noxtoc, xi isjaq'uic uque: ―Li vo'oticotique ¿c'usi tsc'an ta jpasticotic uc? ―Xutic. Itac'av ti Juane: ―Mu me much'u xa sibtasic, mu me much'u xa nopbeic smul ti c'alal ch'abal c'usi spasoje, ti ja' chapojbeic o li c'usuc yu'une; junuc o me avo'onic ti c'u yepal chatojatique ―x'utatic yu'un ti Juane.

Bible in Tzotzil de Chenalhó with Deuterocanon

¹⁴ Jech la sjaq'uic jayibuc soldadoetic ec: —Li vu'uncutique, ¿c'usi tsc'an ta jpascutic ec? —xiic. Itac'ov li Juane: —Cuxetuc no'ox avo'ntonic ti c'u yepal chavich' atojolique. Mu me boch'o xasibtasic, mu me boch'o xanopbeic smul sventa chapojbeic c'usi oy yu'un —xut.

Tzotzil San Andres

¹⁴ Te oy nojtoc jayvoꞌ soltaroetic. Jech la sjacꞌbeic eꞌuc li Juane: ―Li joꞌoncutique ¿cꞌusi ta jpascutic eꞌuc? ―xiic. Itacꞌav li Juane: ―Mu me buchꞌu xasibtesic, mu me buchꞌu xasaꞌbeic smul yoꞌ jech xuꞌ chacꞌanbeic o li staqꞌuinique. Muybajanic noꞌox ti cꞌu yepal chavichꞌ atojolique ―xut.

Tzotzil de Huixtán

¹⁴ Te oy soldadoetic uc. Hech ijac'bat ti Juane yu'un ti soldadoetique: ―Ti ho'ontutique, ¿c'usi chcut jbatutic? ―xchiic. Ti Juane hech laj yalbe: ―Nichimuc me avo'ntonic yu'un ti c'u yepal cha'ac'batic ti stojol avabtelique. Mu me much'u chasibtas, mu me much'u chanopbe smul yu'un hech xu' avu'un chavich'be staq'uin ―xut.

San Lucas 3:14 Iomraidhean Croise

Éxodo 20:16

“Mu xajut c'op ta soquesel achi'il.

Éxodo 23:1

“Mu me ja'uc ti teq'uel ta xc'ot ta avo'nton ti jeche' c'op no'oxe. Mi ja'uc ti lec xa xava'i xapay ac'op xchi'uc ti buch'u toj chopole, ti utsuc xa xava'an aba ta jeche' rexticoal yu'une.

Levítico 19:11

“Mu xa'elc'ajic. Mu xajutic c'op. Mi ja'uc xalo'laan abaic.

San Mateo 8:5

C'alal och batel ta jteclum Capernaum ti Jesuse, ja' o ital jun banquilal soldado romano, nopaj talel ta sc'anbel vocol

San Lucas 19:8

Va'i un, ti Zaqueoe lic sva'an sba ti xi laj yalbe ti Jesuse: —A'yio ava'i, Cajval, ti c'usitic x'ayan cu'une, ta xcac'be o'loluc ti me'onetique. Mi oy buch'u laj jlo'la ta sc'anbel ti staq'uine, chanib to velta ta jsutesbe.

San Lucas 3:10

Va'i un, ti jnaclejetic ta banomile xi laj sjac'beique: —¿C'usi sc'an ta jpascutic un cha'e?

San Lucas 3:13

Xi tac'batic yu'un ti Juane: —Ja' no'ox stsobic ti patan c'u yepal ta xal ti mantale.

Hechos 10:7

C'alal bat ti ánjel ti c'opone yu'une, ti Cornelioe laj sta ta iq'uel cha'vo' svinic xchi'uc jun yajsoldado ti sna' xich' ta muc ti Diose xchi'uc lec xil sbaic.

Filipenses 2:15

yo' jech mu xatabat amulic achopolalic, yo' jech bats'i xnich'nabucoxuc Dios ta stojol ti jnaclejetic ta banomil ti mu'yuc xch'ulel xa'i sbaique. Co'oluc a'elanic ta stojol jech c'u cha'al junuc c'anal ti xojobin ta ic'al osile,

Filipenses 4:11

Mu yu'unuc ta xcalboxuc ava'iic ti ta jc'an coltaele, yu'un laj xa jchan ti ximuyubaj no'ox yu'un ti c'u yepal oy cu'une.

SUN TITO 2:3

Jech xtoc ti yayiletique, albo ya'iic ti lecuc ta q'uelel ti xcuxlejalique, ti ma'ucuc yesic ta lo'iltavaneje, ti ma'ucuc ti yacubel ta spasique. Yu'un tsots sc'oplal ac'o yaq'uic ta q'uelel ti c'usi lec ta pasele,

Apocalipsis 12:10

Va'i un, laj ca'i oy buch'u tsots ta xc'opoj talel ta vinajel ti xi ta xale: “C'ot xa yorail ti pojel colele. Vinaj xa smuc'ul stsatsal ta xventainvan ti Dios cu'untique. Laj yich' xa yabtel ti Cristo yu'une, yu'un laj xa sjip loq'uel ti buch'u ta stic'be smul ti jchi'iltique, ti c'ac'al ac'ubal ta stic'be smul ta stojol ti Dios cu'untique.