San Lucas 3:11 - Bible in Tzotzil de Chamula

¹¹ —Ti buch'u oy cha'lic ti sc'u'e, ac'o yac'be jlicuc ti buch'u ch'abal yu'une. Ti buch'u oy sve'ele, ac'o yac'be ti buch'u ch'abal yu'une —xi tac'batic yu'un ti Juane.

Tzotzil Zinacantan

¹¹ ―Mi oy chaꞌlic acꞌuꞌe, qꞌuelanbo jlicuc li muchꞌu chꞌabal scꞌuꞌe. Mi oy aveꞌele, qꞌuelanbo li muchꞌu chꞌabal sveꞌele ―xꞌutatic la yuꞌun ti Juane.

LEQUIL ACH' C'OP

¹¹ Itac'av ti Juane: —Ti much'u oy cha'lic sc'u'e, ac'u yac'be jlicuc li much'u ch'abal sc'u'e; ti much'u oy sve'ele, ac'u yac'be ti much'u ch'abal sve'ele ―x'utatic yu'un ti Juane.

Bible in Tzotzil de Chenalhó with Deuterocanon

¹¹ Itac'ov li Juane: —Li boch'o oy cha'lic sc'u'e ac'o yac'be jlicuc li boch'o mu'yuc sc'u'e. Li boch'o oy sve'ele ac'o yac'be li boch'o mu'yuc sve'ele —xut.

Tzotzil San Andres

¹¹ Itacꞌav li Juane: ―Li buchꞌu oy chaꞌlic scꞌuꞌe acꞌo yacꞌbe jlicuc li buchꞌu muꞌyuc scꞌuꞌe. Li buchꞌu oy sveꞌele acꞌo yacꞌbe li buchꞌu muꞌyuc sveꞌele ―xut.

Tzotzil de Huixtán

¹¹ Itac'av ti Juane, hech laj yalbe: ―Ti much'u cha'lic sc'u'e jlic ac'o yac'be ti much'u mu'yuc yu'une. Ti much'u oy sve'ele hech ac'o spas uc ―xut.

San Lucas 3:11 Iomraidhean Croise

Ezequiel 18:7

Mi junuc oy buch'u ta xilbe svocol. Ti c'usi yich'oj ta rental ti buch'u oy yil yu'une, ta sutesbe. Mi junuc oy buch'u ta xelc'an. Xt'olbij ta yac'bel sve'el ti buch'u ta xa'i vi'nale. Ta sc'u'iltas ti buch'u ch'abal yu'une.

Daniel 4:27

Manchuc mi jech taj une, Jcuch abtel, c'otuc ta avo'nton ti xi s'elan ta xcalbot ti bijubtasele: Ja' nopo ta spasel ti c'usi tuq'ue. Mu xasa' amul. Quechano aba ta spasel ti c'usitic chopole. Ja' o'ntolino ta scoltael ti me'un mu'natetique. Yu'un ti mi jech ta xapase, Jcuch abtel, yic'al to nan xu' ta xata ti jun avo'nton ta xacuxie, ti mu'yuc c'usi xana' ta x'ech' avu'un ti c'ac'ale.’ ”

San Mateo 25:40

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti laj ac'uxubinic ti jun jchi'ile, ti peq'uel yuni c'oplale, vu'un laj ac'uxubinicun.’

San Lucas 11:41

Loc'uc ayanuc ta o'ntonal avu'unic ta yaq'uel ta matanal ti c'usi xloc' x'ayan avu'unique yo' jech pocbil tusbil ta xac'otic.

San Lucas 18:22

C'alal jech laj ya'i ti Jesús taje, xi laj staq'ue: —Xi s'elan sc'an xa no'ox jtos avu'un ti ta xapase: chono scotol ti c'usitic x'ayan avu'une. Ti stojole, ac'bo ti me'onetique. Va'i unbi, oy ac'ulejal ta vinajel. Mi jech laj apase, ts'acliun batel.

San Lucas 19:8

Va'i un, ti Zaqueoe lic sva'an sba ti xi laj yalbe ti Jesuse: —A'yio ava'i, Cajval, ti c'usitic x'ayan cu'une, ta xcac'be o'loluc ti me'onetique. Mi oy buch'u laj jlo'la ta sc'anbel ti staq'uine, chanib to velta ta jsutesbe.

San Juan 13:29

Oy jlom laj snopic ti pase ta mantal yu'un Jesús ti bat sman talel ti oy nan c'usi ta xtun ta sventa ti q'uine. Ti jlome laj snopic ti oy c'usi ta xac'be ti me'unetique, yu'un ja' yich'oj ta sventa yavil taq'uin ti Judase.

Hechos 10:2

Jun vinic ti oy yutsil slequil yo'ntone, ti yich'ojic ta muc' Dios xchi'uc ti c'u yepal oy ta snae. Ja' jech xtoc ta xc'uxubin ti israeletic ti buch'u abol sbaique, ti mu xicta sba ta c'opojel ti'inele.

Hechos 10:31

Xi laj yalbune: ‘Cornelio, ti Diose laj xa ya'i ti ac'opojel ati'inele xchi'uc laj svules ta yo'nton ti ta xacolta ti buch'u abol sbaique.

Hechos 10:4

Ti Cornelioe sq'uel xcha' batel ti ánjele, ti xi'el xa xi laj sjac'bee: —¿C'usi ta xaval, Yojtot? Xi laj yal ti ánjele: —Ich'bil ta venta yu'un Dios ti ac'opojel ati'inele, xchi'uc ti ta xacolta ti buch'u abol sbaique.

Efesios 4:28

Ti buch'u ch-elc'aje, ac'o yicta ti eleq'ue, ac'o abtejuc yo' jech ta yabtel stuc xu' ta scolta ti buch'utic abol sbaique.

1 Timoteo 6:17

Ti buch'utic oy sc'ulejalic li' ta sba banomile, albo ya'iic ti mu stoy sbaic xchi'uque, ti ma'ucuc spat yo'ntonic xchi'uc ti sc'ulejalique, yu'un ti c'ulejale, ta jech yepal xu' ta xlaj sc'oplal. Ac'o spat yo'ntonic ta stojol ti Dios ti stalel cuxule, ti oy ta yoc ta sc'ob ta yac'belotic scotol ti c'usi ta xtun cu'untique yo' lec oyotic.

1 Timoteo 6:18

Albo ya'iic mantal ti ac'o spasic ti c'usi leque yo' jech ta xc'otic ta jc'ulej ta sventa ti lequil abtel ta spasique, ti ta slequilaluc yo'ntonic ac'o coltavanicuc xchi'uc ti c'usi oy x'ayan yu'unique.

Hebreos 6:10

Yu'un ti Diose oy stuq'uil yo'nton, mi ja'uc xch'ay ta yo'nton ti ta sventa syail xc'uxul avo'ntonic oy c'usi lec laj apasic ti laj avaq'uic iluc ta scoltael ti jch'unolajeletique, ti jech to yacal ta xapasic avi tana li'e.

Santiago 1:27

Xi s'elan yutsil ta stojol Jtotic Dios ma' ti oy c'usi ch'unbile, ti mu jutebuc xchopolale: ta stic' sba ta scolta ti me'un ololetique, xchi'uc ta stojol ti me'un antsetic ti oy svocolique, xchi'uc mu soques sba xchi'uc xchopolal ti banomile.

Santiago 2:14

Jchi'iltac, ¿c'usi bal o mi xijvulvun xa ta yalel ti c'otem ta co'ntontic ta xch'unele, c'alal mu'yuc c'usi lec ta jpastique? ¿Mi yu'un la ta xijcol xana' ti jech c'otem ta co'ntontic ta xch'unele?

1 Juan 3:17

Mi oy buch'u staoj scotol ti c'usi ta xtun yu'un yo' jech ta xcuxie, mi mu'yuc ta stic' sba ta scoltael ti xchi'il c'alal ta xil ti oy c'usi tsots sc'oplal ta xtun yu'une, ¿c'usi xut ta xal ti oy xc'uxul yo'nton Dios ta stojole?

1 Juan 4:20

Mi oy buch'u ta xal: “Ti vu'une c'ux ta xca'i ti Diose”, mi xti'et sjol ta stojol yan xchi'iltaque, ja' jun jutc'op. Yu'un mi mu'yuc c'ux ta xa'i ti xchi'il ti ta xil ta sate, mi ja' xa la c'ux ta xa'i ti Dios ti mu xil ta sate.