San Lucas 24:44 - Bible in Tzotzil de Chamula

⁴⁴ Ts'acal to un, xi laj yale: —Ti c'usi c'ot ta pasel ta jtojole, ja' jech c'u cha'al ti xi laj calboxuc ava'iic c'alal jchi'inojoxuc to oxe, ti tsots sc'oplal ta xc'ot ta jtojol jech c'u cha'al ts'ibabil ti oy c'usi tsots sc'oplal albil yu'un ti Moisese, xchi'uc ti ts'ibabil ta jujupoc vunetic yu'un ti yan j'alc'opetique, xchi'uc ti ts'ibabil ta Salmoe.

Tzotzil Zinacantan

⁴⁴ ―Ti cꞌalal jchiꞌucoxuc toꞌoxe, lacalbeic ti persa onox ta xcꞌot chac cꞌu chaꞌal stsꞌibaoj comel jcꞌoplal ti Moisese xchiꞌuc ti yan yajꞌalcꞌoptac Rioxe, xchiꞌuc ta svunal jqꞌuevujtic ―xꞌutatic la yuꞌun ti Jesuse.

LEQUIL ACH' C'OP

⁴⁴ Ja' o yech i'albatic chac li'i: —Li c'usi ic'ot ta pasel ta jtojole, ja' ti c'usi lacalbeic ono'ox ti c'alal li' to'ox jchi'ucoxuque: ti persa onox ta xc'ot chac c'u cha'al sts'ibaoj comel jc'oplal ti Moisese xchi'uc ti yan yaj'alc'optac Rioxe, xchi'uc ta svunal q'uevujetique ―x'utatic yu'un ti Jesuse.

Bible in Tzotzil de Chenalhó with Deuterocanon

⁴⁴ Jech i'albatic: —C'alal jchi'inojoxuc to'oxe, jech ono'ox laj calboxuc chac li'i: ‘Ta persa ta xc'ot ta pasel scotol li jc'oplal ts'ibabil ta svun Moisese, xchi'uc ta svunic li yantic j'alc'opetique, xchi'uc ta svunal q'ueojetique’, xacutoxuc ono'ox —x'utatic.

Tzotzil San Andres

⁴⁴ Jech lic albaticuc: ―Cꞌalal jchiꞌucoxuc toꞌoxe, laj onoꞌox calboxuc ti persa ta xcꞌot ta pasel scotol li cꞌu sba tsꞌibabil comel jcꞌoplal ta sjun Moisés, schiꞌuc ta sjunic li yan li buchꞌutic iyalic scꞌop Dios ta voꞌonee, schiꞌuc ta sjunal Salmoetic ―xꞌutatic yuꞌun li Jesuse.

Tzotzil de Huixtán

⁴⁴ Hech lic yalbe: ―Hech ono'ox laj calboxuc ti c'alal jchi'inojoxuque ti persa chc'ot ti pasel scotol ti c'u che'el ts'ibabil comel jc'opilal ti sun ti Moisese xchi'uc ti sun ti yan j'alc'opetic yu'un ti Diose xchi'uc ti sunal ti q'uejojetique ―xchi.

San Lucas 24:44 Iomraidhean Croise

Génesis 14:18

Ja' jech xtoc ti Melquisedeque, ajvalil yu'un ti jteclum Saleme xchi'uc yajpale Dios ti oy ta toyole, laj yich' talel pan xchi'uc vino.

Génesis 22:18

Yu'un scotol ti muc'tiquil lumetic oy ta banomile, ta staic xc'uxubinelic ta sventa ti stuquique. Yu'un ti vo'ote laj ach'un ti c'usi laj calbote.”

Génesis 3:15

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

Génesis 49:10

Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.

Salmos 118:22

Ti ton mu'yuc xtun yu'unic ti jpas-naetique, c'ot ta sliqueb xchiquin ti nae.

Isaías 28:16

Jech o xal ti Diose xi ta xale: “Ta jpitan jbejuc ton ta lum Sion, jbej t'ujbil ton ti toyol stojol ta j'ech'ele, ti ta xtun ta sliquebe, ti yicobinoj ta xc'ot scotole. Ti buch'u spatoj yo'nton ta stojole, mu'yuc c'usi sna'.

Isaías 52:13

Ti cajtunele tsalbil ta xc'ot yu'un scotol, cajal toyol c'ot sc'oplal.

Isaías 7:14

Avi tana li'e, xi s'elan ta xlic yac'boxuc avilic senyail stuc ti Diose: Xchi'inoj xa yol ti jun tsebe, ti ta xilbe sat ti yol ti Emanuel ta xac'be ti sbie.

Isaías 9:6

Yu'un c'ot xa ta pasel ti voc' xa jun querem ta jtojoltique. Laj xa yac'botic talel jun xnich'on ti Diose, c'ot ta pasel ti ac'bat yich' yabtel ta ventainvaneje. Xi s'elan sc'oplal ta x'albate: Ch'ayal ta xc'ot o'ntonal yu'un ti c'u s'elan ta snope, Dios ti mu tsalbaje, Totil sbatel osil, Banquilal jlamajesej-c'op.

Jeremías 23:5

Xi ta xal ta jamal ti Diose: “Ta xc'ot ta pasel ti oy bu ta xvul ta loq'uel cu'un junuc sbats'i nitilul ti Davide, jun ajvalil ti oy sbijil ta xventainvane, ti xchiquintaj yu'un smelol ti chapanvaneje, ti oy stuq'uilal ta sbainel ti jteclume.

Jeremías 33:14

Mu stselbuj sc'op ti Dios ti xi ta xale: “Ta sta sc'ac'alil ti ta xc'ot ta pasel cu'un ti laj calbeic ya'iic ti ta jva'an jtec'an jba sventa slequilal ti Jerusalene, xchi'uc ti Judae.

Ezequiel 17:22

“Ti vu'un Ajvalilune xichi ta xcale: Ta jtsac junuc sc'ob ma' ti ch'ut-te' oy ta toyole. Ta jepbe junuc yuninal sq'uelom ti spajeb oy ta toyole. Ta jts'un jtuc ta jun toyol vits ta j'ech'el.

Ezequiel 34:23

Ta jbain ti cha'vuluc ta loq'uel ti cajtunel Davide. Stuc no'ox ta xc'ot ta jq'uel-chij ti vu'un ta jva'ane, ta stuc'ulan ta sq'uelel un. Ta xc'ot ta jq'uel-chij yu'unic.

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

Daniel 7:13

C'alal yacalun ta sq'uelel ti c'usi jam jsat ti li'ac'bat quil ta ac'ubaltique, ta anil no'ox xi c'ot ta pasele: laj quil ti co'ol s'elan vinic ti tal ta ba toque, ti bat ti bu oy ti Mole. Aq'ue nopajuc batel ta stojol.

Oseas 3:5

Mi laj taj une, jech ti israeletique ta sutic talel ta sa'el ti Ajvalil Dios yu'unique, xchi'uc ti David ti ja' ajvalil yu'unique. C'alal ta sta sc'ac'alil ti bu c'alal ta xc'ot ta tsutsele, ta xlic ayanuc ta yo'ntonic ta snijanel sbaic ta stojol ti Diose, ti colaval xutic ta sventa ti oy c'usi lec ac'bilic yu'un ti Diose.

Amós 9:11

“Ta xc'ot sc'ac'alil ti ta jcha'va'an ta ach' ti slomemal na ti Davide. Ta jmac ti bu jomemique. Ta ach' ta xlic jva'an ti jech jinemic xae. Ta ach' ta xlic jmeltsan jech c'u cha'al laj yich' meltsanel ta vo'nee,

Zacarías 12:10

“Ta jtic'beic ta snopbenal yu'unic ti yutsil slequilal yo'ntonique, ti ta xlic c'opojuc ti'inuc ta stojol Dios ti snitilultac ti Davide xchi'uc ti jnaclejetic yu'un ti jteclum Jerusalene. Va'i un, ta xlic yilic ti buch'u laj yac' sjol sbaquil yu'unique. Ta xlic ochicuc ta vul o'nton xchi'uquic. Ta xlic yoq'uitaic jech c'u cha'al ta xlic yoq'uitaic ti ta xtub sc'oplal ti c'ajomal no'ox jcot nich'onile, mi ja' ti c'ajomal no'ox jcot banquilale.

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

Zacarías 14:4

Ti jech c'ac'al taje, ti Diose ta stec'an lec yoc ta vits Olivo ti oy ta stuq'uil Jerusalén ti xi oy ta yeloval stuq'uil sloq'ueb c'ac'ale. Ti muc' ta stenlejal ti xi sq'ueloj batel ta stuq'uil sloq'ueb c'ac'ale xchi'uc ti xi sq'ueloj batel ta stuq'uil smaleb c'ac'al ti oy ta yoc ti vits Olivoe, ta xlic pasuc ta cha'jav. Ti o'lol jave xi xquechet no'ox batel sjavemal ta stuq'uil yolon ti yolon xocon sloq'ueb c'ac'ale. Ti o'lol jave xi xquechet no'ox batel sjavemal ta stuq'uil yolon ti yac'ol xocon sloq'ueb c'ac'ale.

Zacarías 6:12

Xi xavalbe ya'ie: ‘Xi ta xal ti Dios ti scotol xu' yu'une: Ti vinic ti sbiinoj Q'uelomile, ti ta xvul ta loq'uel ta snitilul stuque, ja' ta xcha'va'anbe xch'ulna ti Diose.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

Números 21:8

Xi albat yu'un ti Diose: —Loc'tao sloc'obbail jcotuc chon jech c'u cha'al ti jti'oval taje. Joc'ano ta junuc te' ti co'oluc s'elan junuc ste'el banderae. C'alal mi oy buch'u ta xlaj ta ti'el ta chone, ac'o sq'uel ech'el sloc'obbail ti chon ti joc'ol ta co'ol s'elan ste'el banderae. Yu'un ja' jech mu xcham xtoc.

Números 35:25

Ti jteclume, tsots sc'oplal ac'o spojic ti buch'u laj sta ti svocole yo' jech mu xmilat yu'un yuts' yalel ti buch'u chame. Tsots sc'oplal ac'o sutuc batel yu'unic ta pojobbail jteclum ti bu to ox snac'oj sbae. Ja'uc ti buch'u laj sta ti svocole, tsots sc'oplal ta xcom o ti c'u sjalile, ja' to ti mi c'ot ta pasel cham ti banquilal pale ti buch'u va'anbil lec xchi'uc ti yabtele.

San Mateo 1:22

Ti jech scotol taje, yo' ta xc'ot ta pasel ti xi s'elan laj yal ti Dios ta sventa ti j'alc'op yu'une:

San Mateo 16:21

Va'i un, ti Jesuse ja' o laj svinajesbe ya'i ti yajchanc'optac ti tsots sc'oplal ta xbat ta Jerusalene, ti ta x'ac'bat ep svocol yu'un ti moletique, yu'un ti banquilal paleetique, yu'un ti jchanubtasvanejetic yu'un ti mantale. Laj yalbe ya'i ti ta xmile yu'une, ti ta xcha'cuxi ta yoxibal c'ac'al une.

San Mateo 26:54

Mi jech taj une, ¿c'u no'ox xi ta xc'ot ta pasel ti ts'ibabil ta ch'ul c'op ti tsots sc'oplal ta xalic ti jechuc c'otuc ta pasele?

San Mateo 26:56

Ti jech le'e, yo' ta xc'ot ta pasel ti c'u s'elan laj sts'ibaic comel ti j'alc'opetic ta ch'ul c'ope. Ti jech taj une, scotol ti jchanc'opetique laj yictaic comel stuc ti Jesuse, jatavic batel.

Marcos 9:31

Yu'un xi yacal ta xchanubtas ti yajchanc'optaque: —Ti vu'un co'ol j'elantique, ta xi'aq'ue batel ta yoc ta sc'ob ti jnaclejetique yo' ta xismilicun. Ta yoxibal (3) c'ac'al une, ta xicha'cuxi.

San Lucas 21:22

Yu'un ja' o sc'ac'alil ti tsots ta xtal ti tsitsele, ti tsots sc'oplal ta xc'ot ta pasel jech c'u cha'al ta xal ti ts'ibabil ta ch'ul c'ope.

San Lucas 22:37

Ta xcalboxuc ava'iic ta melel, tsots sc'oplal ta xc'ot ta jtojol jech c'u cha'al ti xi ta xal ti ts'ibabil ta ch'ul c'ope: “C'ot to ta jsa'mulil vinic ec un.” Yu'un tsots sc'oplal ta xc'ot ta jtojol scotol ti c'u s'elan ts'ibabil ta ch'ul c'ope.

San Lucas 24:46

Xi laj yal ti Jesuse: —Yu'un ts'ibabil sc'oplal ta xcham ti Cristoe, xchi'uc ti ta xcha'cuxi ta yoxibal c'ac'ale.

San Lucas 9:22

ti xi laj yale: —Ti vu'un co'ol j'elantique ta xquich' ep vocol. Ta sjip stenicun ti moletique, ti banquilal paleetique, ti jchanubtasvanejetic yu'un ti oy c'usi tsots albil sc'oplale. Ta xiyaq'uicun ta milel, ja'uc, ti ta yoxibal c'ac'ale, ta xicha'cuxi.

San Lucas 9:44

—A'yic lec li'e, xi s'elan ti mu xach'ay ta avo'ntonique: ti vu'un co'ol j'elantique, ta xi'aq'ue ta yoc ta sc'ob ti viniquetique.

San Juan 3:14

Jech c'u cha'al ti Moisés laj sjipan ta te' sloc'obbail chon ta xocol banomile, ja' jech ta xquich' jipanel ta curus ec ti vu'un co'ol j'elantique.

San Juan 5:39

Ti ch'ul c'ope ta xalbun jc'oplal xtoc. Ac'o mi batem xa avo'ntonic ta sq'uelel ti ch'ul c'ope, ti avalojic xa ta xataic ti acuxlejalic yu'une,

San Juan 5:46

Ti tauc xc'ot ta avo'nton ti c'usi laj sts'iba ti Moisese, ta xavich'icun ta muc' ti jechuque. Yu'un ti Moisese, ja' laj sts'iba comel jc'oplal.

Hechos 13:33

Ti vo'otic snitilulotic ti jmolmuc'totique, c'ot ta pasel yu'un ta jtojoltic. Yu'un laj xa xcha'cuxes ti Jesuse jech c'u cha'al ti xi s'elan ts'ibabil ta xchibal Salmoe: ‘Vo'ot ti Jnich'onote, yu'un ti c'ac'al avi tana li'e, laj xa cac'bot acuxlejal.’

Hechos 13:40

Bijanic un cha'e yo' mu jechuc xc'ot ta atojolic jech c'u cha'al ti xi s'elan laj sts'iba comel ti j'alc'opetique:

Hechos 2:27

yu'un mu xavac' ave ati' ta xicom ta muquinal. Mi ja'uc ta xavac' ave ati' ti aq'ueloj ta xc'a' sbec'tal stacopal ti ch'ul jtunel avu'une.

Hechos 3:18

Ti jech taje, ja' c'ot ta pasel yu'un Dios ti xi ono'ox laj yalic comel ti j'alc'opetique: ‘Ti Cristo Jcoltavaneje ta xich' svocol.’

Hechos 7:37

Ti Moisés taje, ja' ti xi ono'ox laj yalbe ya'i ti jchi'iltic ta vo'nee: ‘Ti Diose ta stacboxuc talel jun j'alc'op ti ta x'ayan ta atojolic jech c'u cha'al listacun talele. Ich'ic ta muc' ti c'usi ta xale.’

Hebreos 10:1

Ti c'usi laj yac' ta na'el ti oy c'usi tsots sc'oplal albil yu'un ti Moisese, ma'uc ti bats'i smelole, naca svinajeb no'ox ti c'usitic lec ta xvul ta loq'uele. Jech o xal un, ta sventa ti c'usitic ta xac' ta na'el ti oy c'usi tsots sc'oplal albile, mu'yuc staic slequilalic ti buch'utic jujun jabil ta xnopajic batel ta stojol Dios ta sventa ti milbil matanale.

Hebreos 3:5

Ja' jech ti Moisese, ti ja' jun lequil jtunele, laj sventainbe scotol ti c'usitic oy ta sna ti Diose. Yu'un ti jech itune, laj sva'an sba ta scaj'albel sc'oplal ti c'usitic ts'acal to ta xvul ta loq'uel yu'un ti Diose.

Hebreos 7:1

Ti Melquisedec taje, ja' to ox ajvalil yu'un ti jteclum Saleme, ja' banquilal pale xtoc yu'un Dios ti oy ta toyole. C'alal sut talel ti Abraham ta pas leto c'alal laj stsal comel ti jayib ajvaliletique, jech ti Melquisedeque loc' batel ta snupel ta be ti Abrahame, xchi'uc laj yac'be yich' ti lequile.

Hebreos 9:8

Ti jech taj une, ti Ch'ul Espiritue ta xac' ta na'el ta jtojoltic ti macal to sbelal ti bats'i ch'ul cuarto c'alal ta to xtun ti sliquebal cuartoe.

1 Pedro 1:11

Ti j'alc'opetique ac'bat sna'ic yu'un Espíritu yu'un ti Cristoe ti ta ono'ox xich' ti svocole, ta ts'acal to ta xich' ti slequilale. Ti stuquique laj yac'beic yipal ta st'unel xchi'uc c'usi c'ac'alil ta xc'ot ta pasel ti jech x'ac'bat sna'ic yu'un ti Ch'ul Espíritu ti oy ta stojolique.

Apocalipsis 19:10

Laj jquejan jba ta yoc ti anjele yo' ta xquich' ta muc', ja'uc le'e, xi laj yalbune: “Mu jechuc xapas, ja' ich'o ta muc' ti Diose. Ti vu'une, naca yajtunelun Dios jech c'u cha'al ti vo'ote xchi'uc ti achi'iltac ti buch'utic jun yo'ntonic ta stojol c'u s'elan yaloj comel ti Jesuse.” Ti tijbil sjol yo'ntonic ti j'alc'opetic ta yalbel sc'oplal ti Jesuse, ja' ta xac' ta na'el stuc ti Jesuse.