San Lucas 23:2 - Bible in Tzotzil de Chamula

² Xi laj sjutbeic smul c'alal oyic ta stojol ti Pilatoe: —Ti vinic li'e, yacal ta soquesbel sc'oplal ti jlumalcutique. Ta xal xtoc ti mu la tsotsuc sc'oplal ta jtojcutic patan ti ta sc'an ti ajvalil romanoe. Ta xalbe sba ja' la ti Cristo ti oy sc'oplal ta xtal ta ajvalile.

Tzotzil Zinacantan

² Lic la sticꞌbeic smul. ―Li vinic liꞌi yolel tstsob svinic liꞌ ta jlumalticotique. Chal ti mu xuꞌ xcacꞌbeticotic tojel aqꞌuel ti preserente Césare. Jaꞌ la preserente li stuque. Jaꞌ la tꞌujbil yuꞌun Riox ti chispasoticotic ta mantale ―xutic la ti Pilatoe.

LEQUIL ACH' C'OP

² C'alal tey xa'ox va'al yu'unique, lic stic'beic smul, ja' yech iyalic chac li'i: ―Li vinic li'i, yolel tsocbe sjol crixchanoetic ijtaticotic li' ta jlumalticotique. Chal ti mu xu' jtojbe jpatanticotic ti Césare, xchi'uc noxtoc chal ti ja la ti Cristoe ti ch-och ta Reyale ―xutic ti Pilatoe.

Bible in Tzotzil de Chenalhó with Deuterocanon

² Te c'ot stic'beic smul. Jech laj yalic: —Li vinic li'i ja' ta soques li jlumalcutique. Ta xal ti mu me xcac'be jpatancutic li Cesare, yu'un chal ti ja' muc'ta ajvalil stuque, ti ja' Cristoe —xiic.

Tzotzil San Andres

² Te lic sticꞌbeic smul. Jech laj yalic: ―Li vinic liꞌi ta xal ti mu xuꞌ ta xcacꞌbecutic jpatancutic li mucꞌta ajvalil Césare, yuꞌun ta xal ti jaꞌ ajvalil stuque. Ta xal ti jaꞌ tꞌujbil yuꞌun Dios ti chisventainuncutique. Ta stsob svinictac yuꞌun ta scꞌan ta sliques cꞌop liꞌ ta cosilalcutique ―xiic.

Tzotzil de Huixtán

² Te lic sa'beic smul. Hech laj yalic: ―Avi vinic li'to ja' no'ox tstsob svinictac yu'un tsliques c'op li' ti jlumaltutique. Chal ti mu stac' chcac'betutic spatan ti totil ajvalil cu'untique, ja' ti Césare, yu'un ja' ajvalil scuyoj sba. Ja' ti Cristo scuyoj sbae ―xchiic. Ja' ti Cristo sbie ja' sjam ti ac'bil yabtel yu'un ti Diose.

San Lucas 23:2 Iomraidhean Croise

1 Reyes 18:17

C'alal jech laj yile, xi laj yalbee: —¿Mi vo'ot xcaltic ti yacal ta xasoquesbe yo'nton ti Israele?

Salmos 35:11

Ta sva'an sbaic ta rextico ti buch'u mu'yuc xch'ulel xa sbaic ta sjac'belun ti c'usi mu xtac' cu'une.

Salmos 62:4

Yu'un c'ajomal no'ox xnopnun ta sjolic ta xisjipicun ta lum; lec xa xa'iic sjutel ti c'ope. Yilele, jun xa yutsil ma' ti ye sti' ta jtojole, sbisicun xa ta cotol chaval ta yut yo'ntonic un.

Jeremías 20:10

Ca'binoj ma' ti xi xbet'bun ye ta xalic ti jnaclejetique: “Buyuc no'ox, xi'bal sba ta j'ech'el.” Xi ta xalic une: “La'ic quere, la' jtic'betic smul ya'i.” Ma'uc no'ox taje, ti buch'utic lec xquil jba xchi'uque, smalaic xa yilic ti bu ta xipiltsuje. Xi ta xalic une: “Stac' nan lo'lael ma' le'e, tsalbil ta xc'ot cu'untic unbi. Ta jpacbetic ya'i sutel ma' ti c'usi laj xa yalbotic un.”

Jeremías 38:4

Va'i un, ti j'opisialetique xi laj yalbeic ya'i ti ajvalile: “Sc'an milel ti vinic le'e. Ti c'usi ta xloc' ta yee, ta stsiq'uesbe yo'nton ti c'u to yepal oy ti soldadoetic li' ta jteclume, xchi'uc scotol ti jnaclejetique. Ti vinic le'e, ma'uc ta sa'be slequilal ti jnaclejetique. C'ajomal no'ox ta xac'be ti svocole.”

Amós 7:10

Ti Amasíase, pale yu'un ti jteclum Betele, xi laj stac batel mantal ta yalel ta stojol ti Jeroboam ajvalil yu'un ti Israele: “Ti Amose xvolet jmoj xchi'uc ti jnaclejetic yu'un Israel ta xchapel ti ta spaybot ac'oplal ti Jcuch abtelote. Jech ti jteclume mu xa ts'icbaj ta xa'iic ti xvulvune.

Zacarías 11:8

Ta jun no'ox u, laj jtuch'be yabtel oxib j'il-chijetic ta scoj ti xcapet no'ox sjolic ta jtojole, yu'un laj ti sts'iquemal xcuchemal cu'une.

San Mateo 17:27

Le' une, yo' mu'yuc buch'u ta jsoquesbe ti yo'ntone, batan ta nab, jipo ochel ti stsacobil choye. Checho loq'uel ti ba'yel choy ta snit ti stsacobile. Jach'bo ye. Ta xata jsep taq'uin ti xloc' o lec ta sventa ti jpatan-taq'uin xchi'uc ti apatane. Ich'o batel, tojbo comel.

San Mateo 22:21

Xi laj stac'beique: —Ja' ti banquilal ajvalile —xiic. Va'i un, xi laj yal ti Jesuse: —Ac'beic ti bu ja' yu'un ti ajvalile. Ac'beic xtoc ti bu ja' yu'un ti Diose.

San Mateo 27:11

Ti Jesuse ic'bil batel ta stojol ti ajvalile, ti xi laj sjac'bee: —¿Mi vo'ot ti ajvalil yu'un ti israeletique? Xi laj stac' ti Jesuse: —Vu'un, jech c'u cha'al ta xavale.

Marcos 12:17

—Ac'beic ajvalil romano ti c'usi ja' c'otem ta yu'une. Jech xtoc, ac'beic Dios ti c'usi ja' c'otem ta yu'une —xi ti Jesuse. Ch'ayal c'ot yo'ntonic ti va'i s'elan tac'batique.

Marcos 15:2

Xi laj sjac' ti Pilatoe: —¿Mi vo'ot ajvalilot yu'un ti israeletique? Xi laj stac' ti Jesuse: —Jech c'u cha'al ta xaval.

San Lucas 23:14

—Ti vo'oxuque laj avic'beicun talel ti vinic li'e ti ta xavalic ti ta soquesbe yo'nton ti jteclume. Ta aba ta asatic, laj jac'be ti smule, mu'yuc bu laj jtabe ti vo'oxuc ta xavalic ti oy ti smule.

San Lucas 23:5

Xi x'avlajetic xa liquele: —Ti c'u s'elan ta xchanubtasvane, laj xa soquesbe yo'nton scotol ti jteclume. Laj sliques talel ta Galilea, ti jech ta spasolan li' ta Judea avi tana li' une.

San Juan 18:29

Jech o xal ti Pilatoe iloc' batel ti xi laj sjac'be ti jchapanvanej israeletique: —¿C'usi smul avu'unic ti vinic li'e?

San Juan 18:30

Xi laj staq'uique: —Ti mu'yucuc tsots ti smule, mu'yuc xquic'cutic talel ta atojol ti jechuque.

San Juan 19:12

Va'i un, ti Pilatoe lic sa'ilan c'u s'elan xu' ta scolta batel ti Jesuse, ja'uc ti israeletique xi laj yavtaic batele: —Mi ta xacolta batel ti vinique, ma'uc lequil jtunelot yu'un ti muc' ta ajvalil Cesare. Buch'uuc no'ox ta sbis sba ta ajvalile, ja' yajcontra ti ajvalil Cesare.

Hechos 24:13

Ti viniquetic li'e, mi ja'uc jutebuc ta stabeicun ti jmul ti va'i s'elan ta xalique.

Hechos 24:5

Ja' xchamel jteclum ti vinic li'e. Buyuc no'ox ta xanav ta sjoylej banomil, ta sliques c'op ta syanijesbel sjol ti jchi'ilcutic ta svoq'uel sbaique. Ja' jun banquilal xa'i sba ti buch'utic c'otem ta yo'ntonic ta xch'unel ti sbiinoj nazarenoe.

Romanos 13:7

Ich'o ta muc' ti c'u s'elan yabtel jujuchope. Tojic me ti patan ti ta sc'anboxuque. Tojic me ti sloc' ti ta sc'anboxuque. Ich'ic ta muc' ti buch'u ich'bil ta muq'ue. Ti buch'u lec x'ilate, lec me xavilic ec.