San Lucas 23:15 - Bible in Tzotzil de Chamula

¹⁵ Mi ja'uc ti Herodes eque, laj sutes talel li'e, yu'un mu'yuc laj stabe smul. Xana'ic xa un, mu'yuc c'usi chopol spasoj. Mu xc'ot o ti ta xich' milel.

Tzotzil Zinacantan

¹⁵ Jaꞌ noꞌox yech li Erodese muc bu istabe smul uc. Ti istabeuc smule, muc stac sutel tal ti yechuque. Chꞌabal smul ti chichꞌ milele.

LEQUIL ACH' C'OP

¹⁵ Ja' no'ox yech li Erodese muc' bu istabe smul uc, yech'o ti li stacbotic sutel tale. Mi avilic un, mu c'usi chopol spasoj ti ta xcac' o ta milele.

Bible in Tzotzil de Chenalhó with Deuterocanon

¹⁵ Jech ec li Herodese mu'yuc la stabe smul, ja' yu'un la stac sutel tal li' ta jtojole. A'yo ava'yic, mu'yuc smul ti xu' ta xmilat oe.

Tzotzil San Andres

¹⁵ Jech nojtoc li Herodese muc bu stabe smul eꞌuc. Ti lauc stabe smule, muc bu stac sutel liꞌ ta jtojol ti jechuque. Jech muꞌyuc smul ti chavaqꞌuic ta milele.

Tzotzil de Huixtán

¹⁵ Hech uc ti Herodese muc stabe smul uc. Ti lajuc stabe smule, muc xcha'tac sut tal ti jtojol ti hechuque. A'yo me ava'yic, mu'yuc smul ti achi'il li'to yu'un chmilat.

San Lucas 23:15 Iomraidhean Croise

Daniel 6:4

C'u stu un, ti buch'u yich'oj cajal yabtelic ta q'uelvaneje, xchi'uc ti its'inal ajvaliletique, lic sa'ilanbeic sc'oplal c'u s'elan ta sa'beic smul ti xu' ta xalic ti mu lecuc ta xbat yu'un ti c'u s'elan ta spas mantal ti bu c'alal sventainoj ti ajvalile. Ta sventa ti ja' jun vinic ti tuc' sjol yo'nton ti Daniele, jech o xal mu'yuc jtosuc ta staic ti oy c'usi chopol ta spase. Ja' yu'un un, mu'yuc xu' yu'unic ta stic'bel smul ta sventa ti c'u s'elan yabtel yich'oje.

San Mateo 14:1

Ti jech yorail taje, ti Herodes ti ochem ta its'inal ajvalil ta Galilea banomile, laj ya'ibe sc'oplal ti Jesuse.

San Lucas 9:9

Xi ta xal ti Herodese: —Vu'un laj cal mantal laj yich' c'ocbel sjol ti Juane. ¿Buch'u van taje ti ta xca'ibe ep ti sc'oplale? Jech o xal ti Herodese oy ta yo'nton ta sq'uel ya'i ti Jesuse.