San Lucas 23:11 - Bible in Tzotzil de Chamula

¹¹ Ti Herodese xchi'uc ti yajsoldadotaque mu'yuc c'usi bal o laj yilic. Yo' ta slabanic ti Jesuse, jun yutsil laj yac'be slap sc'u' jech c'u cha'al junuc ajvalil. Ts'acal to un, ti Herodese laj stac batel ono'ox ta stojol ti Pilatoe.

Tzotzil Zinacantan

¹¹ Ti Erodese xchiꞌuc ti yajsolterotaque muc la xichꞌic ta mucꞌ ti Jesuse. Islabanic la, istsꞌacubtasic la. Iyacꞌbeic la slap cꞌuꞌul, coꞌol la xchiꞌuc scꞌuꞌ preserenteetic. Tsꞌacal to istac la sutel ta stojol Pilato, slapoj la echꞌel ti cꞌuꞌule.

LEQUIL ACH' C'OP

¹¹ Ti Erodese xchi'uc ti yajsoltarotaque muc' xich'ic ta muc' ti Jesuse, islabanic iyac'beic slap lequil c'u'ul, co'ol c'u cha'al sc'u' rey. Ti Erodese ja' o istac sutel ta stojol ti Pilatoe.

Bible in Tzotzil de Chenalhó with Deuterocanon

¹¹ Li Herodes xchi'uc yajsoldadotaque solel mu'yuc stu laj yilic li Jesuse. Ja' no'ox la slabanic, la slapbeic natil c'u'il sventa ajvalil. Ts'acal la staquic sutel ta stojol li Pilatoe.

Tzotzil San Andres

¹¹ Li Herodese schiꞌuc li yajsoltarotaque muc bu xichꞌic ta mucꞌ li Jesuse. Jaꞌ noꞌox la slabanic, la slapbeic natil cꞌuꞌil sventa ajvaliletic. Tsꞌacal to la staquic sutel ta stojol li Pilatoe, te slapoj batel li cꞌuꞌile.

Tzotzil de Huixtán

¹¹ Ti Herodese xchi'uc ti yajsoldadoetique muc spasic ti muc' ti Jesuse. Ja' no'ox laj slabanic, laj slapbeic c'u'il hech chaj c'u che'el tslapic ti ajvaliletique, ja' ti t'ujum no'ox ti jyalel ti c'u'ile. Patil hech lic staquic sut tal ti stojol ti Pilatoe. Slapoj tal ti c'u'ile ti Jesuse.

San Lucas 23:11 Iomraidhean Croise

Salmos 22:6

Xuvitun j'elan, ma'ucun jun vinic; j'ac'-labal tse'ejun yu'un ti jnaclejetique.

Isaías 49:7

Ti jpojvanej jcoltavanej Ajvalile, Ch'ul Dios yu'un ti Israele, xi ta xalbe ti lum ti tan puc batic ta j'ech'ele, ti bajbil tenbil c'otic yu'un ti yan lumetique, ti c'otic ta yajmosovtac ti buch'u spajebal xa no'ox j'ilbajinvanej xa'i sbaique: “C'alal ta xayil ti ajvaliletique, xchi'uc ti its'inal ajvaliletique, ta xlic va'iicuc, ta squejan sbaic ta atojol, yu'un ti jech Ajvalilune, ch'ul Diosun yu'un ti Israele, laj jt'ujot, ta xc'ot ta pasel cu'un ti c'u s'elan calojane.”

Isaías 53:3

Bajbil tenbil c'ot yu'un ti jnaclejetique, mu'yuc stu ile. Ja' jun j'ich'-vocol vinic, ti mu sna' spoj sba yu'un ti vocolajele. C'ot jech c'u cha'al ti buch'u tenbil xa ta o'ntonale, ti mu'yuc stu jipbil tenbil c'ot cu'untique.

San Mateo 14:1

Ti jech yorail taje, ti Herodes ti ochem ta its'inal ajvalil ta Galilea banomile, laj ya'ibe sc'oplal ti Jesuse.

San Mateo 14:3

Ti Herodese sna' lec ti laj stic' ta chuquel ti Juane, ti laj xchuc ta cadena taq'uin ta scoj ti ants Herodiase, yajnil ti yits'ine, ti Felipe sbie.

San Mateo 14:6

C'alal sta sc'ac'alil c'usi ora voc' ti Herodese, ic'bat yo'nton ti Herodes ti c'u s'elan c'upil sba ac'otaj yantsil ol ti Herodiase ta sba ta sat ti buch'utic ic'bilic yu'une,

Marcos 9:12

Xi laj stac' ti Jesuse: —Ta melel, ba'yel ta xtal ti Elías ta xchapanel scotol. Ti vu'un co'ol j'elantique ta xal ti ts'ibabil ta ch'ul c'ope, ta xquich' ti jvocole, ta xquich' jipel tenel.

San Lucas 23:10

Ja' jech xtoc tey oyic ti banquilal paleetique, xchi'uc ti jchanubtasvanejetic yu'un ti oy c'usi tsots albil sc'oplale, ti mu no'ox albajuc ta stic'beic ti smule.

San Juan 19:5

Xojol xa batel ti xotbil ch'ix ta sjol ti Jesuse, slapoj batel ti c'u'il ic'-ic' losantic sba stsajale. Xi laj yal ti Pilatoe: —¡Li' oy ti vinique!

Santiago 2:2

Xcaltic no'ox ava'iic jech c'u cha'al li'e: Ti c'alal tsoboloxuc xae, ta xa x'och batel jun vinic ti jun yutsil ti sc'u'e, xchi'uc xojol yaniyoal sc'ob ta lequil oro. Jech xtoc ta x'och batel jun me'un vinic, ch'abal lec ti sc'u'e.

Santiago 2:3

Ich'bil ta muc' ta xc'ot avu'unic ti vinic ti buch'u jun yutsil ti sc'u'e, ti xi ta xavalbeique: “Yojtot, la' chotlan li' ta lequil chotlebale.” Yan ti jun me'une xi ta xavalbeique: “Tey to no'ox va'lan ava'i, mi mo'oje, chotlan li' ta lumtique.”