San Lucas 22:7 - Bible in Tzotzil de Chamula

⁷ Sta yorail ti q'uin ta sve'ic pan ti ch'abal yich'oj spajubtasobile, ti ja' o sc'ac'alil ta xich' milel ti chij sventa ti q'uin Colele.

Tzotzil Zinacantan

^7-8 Ti cꞌalal ista scꞌacꞌalil ta sveꞌic pan ti muc bu yichꞌoj svuquesobil xchꞌute, cꞌalal tsmilic li chꞌiom chijetic scuenta li sqꞌuinal ti cꞌalal iloqꞌuic ta mozoil ti baꞌyi stot smeꞌic li jꞌisraeletique, ti Jesuse istac echꞌel li Pedroe xchiꞌuc li Juane. ―Batanic, ba meltsanic li chij ta jtiꞌtic ta qꞌuine ―xꞌutatic la.

LEQUIL ACH' C'OP

⁷ Ista sc'ac'alil c'alal tsve'ic pan ti muc bu yich'oj svuquesobil xch'ute, ja' o ti c'alal tsmilic li ch'iom chij ta scuenta li sq'uinal ti c'alal iloq'uic ta mozoile.

Bible in Tzotzil de Chenalhó with Deuterocanon

⁷ C'alal la sta sc'ac'alil ta sve'ic pan ti mu'yuc yich'oj svolesubil xch'ute, ja'o ti c'alal ta smilic li ch'ium chij ta sventa q'uin Coltaele,

Tzotzil San Andres

⁷ Ista scꞌacꞌalil ta sveꞌic pan ti muc bu yichꞌoj svochesobile, schiꞌuc ta slajesic li chexel chijetic ta sventa qꞌuin Coltael jech chac cꞌu chaꞌal yaloj onoꞌox li Diose.

Tzotzil de Huixtán

⁷ Laj sta yorail ti tsve'ic ti caxlan vaje ti mu pumesbiluc xch'ute, ti tsmilic ti ch'iom carneroe ti tsti'ic yu'un ti q'uin Pascuae hech chaj c'u che'el yaloj ti Diose.

San Lucas 22:7 Iomraidhean Croise

Éxodo 12:18

Ta xlic ave'ic pan ti mu'yuc yich'oj ti spajubtasobil ta smaleb c'ac'al yu'un ti xchanlajunebal (14) sliqueb ue, c'alal to ta smaleb c'ac'al ta jun xcha'vinic (21) c'ac'al yu'un ti u ta xc'ot ta tsutsele.

Éxodo 12:6

Chabiic to me un, yu'un ja' to ta xtun ta xchanlajunebal (14) sc'ac'alil ti u taje. Yu'un ti jech c'ac'ale, scotolic jujucot ta smilic ta smalil c'ac'al sjunul ti Israele.

San Lucas 22:1

Nopol xa sc'an ti q'uin ta xich' ve'el ti pan ch'abal yich'oj ti spajubtasobile, ja' ti q'uin Colele.

San Lucas 22:6

Laj stsac ti taq'uine. Lic sa'olan c'u s'elan xu' ta xac' ta c'abal ti Jesuse c'alal ja' o ch'abal ti jnaclejetique.

1 Corintios 5:7

Jech o xal un, jipic loq'uel ti spajubtasobil pan ti ta soquesoxuque. Jechuc a'elanic jech c'u cha'al ti ach' pan ti ta xich' ve'el ta q'uin Colebale, ti pasbil ta ach' vots'bil jarina ti mu'yuc yich'oj ti spajubtasobile. Taje, ja' ac'oplalic vo'oxuc, yu'un ti Cristoe ja' c'ot ta ch'iom chij cu'untic ta sventa colebal ti laj yich' svocol ti cham cu'untique.