San Lucas 22:53 - Bible in Tzotzil de Chamula

⁵³ C'alal tey to ox oyun ta atojolic jujun c'ac'al ta ch'ulnae, mi ja'uc jutebuc laj atsaquicun. Ja'uc le' une, ja' xa c'ot yorail ti pasbiloxuc ta mantal yu'un ti buch'u sventainoj ti ic'al osile.

Tzotzil Zinacantan

⁵³ Ti tey onox chichanubtasvan ta tiꞌ mucꞌta templo jujun cꞌacꞌale, ¿cꞌu yuꞌun ti mu teyuc noꞌox atsaquicon yaꞌele? Ti xꞌelan tal atsaquicone, yuꞌun iꞌacꞌbat permiso yuꞌun Riox lavajvalique, jaꞌ ti Satanase, ti yajval mulile ―xꞌutatic la ti jtsacvanejetique.

LEQUIL ACH' C'OP

⁵³ Scotol c'ac'al tey jchi'ucoxuc ta muc'ta templo, pero muc' xa tsaquicon. Pero lavie ista xa sc'ac'alil avu'unic, ti ja' xa cha spasic ta manta li yajval ic'al osile ―x'utatic ti jtsacvanejetique.

Bible in Tzotzil de Chenalhó with Deuterocanon

⁵³ Jujun c'ac'al te oyun ta atojolic ta yamaq'uil ch'ulna, muc xatsaquicun. Pero li' ta orae ic'ot xa sc'ac'alil avu'unic, xchi'uc ic'ot xa sc'ac'alil yu'un li yajval ic'al osile —xut.

Tzotzil San Andres

⁵³ Yuꞌun scotol cꞌacꞌal te oyun ta atojolic ta yamaqꞌuil li mucꞌta chꞌulnae. ¿Cꞌu chaꞌal mu teuc noꞌox la atsaquicun? Ti jech la atsaquicune, yuꞌun iꞌacꞌbat yuꞌun Dios la avajvalique, jaꞌ li Satanás li sventainoj li mulile ―xut li jchucvanejetique.

Tzotzil de Huixtán

⁵³ Scotol c'ac'al te oyun ti atojolic te ti templo. ¿C'u yu'un mu teuc laj atsacucun? Yu'un ti hech ihu' xa avu'unique ti ora to yu'un ac'bil lisensa ti avajvalique, ja' ti sventainoj ti mulile. Ja' ti Satanase ―xut ti much'utic tal tsacatuc yu'une.

San Lucas 22:53 Iomraidhean Croise

Job 20:5

Mu jaluc xmuyubaj ma' ti buch'u mu'yuc xch'ulel xa'i sbae, ti jliquel no'ox ma' ti mu'yuc c'usi sna'e.

San Mateo 21:23

Ts'acal to ti Jesuse och batel ta ch'ulna. C'alal yacal ta xchanubtasvane, nopajic talel ti banquilal paleetique xchi'uc ti moletic yu'un ti israeletique, xi c'ot sjac'beique: —Albun ca'icutic, ¿c'usi avabtel ti vi s'elan ta xapase? ¿Buch'u laj yac'bot avabtel?

San Lucas 22:52

Laj taj une, ti Jesuse xi laj sc'opon ti jtsacvanejetique, ja'ic ti banquilal paleetique, ti j'opisialetic yu'un ti ch'ulnae, ti moletique: —¿Mi yu'un j'elec'un ta xavilic ti tal atsaquicun xchi'uc avespadaic xchi'uc ate'ique?

San Lucas 22:54

Va'i un, laj xchuquic batel ti Jesuse, yic'ojic batel ta sna ti banquilal yu'un ti paleetique. Nom xtijet batel ti Pedroe.

San Juan 12:27

“¡Mu xnel, mu x'ech' ta xca'i ta j'ech'el ti vocole! ¿C'usi ta xcal un? ¿Mi ja' van xichi ta xcale: ‘Tot, coltaun yo' mu xc'ot ta jtojol ti vocol avi li'e?’ ti c'alal ja' sventa lital li'e.

San Juan 13:30

C'alal laj stsac pan ti Judase, loc' batel. Ac'ubaltic xa.

San Juan 14:30

“Jliquel xa li' ta jchi'inoxuc ta lo'ile, yu'un tal xa ti buch'u sbainoj ta spasel mantal li' ta banomile, ac'o mi mu'yuc c'usi xu' yu'un spasel ta jtojol.

San Juan 7:30

Va'i un, sc'an xa ox ta stsaquic ya'iic. Mu'yuc buch'u junucal laj stic' sba mi junuc, yu'un mu'yuc to ta xc'ot yorail.

San Juan 7:45

Ti mayoletic yu'un ti ch'ulnae sutic batel bu oy ti fariseoetique xchi'uc ti banquilal yu'un ti paleetique, ti xi jac'batique: —¿C'u cha'al mu'yuc laj atsaquic talel?

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Efesios 6:12

Yu'un ma'uc yacalotic ta scontrainel ta stsalel ti jnaclejetic ta banomil ti oy sbec'tal xch'ich'elique. Yu'un ja' yacalotic ta scontrainel ta stsalel ti pucujetic ti oy yipic ta spasel ti c'usi chopole, ti ta ic' ta xanavique, ti ja' ta spas ta mantal ti jnaclejetic ta banomil ti oyic ta ic'al osile.

Colosenses 1:13

Yu'un ti Diose laj spojotic loq'uel ta yoc ta sc'ob ti ic'al osil ti q'uelel ta jtojoltique. Laj xa yic'otic ochel ti bu ta xventainvan ti xc'uxubinbil Nich'one,