San Lucas 21:9 - Bible in Tzotzil de Chamula

⁹ Mu xaxi'ic yu'un c'alal ta xava'ibeic sc'oplal ti letovajele, ti contrainej baile, yu'un ba'yel jech ta xc'ot ta pasel. Ma'uc to yorail un ti slajebal c'ac'ale.

Tzotzil Zinacantan

⁹ Ti cꞌalal chavaꞌiic ti oy acꞌ cꞌoqꞌue, ti cꞌalal chavaꞌiic ti oy bu tscrontain yajpreserenteique, mu me xaxiꞌic. Chcꞌot onox yech, pero li balamile maꞌuc toꞌox chlaj, liꞌto cꞌuuc sjalile.

LEQUIL ACH' C'OP

⁹ Ti c'alal chava'iic ti oy milbaile, ti tscrontain yajpreserenteique, mu me xaxi'ic. Yu'un ba'yi ono'ox chc'ot ta pasel yech chac taje; pero li balamile ma'uc to'ox yora chlaj.

Bible in Tzotzil de Chenalhó with Deuterocanon

⁹ C'alal chava'yic oy xa pleito, xchi'uc ti oy xa boch'o ta scontrain sbaique, mu me xaxi'ic. Ta persa jech ta xc'ot ta pasel ba'yuc, pero mu to ja'uc slajebal c'ac'al”, xi.

Tzotzil San Andres

⁹ Cꞌalal chavaꞌiic ti oy cꞌop liꞌi schiꞌuc cꞌalal chavaꞌiic ti oy cꞌop ta nome, mu xaxiꞌic. Ta onoꞌox xcꞌot ta pasel pero maꞌuc toꞌox slajeb cꞌacꞌal ―xi.

Tzotzil de Huixtán

⁹ C'alal chava'ibeic sc'opilal ti oy ep muc'ta pleito li' ti balumile, chava'ibeic sc'opilal uc ti chlic yan muc'ta pleito, mu me xaxi'ic. Persa scotol hech chc'ot ti pasel jbael. Mu to ja'uc slajebal c'ac'al ―xchi.

San Lucas 21:9 Iomraidhean Croise

Salmos 112:7

Mu toj xi'eluc yu'un ti c'usiuc chopol xpuquet sc'oplal ta xich' alele; mu stsic' yo'nton, spatoj yo'nton ta stojol ti Diose.

Isaías 8:12

“Mu xavalic ti mucul paybil xa sc'oplal scotol jech c'u cha'al ta xalbeic sc'oplal ti jteclum ti mucul paybil xa ti sc'oplale. Mu xbat ach'ulelic yu'un. Mi ja'uc stsic' avo'ntonic yu'un ta scotol ti c'usitic ta xi'ic yu'une.

San Lucas 21:10

Xi to laj yalilan batel ti Jesuse: —Ti jun muc' ta jteclume, ta stsac sbaic ta leto xchi'uc ti yan muc' ta jteclume. Ti jun ajvalile ta stsac ta leto ti yan ajvalile.

San Lucas 21:28

C'alal jech xlic c'otuc ta pasele, toyo asatic, mu xa xatsiq'ues avo'nton, c'ot xa yorail ti pojel colele.”

San Lucas 21:8

Ti Jesuse xi laj yale: —Bijanic, mu xalajic ta lo'lael, yu'un yepal ti buch'utic ta stunesic ti jbi ti xi ta xalique: ‘Vu'unun ti Cristoune.’ Oy yan ti xi ta xalique: ‘Xtal xa ma' ti Cristo une.’ Ja'uc le'e, mu xats'acliic.