San Lucas 21:6 - Bible in Tzotzil de Chamula

⁶ —Scotol ti vi s'elan ta xavilic li'e, ta sta yorail ti lilijem ta xcome, mi jbejuc ton cajal ta xcom ta sba ti yan tone.

Tzotzil Zinacantan

⁶ ―Lequic avaꞌuquicaꞌa, pero ta sta yora ti ta xlomesate. Busul chcom scotol ―xꞌutatic la.

LEQUIL ACH' C'OP

⁶ ―Scotol li c'usitic chavilic lavie, ta sta sc'ac'alil ti mu xa bu cajal chcom jp'ejuc ton ta sba li yan tonetique. Yu'un ta xich' lomesel, busul chcom scotol. ―X'utatic yu'un ti Jesuse.

Bible in Tzotzil de Chenalhó with Deuterocanon

⁶ Li Jesuse jech laj yal: —Scotol li c'usitic chavilic li' ta orae ta to sta sc'ac'alil ta xich' vuq'uesel scotol. Me jbejuc ton mu'yuc bu cajal ta xcom ta sba yac'ol yan ton —xut.

Tzotzil San Andres

⁶ Li Jesuse jech laj yal: ―Li chꞌulna liꞌi ti toj cꞌupil sba ta xquiltic li avie, chcꞌot scꞌacꞌalil ta xichꞌ jinesel scotol. Mu jpꞌejuc ton latsal chcom, scotol ta xichꞌ jinesel ―xut.

Tzotzil de Huixtán

⁶ ―Ti na ti t'ujum chquiltic ti ora to, ta me sta yorail ti chjinat. Mi jp'ejuc ton mu'yuc bu chcom ti sba yan ton yu'un scotol chjinat ―xut.

San Lucas 21:6 Iomraidhean Croise

Jeremías 26:18

“C'alal yorail ochem ta ajvalilal yu'un jteclum Judá ti Ezequiase, ti Miqueas ti liquem talel ta Moresete, xi c'opoj ta sventa Dios ta stojol scotol ti jteclum yu'un ti Judae: ‘Ti Ajvalil ti scotol xu' yu'une xi ta xale: Ti jteclum Sione ta xjoybij ta jun locbil banomil. Ta xc'ot ta pasel un ti stuc xa xch'uch'ulil busul ta xcom ti Jerusalene. Ti stselej vits yu'un ti ch'ulnae, ta xnoj ta pimilal abnaltic.’

Jeremías 26:6

va'i unbi ti ch'ulna li'e, mu yanuc ta jpas ta stojol jech c'u cha'al laj jpasbe ti ch'ulna yu'un ti Siloe. Ta jventa, ti muc'tiquil lumetic ti oy ta sjunul banomile, ta sbisic ta cotol chaval ti jteclum li'e.’ ”

Jeremías 26:9

¿Mi stac' no'ox alel ta xava'i ta yac'bel sbainel Dios ti ta xaval ti oy c'usi q'uelel ta stojol ti ch'ulna li'e, jech c'u cha'al c'ot ta stojol ti ch'ulna ta Siloe, ti lilijem ta xcom ti jteclume, ti mu junuc ta xcom ti jnaclejetic yu'une?” Ta jech yepal un, scotol ti jteclum ti oyic ta ch'ulnae, snet'-net' xa sba liquel vol xutic ti Jeremiase.

Lamentaciones 4:1

C'ot to ta sac vaytajel ma' ti oro une. C'ot to ta ch'ayel ta ts'ayetel xojobal ti lequil oroe. Stanaltac ti ch'ulnae tanij batel slilijemal ta bebetic.

Lamentaciones 5:18

Ti vits Sione, stuc xa slilijemal busul; ti bu taje, xloc' x'och no'ox ti vetetique.

Miqueas 3:12

Ja'uc tana le' une, ta acojic ta xjoybij ta jun yavil locbilal osil ti Jerusalén ti ja' jun ch'ul jteclum ti oy ta vits Sione, ti stuc xa no'ox xch'uch'ulil busul ta xcome. Ta xlic ch'iuc momoletic ta ch'ul vits yu'un ti ch'ulnae.

Zacarías 11:1

Jamo ti ti'naetic avu'une, Líbano, ac'o lajuc ta c'oc' ti ch'ut te'etic avu'une.

Zacarías 14:2

Ti jech c'ac'ale taje, ti Diose ta stsob talel scotol muc'tiquil lum yo' jech ta stsaquic ta leto ti jteclum Jerusalene. Ta xu'ninic ti jteclume, ta stsaquic ti c'usitic oy ta anae. Ta xilbajinic ti avantsilelique, ta stsaquic batel ta chuquel j'ololuc ti c'u yepal ti jteclume. Ja' xa no'ox va'al ta xcom ti yuni comelaltaque.

San Mateo 24:2

—Ti jech ta xavilic scotol li'e, ta xcalboxuc ava'iic ta melel, ta sta yorail mu jbejuc ton cajal ta xcom ta sba ti yan tone, ta xlilij scotol —xi ti Jesuse.

Marcos 13:2

Xi laj stac' ti Jesuse: —¿Mi xavac'touc la staoj yav va'al xcom ti c'usitic jun yutsiquil meltsanbil ta xavile? Le' une, oy bu ta sta sc'ac'alil ta xlilij, mi ja'uc jbejuc ton cajal ta xcom ta sba ti yan tone. Scotol ta xc'ot ta lilijel.

San Lucas 21:7

Ti yajchanc'optaque xi laj sjac'beic ti Jesuse: —Jchanubtasvanej, ¿c'usi ora ta xc'ot ta pasel? ¿C'usi senyail ti jech ta xc'ot ta pasele?