San Lucas 21:34 - Bible in Tzotzil de Chamula

³⁴ “Bijanic, mu me xyijub avo'ntonic yu'un ti yacubele, mi yan ti c'usi ta xapasique, ti xvulvun no'ox avo'ntonic c'usi xu' ta xavut aba li' ta sba banomile, yo' mu ch'ayaluc avo'ntonic xataeic ti jech c'ac'al taje.

Tzotzil Zinacantan

³⁴ ’Qꞌuelo me abaic, mu me jaꞌuc ta avoꞌonic li cꞌusitic liꞌ ta sba balamile, xchiꞌuc li cꞌusitic chal avoꞌonique, xchiꞌuc li yacubele. Mu me jaꞌuc xavat o avoꞌonic ti bu chataic li cꞌusitic chtun avuꞌunique. Ti mi jaꞌ noꞌox ta avoꞌonique, chꞌayem avoꞌonic chul jtaoxuc ti cꞌalal xichaꞌsut tale.

LEQUIL ACH' C'OP

³⁴ »Q'uelo me abaic, mu me xa vac'be permiso lavo'onique ti naca xa ja' tsnop li c'usitic lec chava'i atuquique, ja' li yacubele, xchi'uc ti chavat o avo'onic ti c'uxi cha cuxiique, yo' ti mu ch'ayemuc o avo'onic ti c'alal xc'ot sc'ac'alil xtale.

Bible in Tzotzil de Chenalhó with Deuterocanon

³⁴ “Q'uelo me aba atuquic. Mu me stsatsub avo'ntonic ta scoj li c'usitic tsc'an abec'talique, ta sventa li yacubele, xchi'uc ta sventa sc'op o'ntonal ti c'u x'elan chacuxiique. Yu'un jech mu ch'ayemuc avo'ntonic c'alal chc'ot ta pasel

Tzotzil San Andres

^34-35 ’Qꞌuelo me abaic, maꞌuc noj me batem ta avoꞌonic li cꞌustic oy liꞌ ta balumile, schiꞌuc li cꞌustic chacꞌan atuquique, schiꞌuc li cꞌu sba chacuxiic liꞌ ta balumile. Mi yuꞌun jaꞌ noꞌox te batem o avoꞌonique, chꞌayem avoꞌonic chjul jtaoxuc li cꞌalal chichaꞌtale. Jech chac cꞌu chaꞌal jcot tsꞌiꞌ ti mu sqꞌuel li bu ta xꞌechꞌe, cꞌalal ta xaꞌie ochem ta petsꞌ, jaꞌ noꞌox jech eꞌuc li crixchanoetique, mu snaꞌic cꞌu ora ta xtal li ichꞌ vocol ta spꞌejel balumile.

Tzotzil de Huixtán

^34-35 ’P'ijanic me, mu me ja'uc te batem avo'ntonic c'u che'el lec cha'ech'ic li' ti balumile, hech mu xa ats'aclinojucun c'alal chul jtaoxuc. Yu'un mi hech chapasique, ch'ayem avo'ntonic chul jtaoxuc ti yorail chcale. Hech chaj c'u che'el ti ts'i' mu sna' c'usi ora chba ochuc ti pets', hech ono'ox uc ti crixchanoetique mu sna'ic c'usi ora chtal ti vocole ti sjoylejal balumil.

San Lucas 21:34 Iomraidhean Croise

Génesis 19:32

Ja' lec, la' jyacubtastic ti jtotic un cha'e. Vaycutic xchi'uc yo' jech ta xcolinbetic ti xnich'one.

Génesis 19:35

Ti jech ac'ubal taje, laj xcha'yacubtasic ta vino ti stotique. Jech ti muquile laj xchi'in ta vayel ti stote. Jech ti Lote mi ja'uc laj ya'i ti c'usi ora ay taatuc, c'usi ora loc' batel.

Génesis 27:14

Jech ti Jacobe ba stsac talel ti tentsunetique. Vul yac'be ti sme'e. Jech ti me'il xtoc une, lic xchapan ta smeltsanel ti ve'lile, lec xa mu laj smeltsan jech c'u cha'al lec xa'i slajes ti Isaaque.

Salmos 35:8

Ta jechuc yepal lamluc c'otuc ta sbaic ti yilbajinelique. Ta jechuc yepal ochuc yalel ta spets'al stuquic ti laj spasique. Lamluc c'otuc ta sbaic ti svocolique.

Proverbios 21:4

Ti mulil oy ta stojolic ti buch'u mu'yuc xch'ulelique, ja' ti quemelic no'ox ti satique, ti xcajetic no'ox xchi'uquic ti snopbenale.

Proverbios 23:20

Mu xacap aba ta voletel xchi'uc ti jyacubele, mi ja'uc ti buch'utic mu spajes sbaic ta ve'ele.

Eclesiastés 9:12

Ti xcaltic ava'i une, mu'yuc buch'u sna' ma' ti xi ta xc'ot ti yuni orail yu'une: ja' to ono'ox xa'i, ochem ta syacobil jech c'u cha'al ta x'och ta stsacobil ti choyetique, jech c'u cha'al ta stsaque ta pets' ti mutetique. Jech ta xc'ot ta stojol ma' ti buch'u une, xavil xa no'ox, ch'ayal yuni o'nton tsacbil xa ta pets' xa'i ta anil un.

Isaías 28:7

Oy yan xtoc ti xi s'elan c'otem ta stojolic ti naca xa xtamlajetic yu'un ti vinoe, ti naca xa sts'elajetic ta jujot yu'un ti pasem ya'lel uvae: Ma' taj une, ja'ic ti paleetique, ti j'alc'opetique, ti naca xa xtamlajetic ta scoj ti pasem ya'lel uvae. Mu xa stac' a'yeluc ta xa'iic xchi'uc ti vinoe. Naca xa xtamlajetic xchi'uquic ti pasem ya'lel uvae. Xtamlajetic ta yalel ti oy c'usi ta x'ac'bat yilic ti yalojique, xchi'uc ti jyacubelic ta yalel ti jbel ma' ti ta xloc' ta ye ti chapaj ti c'op yalojique.

Oseas 4:11

“Ti mulivajele xchi'uc ti uch' vinoe, ta xch'ayes ti lec snopobile.

Levítico 10:9

“Manchuc mi vo'ot, mi ja' ti anich'nabtaque, ti c'alal ta xa'ochic batel ta Axibalna ti bu nupel ta bee, mu me xavuch'ic ti vinoe, mi ja'uc yan uch'bolal ti pasem xae, naca mi chamanic. Yu'un ja' c'ot ta jbel c'usi tsots albil ti ta x'ech' ta stojol ti totil me'ile xchi'uc ti alab nich'nabe,

San Mateo 13:22

Ti ts'unobal c'ot ta ch'ixtique, ta svinajesbe smelol ti oy jlom ta xa'iic ti lequil ach' c'ope. Ja' no'ox un, bat ta yo'ntonic ti c'usi sventa sba banomile, lajic ta lo'lael yu'un ti sc'ulejalique, jelav ti c'usitic ta sc'an ti stuquique. Ch'ay ta yo'ntonic un ti lequil ach' c'ope.

Marcos 13:9

“Ti vo'oxuque, q'uelo abaic un. Yu'un ta xa'aq'ueic batel ta stojol ti ajvaliletique. Ta xavich'ic majel ta ch'ul na. Ta jventa ta xava'an abaic ta stojol ti ajvaliletique, ti banquilal ajvaliletique, yo' jech ta xavalbe ya'iic ti jc'oplale.

Marcos 4:19

Ja'uc le' une, bat yo'ntonic yu'un ti c'usi oy ta banomile, lo'labat yo'ntonic yu'un ti c'ulejale xchi'uc ti c'usiuc no'ox oy ta sba banomil ti c'upij yo'ntonic yu'une. Ch'ay ta yo'ntonic ti lequil ach' c'op ti c'u xa yepal laj ya'iique.

San Lucas 10:41

Ja'uc ti Jesuse xi laj staq'ue: —Marta, Marta, ja' no'ox asujoj aba ta spasel ti c'usi ta sc'an pasele.

San Lucas 12:40

Jechuc chaplucoxuc ti vo'oxuque. C'alal ma'uc yorail anopojique, ja' o ta xisut tal ti vu'un co'ol j'elantique.”

San Lucas 17:3

“Q'uelo abaic, bijanic, mi oy jun achi'il laj sta smul ta atojole, lequil albo ya'i. Mi ta xlic ya'i sbae, ch'aybo smul scolo'.

San Lucas 21:35

Yu'un co'ol s'elan junuc pets' ta xvul ta stojol ti jnaclejetic ti oyic ta sjoylej banomil ti c'alal ta sta ti sc'ac'alile.

San Lucas 21:8

Ti Jesuse xi laj yale: —Bijanic, mu xalajic ta lo'lael, yu'un yepal ti buch'utic ta stunesic ti jbi ti xi ta xalique: ‘Vu'unun ti Cristoune.’ Oy yan ti xi ta xalique: ‘Xtal xa ma' ti Cristo une.’ Ja'uc le'e, mu xats'acliic.

San Lucas 8:14

Ti ts'unobal c'ot ta ch'ixtique, ja' sc'oplal ti oy jlom lec ta xa'iic ti sc'op Diose. Mu ictabaj ta xa'iic ti stalelique, ti sc'upijel yo'ntonique. Slubtsajic ta be yu'un ti slo'il yo'ntonique, ti sc'ulejalique. Mu'yuc tsots sc'oplal laj ya'iic.

1 Corintios 5:11

Ti laj calboxuc ava'iic ti “mu xachi'inic” ti xacutique, ja' ti buch'u ta xal “co'ol jchi'il jbatic” ti xie, c'alal yacal ta mulivajele, ta yu'ninel ti c'usi ma'uc yu'une, ta xrioxinel ti c'usi meltsanbil ta c'abale, ta lo'iltavanej, ta yacubel, ta elc'ajel. Ti buch'u jech taje, mu me jmojuc ta xave'ic xchi'uc.

1 Corintios 6:10

ti j'eleq'ue, ti ta yu'ninel ti c'usi ma'uc yu'une, ti jyacubele, ti jlo'iltavaneje, scotolic taje mu x'ochic batel ti bu oy ti ventainel yu'un ti Diose.

Gálatas 5:20

xrioxinojic ti c'usitic meltsanbil ta c'abale, j'ac'-chamel, juteb ta yo'nton ti ac'o sta svocol ti xchi'ile, jsoquesej c'op, mu'yuc xlaet yo'nton ta xa'i, ta anil sna' x'ilin, jsa'letoetic, ta sa' sviniquic yo' ta xch'ac sbaic,

Deuteronomio 29:19

“C'alal mi laj xa ava'iic scotol ti va'i s'elan yip ti trate ti ic'ot ta rexticoe, yic'al nan oy jun chiboxuc ti oy slequilal yutsilal ta xa'i sba ti xi ta xlic snope: ‘Buch'u la sventa mi ja' ta jpas ti c'usi xal ti co'ntone, lec ta xc'ot ta loq'uel cu'un scotol.’ Ti buch'u taje, ta xc'ot ta pasel ti ja' ta scoj ta xac'be svocol scotol ti yane.

Filipenses 4:6

Mu xavulilan avo'ntonic yu'un ti c'usi ta xvul ta atojolique. Ac'beic ta yoc ta sc'ob ti Dios ti c'alal ta xac'opon xati'inique. C'anbeic, xchi'uc colaval, utic.

Hebreos 12:15

Tsotsanic yo' jech mu'yuc buch'u junucal avu'unic ta xicta comel ti c'uxubinel yu'un ti Diose yo' jech mu'yuc buch'u junucal avu'unic chopol ti yo'nton ta soquesvanej jech c'u cha'al ti veneno momol ta xmilvane.

2 Pedro 3:10

Ja'uc ti sc'ac'alil ta xtal ti Cajvaltique, mu na'baj, ja' to xava'ie, li' xa ono'ox oy jech c'u cha'al junuc j'elec' ti ta xtal ta ac'ubaltique. Va'i un, ti vinajele, xvo'o'et no'ox ta xac' xi'el ta sac ch'ay batel. Ta xlaj ta c'oc' scotol ti c'usitic oy ta stojole. Jech ec ti banomile xchi'uc scotol ti c'usitic oy ta stojole, j'ech'el ta xlaj stsuts sc'oplal ta c'oc'.

2 Pedro 3:14

Ti jech yacaloxuc ta smalael taje, jech o xal, Jchi'iltac, ti c'uxoxuc ta co'ntone, lecuc scotol ti c'usitic ta xapasique yo' lamajem avo'ntonic ta xvul staoxuc ti Diose, yo' mu'yuc c'usi quechel mac avu'unic, mi ja'uc acuchoj amulic.

Apocalipsis 3:3

Vuleso ta avo'nton un cha'e, ti c'u s'elan laj avich' chanubtasele, mu xavicta aba. Sutan talel ta stojol ti Diose. Mi mu xatij ajol avo'ntone, co'ol s'elan j'elec' ta xital ta atojol ti mu xana' c'usi orae.

1 Samuel 25:36

C'alal sut ech'el ti Abigail ti bu oy ti Nabale, c'ot sta ti co'ol s'elan junuc ajvalil syaquil ta spas q'uine. Siquet no'ox banomil ta xa'i xchi'uc yacubem ta j'ech'el. Jech o xal un, ti stuque mu'yuc c'usi laj yal. Ta yan to c'ac'al, oy c'usi laj yalbe.