San Lucas 21:25 - Bible in Tzotzil de Chamula

²⁵ “Ti ta sat c'ac'ale, oy c'usi ta xvinaj senyailtac, senyailtac ta u, senyailtac ta c'analetic. Ti jujun muc'tiquil lum li' ta banomile, mu stac' a'yeluc ta xa'iic c'usi xu' ta spasic yu'un xi'elal ti tsots xjumumet ti muc' ta nabe, ti xva'i xcotij syuc'benal ti vo'e.

Tzotzil Zinacantan

²⁵ ’Ti cꞌalal poꞌot xaꞌox xichaꞌsut tale, oy seña ta cꞌacꞌal, xchiꞌuc ta jchꞌulmeꞌtic, xchiꞌuc ta cꞌanaletic. Li crixchanoetic ta sjunlej balamile chiꞌic tajmec yuꞌun tsots tajmec chyucꞌyonaj li mare, xvoꞌoꞌet xa tajmec.

LEQUIL ACH' C'OP

²⁵ »Ti c'alal po'ot xa'ox xicha'sut tale, oy seña ta c'ac'al, xchi'uc ta jch'ulme'tic, xchi'uc ta c'analetic; li crixchanoetic ta sjunlej balamile, mu xa a'ibaj c'usi tspasic, chi'ic tajmec yu'un tsots tajmec chyuc'yonaj li mare, xvo'o'et xa tajmec.

Bible in Tzotzil de Chenalhó with Deuterocanon

²⁵ “Jech noxtoc ta xvinaj sq'uelubil ta c'ac'al, ta u, xchi'uc ta c'analetic. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae.

Tzotzil San Andres

²⁵ ’Li cꞌalal poꞌot xaꞌox chichaꞌtale, oy cꞌusi ta xvinaj ta vinajel ti toj xiꞌel sba, toj labal sbae. Yuꞌun ta xcꞌataj li cꞌacꞌale, schiꞌuc li ue, schiꞌuc li cꞌanaletique. Jech nojtoc ta xjeltaj li cꞌu sba ta xnic li nabe. Más to tsots ta xyuqꞌuilan sba jech ta xiꞌic o li crixchanoetic ta spꞌejel balumile.

Tzotzil de Huixtán

²⁵ ’Te ti vinajel chjel ti c'u che'el ono'ox ch-abtejic ti c'ac'ale, ti ue, ti c'analetique. Ja' no'ox hech uc li' ti balumile chjel ti c'u che'el ono'ox ch-abtej ti nabe. Más tsots chc'opoj ti nabe, más tsots tsyuques sba ti jyalel hech yu'un chi'ic scotol ti crixchanoetic li' ti balumile.

San Lucas 21:25 Iomraidhean Croise

Salmos 46:3

mi xyuc'uq'uet no'ox ta j'ech'el ti nabe, mi natic no'ox ta xvil muyel ti syuc'benale, mi xnicnun no'ox yu'un ti te'tic ta scoj ti scapemale, mu xijxi'otic yu'un.

Isaías 13:10

Jech ti c'anale xchi'uc ti yan ti c'usitic ta xac' xojobal ta vinajele, ta xlic tubuc ti xojobale. C'alal naca to ta xloc' talel ti c'ac'ale, ta xlic ic'ubuc ti sate. Mi ja'uc xa ta xac' xojobal ti ue.

Isaías 17:12

A'yio ava'i ti xvo'o'et no'ox talel ti epal lumetique, ti co'ol to s'elan nab xvo'o'et talele. Ja' xa xvo'o'et talel ti muc'tiquil lume jech c'u cha'al xvo'o'et no'ox ta j'ech'el ti c'alal ta xac' tsots ti vo'e.

Isaías 24:23

Ti Dios ti scotol xu' yu'une, ti c'alal ta xlic ochuc ta Ajvalil ta vits Sione, ti ta lum Jerusalene, ti c'ac'ale, ti ue, ta x'ic'ub. Ti banquilaletic yu'un ti steclumale ta xilic yutsilal slequilal ti Diose.

Isaías 5:30

Ti lum taje, ti c'alal ta xc'ot sc'ac'alil ti albil sc'oplale, co'ol s'elan junuc muc' ta nab yech'omal snuq'uic ti x'avetic no'ox ta scontrainel ti lum Israele. Ti oyuc buch'u ta sq'uel ti banomile, ta xil ti ic'unebe, ta xmac sat ti c'ac'al ti tsinil ta j'ech'el ta jun ic'al lumal toque.

Isaías 51:15

“Vu'unun ti Ajvalil Diosun avu'une, biiltasbilun ti Dios scotol xu' yu'une. Ta xyuq'uilaj ti nab cu'une. Xpomlajet no'ox xva'i xcoti cu'un.

Jeremías 4:23

Laj quil ti banomile, mu'yuc smelol, jeche' sts'ijlajan. Laj quil ti vinajele, ch'abal ti c'usi ta xac' xojobale.

Daniel 12:1

“Ti jech c'ac'al taje, ja' o ta xvul ta loq'uel ti Miguel ti ja' banquilal jpojvanej ánjel ti ta stic' sba ta spojel ti ateclumale. ‘Yu'un ti jech taje, ja' o ta xvul ta loq'uel ti mu no'ox ts'icbajuc ti vocole. Yu'un ti c'alal lic ayanuc talel ti muc'tiquil jteclume, mu'yuc xilic o ti jech xc'ot ta pasele. C'alal mi c'ot sc'ac'alil ti ta xvul ta loq'uel ti va'i s'elan taje, scotol ti ateclumal ti ts'ibabil sbiic ta jpoc vune, ta xcolic.

Miqueas 7:4

Ti c'usi lec xyal o xchi'uquique, ja' jun ch'ix te' s'elan; ti buch'u oy slequil stuq'uil yaloje, ja' xchi'il jun vots ch'ix. Ja' no'ox un, ta xc'ot sc'ac'alil ti c'usi ora ta x'ich'bat yee, jech c'u cha'al laj scaj'albe sc'ac'alil ti jchabivanej jq'uel-osile. Va'i un, lamal ta xc'ot ta stojolic ti mu xa stac' a'yeluc ta xa'iic ti c'usi ta spasique.

San Mateo 24:29

“C'alal mi ech' no'ox yorail ti vocole, ta x'ic'ub sat ti c'ac'ale. Ti ue mu xa xac' ti xojobale. Ti c'analetique xlaj bajicuc yalel tal ta vinajel. Scotol ti c'usitic oy ta vinajele xlaj nicanuc.

San Mateo 27:45

C'alal laj sta ti o'lol c'ac'ale, scotol banomil ic'uneb com. Ta oxib to ora mal c'ac'al, sacub talel.

Marcos 13:24

“Mi ech' taje, ti c'ac'ale ta x'ic'ub, ti ue mu xa xac' ti xojobale,

Marcos 13:26

Va'i un, ti vu'un co'ol j'elantique ta xiyilicun ta xital ta ba toc xchi'uc ti jmuc'ul jtsatsale, ti jlequilale.

Marcos 15:33

C'alal laj sta ti o'lol c'ac'ale, scotol banomil ic'ub. Ta oxib to ora mal c'ac'al, sacub talel.

San Lucas 21:24

Ti jlome espada xve' yu'unic. Ti jlome chucbil ta xbatic ta jujun muc'tiquil lum. Ti jyanlumetique ta soquesic ta xpech'ilanel ta teq'uel ti jteclum Jerusalene ja' to mi ts'aqui sc'ac'alil ti c'u sjalil ta x'ac'bat spasique.

San Lucas 21:26

Ti jnaclejetique ta xyalic ta lum yu'un xi'elal c'alal ta snopic c'usi ta xc'ot ta pasel li' ta banomile. Yu'un ti c'usitic oy ta yaxts'ijan vinajele, ta xnic scotol.

Hechos 2:19

Oy c'usi ta xcac' iluc ta vinajel ti ch'ayal ta xc'ot o'ntonal yu'une. Ta xcac' iluc ch'ich', c'oc', ch'ail li' ta banomile.

Apocalipsis 20:11

Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.