San Lucas 21:22 - Bible in Tzotzil de Chamula

²² Yu'un ja' o sc'ac'alil ti tsots ta xtal ti tsitsele, ti tsots sc'oplal ta xc'ot ta pasel jech c'u cha'al ta xal ti ts'ibabil ta ch'ul c'ope.

Tzotzil Zinacantan

²² Yuꞌun ista xa yora chavichꞌic castico chac cꞌu chaꞌal stsꞌibaojic comel ti yajꞌalcꞌoptac Riox ti ta más voꞌnee.

LEQUIL ACH' C'OP

²² Yu'un ja' xa sc'ac'alil castico, ja' chc'ot chac c'u cha'al ts'ibabil comele.

Bible in Tzotzil de Chenalhó with Deuterocanon

²² Yu'un ja' xa sc'ac'alil ta xich'beic stojol jech chac c'u cha'al ts'ibabil comele.

Tzotzil San Andres

²² Yuꞌun icꞌot xa scꞌacꞌalil ti chavichꞌic vocol jech chac cꞌu chaꞌal tsꞌibabil onoꞌox comel yuꞌun li buchꞌutic iyalic scꞌop Dios ta voꞌonee.

Tzotzil de Huixtán

²² Yu'un ja' ic'ot xa yorail ti castigo ti chich'ique ti ts'ibabil ono'ox comel, ja' ti laj sts'iba ti yaj'alc'op ti Diose.

San Lucas 21:22 Iomraidhean Croise

Isaías 34:8

Melel, yu'un ja' o sc'ac'alil ta spac sutel xq'uex ti Diose, ta sjabilal ta sloq'ues sc'ac'al ta scoj ti c'usi pasbat ti lum Sione.

Isaías 61:2

Tacbil lital ta yalbel ya'iic ti ja' xa sjabilal vul ta loq'uel ti mu laj yil ya'iic ta sva'an stec'an sba ti Dios ta stojolique, sc'ac'alil ti ta spacbe sutel Dios ti laj yilbotic jvocoltic ti cajcontratique. Tacbil lital yu'un ta spatbel yo'nton scotol ti buch'utic oyic ta vul o'ntone,

Isaías 63:4

Vu'un laj jnop ti oy jun c'ac'al ta xlic chapanvancune. Sta xa sc'ac'alil ta jpoj ti jlumale.

Jeremías 51:6

“Jatavanic loq'uel ta jteclum Babilonia. Spojuc xa sba ti buch'u xu' yu'une. Mu aq'uelojuc abaic ta xachamic ta scoj ti smulique. Yorail xa ta jpac sutel ti jq'uexe. Ta stojic cu'un ti c'u s'elan loc' ta sa'el yu'unique.

Oseas 9:7

C'ot xa sc'ac'alil yorail ti tsitsele. C'ot xa sc'ac'alil yorail ti ja' xtunic o ta stojic ti c'u yepal xu' ta xich'ique. Israel, ta xlic ana'ic ti bu c'alal c'otemoxuque. Ti vo'oxuque xachi ta xavalique: “Ti j'alc'ope, jeche' no'ox bol ti yuni c'ope. Ti vinic ti buch'u ventainbil ta xale, chuvaj no'ox ti yuni c'ope.” Ti va'i s'elan ta xavalic taje, ja' ti epajem ta atojolic ti achopolalique, yu'un mu no'ox albajuc ti sti'emal ajolique.

Malaquías 4:1

Ti Dios ti scotol xu' yu'une xi ta xale: “Ta xnopaj talel sc'ac'alil yorail ti oy bu co'ol s'elan stilemal sc'ac'al jornoe. Ta xc'aq'uic scotol ti buch'utic toyobbaique, xchi'uc ti buch'utic mu'yuc xch'ulel xa'i sbaique, ti natic no'ox sleb ta xtil jech c'u cha'al ta xc'ac' ti jobele. Ti jech ta xvul ta loq'uel ti jech c'ac'al taje, ta xchic'atic, ti mi ja'uc jutebuc xvinaj bu bate.

San Mateo 1:22

Ti jech scotol taje, yo' ta xc'ot ta pasel ti xi s'elan laj yal ti Dios ta sventa ti j'alc'op yu'une:

Romanos 2:5

Ta scoj ti toj tsots avo'ntone, mu xac'an xasut ta stojol ti Diose. C'ajomal yacal xa ta xacajtsobilan atsitsel, ti atsoboj xa atsitsel c'alal ta sta yorail ta xtal lequil chapanvanuc ti Dios ti jbel xal oy ti mulile.

Deuteronomio 32:34

“Xi laj yal ti Diose: ‘Scotol ti va'i s'elan taje, ta jcaj-tsobilan batel, ti co'ol s'elan jun c'ulejal ti toyol stojol ta jchabi leque.

Deuteronomio 32:43

“Siquetuc avo'ntonic, lumetic, xchi'uc steclumal ti Diose. ¡Ti jech milbat ti yajtuneltaque, ta spacbe sutel, ti yajcontrataque ta xilbe svocol, ja'uc ti yosilale, xchi'uc ti steclumale, ta xch'aybe ti smulique!”

2 Pedro 2:9

Ti Cajvaltique ta spoj ta scolta ti buch'u nabalic ta stojol c'alal oy ti svocolique, xchi'uc caj chapal xa yu'un ta stsits ta xchapanel c'alal ta sta sc'ac'alil ti buch'utic toj chopolique.

2 Pedro 3:7

Ja'uc ti vinajel banomil avi tana li'e, ta sventa smantal Dios, q'uejbil chapal sc'oplal ta xlaj ta c'oc'. Ti c'oc' taje ta xchiq'ueic yu'un ti c'alal ta sta yorail ti chapanele, ti ja' o xa ta stsuts o sc'oplal ti buch'utic toj chopolique.