San Lucas 21:19 - Bible in Tzotzil de Chamula

¹⁹ Tsotsan ava'i un yo' ta xata apojel acolel.

Tzotzil Zinacantan

¹⁹ Ti muchꞌutic chcuch yuꞌun li ilbajinele, mi mu xicta o sbaique, jaꞌ chcuxiic ta sbatel osil.

LEQUIL ACH' C'OP

¹⁹ ¡Ti mi mu xavicta abaique, chacolic!

Bible in Tzotzil de Chenalhó with Deuterocanon

¹⁹ Me jun avo'nton chcuch avu'unique, chacolic.

Tzotzil San Andres

¹⁹ Li buchꞌutic chcuch yuꞌun scotol li vocole, mi mu schibajes yoꞌonique, jaꞌ chcolic o sbatel osil.

Tzotzil de Huixtán

¹⁹ Mi oy lec stsatsal avo'ntonic mi icuch avu'unic, hech chacuxiic sbatel osil.

San Lucas 21:19 Iomraidhean Croise

Salmos 37:7

Ts'ijano aba ta stojol ti Diose; muc'uc no'ox avo'nton ta smalael ti ta sva'an sba ta scoltaelote. Mu xlic sti'emal ajol yu'un ti buch'u caj tsacal xa'i sbae, ti buch'u yac'oj xa sjol ta spasel ti c'usi chopole.

Salmos 40:1

Laj jpat co'nton ta stojol ti Diose, laj sts'etan sni' xchiquin ta ya'yiel ti xi'oc' xi'avane,

Habacuc 3:16

Ti laj ca'i scotol ti va'i s'elan taje, li'och ta xi'el yu'un. Xt'elt'un xa liquel ti que yu'un ti xi'ele, mi ja'uc xa xu' stec'an sba ti cacane, yu'un ch'abal xa yipal com ti jbec'tal jtacopal laj ca'ie. Manchuc mi jech ti va'i s'elan taj une, ta xits'iji ta smalael ti sc'ac'alil c'alal ti Dios ta xac'be svocol ti epal soldadoetic ti ta xil ti jvocolcutique.

San Mateo 10:22

Ta jventa, scotolic contra ta xayiloxuc. Ti buch'u mu'yuc xchibaje, ti staoj o yav yo'nton xcham xlaje, ta xcol.

San Mateo 24:13

Ja'uc ti buch'u staoj o yav jun yo'nton xcham xlaje, ja' ta xcol.

San Lucas 8:15

Ja'uc ti ts'unobal c'ot ta lequil banomile, ja' sc'oplal ti jlom ta slequil yutsil yo'ntonic ta xa'iic. Chapal ta xc'ot ta xchiquinic. Ta xich'ic ta muc'. Staoj yav yo'ntonic. Lec ta xtunic batel.

Romanos 15:4

Scotol ti c'usitic laj yich' alel talel ta vo'ne ta ch'ul c'ope, laj yich' ts'ibael ta sventa yo' ta xquich'tic chanubtasel yu'un, yo' bejbunuc ta co'ntontic ta stael batel ti oy c'usi jmalaojtic ta jtatique.

Romanos 2:7

Ta xac'be xcuxlejal sbatel osil ti buch'utic yac'ojbeic yipal ta sa'el ti slequilalique, ti yich'elic ta muq'ue, ti c'usi mu sna' xlaje, ti mu'yuc laj yicta sbaic ta spasel ti c'usi leque.

Romanos 5:3

Ma'uc no'ox taje, ja' jech xtoc ximuyubajotic yu'un ti vocole. Jna'tic lec ti ta sventa ti vocole, ta xac' smuc'ul co'ntontic yo' mu xac' chibajel.

Romanos 5:4

C'alal oy smuc'ul co'ntontique, jun yutsil jc'oplaltic. C'alal jun yutsil ti jc'oplaltique, xpatet co'ntontic ta jmalatic ti oy c'usi ta jtatique.

Romanos 8:25

Mi ta to jmalatic ti c'usi mu'yuc quilojtique, ts'ico no'ox ava'i vocol ta smalael.

1 Tesalonicenses 1:3

Ta sba ta sat ti Jtotic Dios cu'untique, j'ech'el mi ja'uc xach'ay ta co'ntoncutic c'alal ta xvul ta jolcutic ti c'ot no'ox ta avo'ntonic ta xch'unel ti Cajvaltique, ti ta syail xc'uxul avo'ntonic laj avac' abaic ta tunele, ti tsots ava'anoj abaique manchuc mi oy ti vocol ta atojolic ta sventa ti amalaojic ti Cajvaltic Jesucristoe.

2 Tesalonicenses 3:5

Ac'o xa scoltaoxuc ti Cajvaltique yo' jech ta xac'uxubinvanic jech c'u cha'al ta xc'uxubinvan ti Diose, yo' jech ta xavich'beic smuc'ul stsatsal yo'nton ti Cristoe.

Hebreos 10:36

Ti vo'oxuque ta sc'an oyuc yipal avu'unic yo' jech oy smuc'ul avo'ntonic ta sts'iquel ti vocole, yo' ta xapasic ti c'usi oy ta yo'nton ti Diose, xchi'uc ta yich'el ti c'usi yaloj ti Dios ta xaq'ue.

Hebreos 6:11

Ja'uc le'e, ta jc'ancutic ti jujunoxuque ti jechuc staojuc yav avo'ntonic xacham xalajic ti c'ux ta xava'i abaique yo' jech ta jbel sc'oplal ta xataic ti oy c'usi amalaojique.

Hebreos 6:15

Ta sjunul yo'nton laj smala ti Abraham ti oy c'usi albate. Jech o xal laj yich' ti oy c'usi albat yu'un ti Diose.

Santiago 1:3

Yu'un xana'ic lec c'alal ta xc'ot ta atojolic ti lajeltsael ti jech c'otem ta avo'ntonic ta xch'unele, ta xataic liquel ti ep ta x'ayan ti smuc'ul avo'ntonique.

Santiago 1:4

Jechuc o ta j'ech'el ti oyuc smuc'ul ti avo'ntonique yo' jech ta x'ayan ti avipique, yo' jech mu'yuc c'usi xana'ic.

2 Pedro 1:6

Ti c'alal jech xavac'beic lec sni' xchiquinale, ac'beic to ech'el yipal ta sa'el ti xana' xapajes aba atuquique. C'alal jech xana' xapajes aba atuquique, ac'beic to ech'el yipal ta sa'el ti oy smuc'ul avo'ntonique. C'alal oy smuc'ul avo'ntonique, ac'beic to ech'el yipal ta sa'el ti jun avo'ntonic ta xac'anbeic vocol ti Diose.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 13:10

“Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Apocalipsis 14:12

Ti buch'utic ja' yu'untac ti Diose, sc'anuc xa no'ox yip yo'ntonic ti c'otem ta ch'unel yu'unic ti smantaltaque, xchi'uc ti jun yo'ntonic ta stojol ti Jesuse.

Apocalipsis 3:10

Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.