San Lucas 21:12 - Bible in Tzotzil de Chamula

¹² C'alal mu'yuc ta xc'ot ta pasel taje, ba'yel ta xavich'ic nutsel, ta xavich'ic aq'uel ta chapanel ta jujun ch'ul na, ta xatiq'ueic ta chuquel. Ic'bil ta xabatic ta stojol ti banquilal ajvaliletique xchi'uc ta stojol ti its'inal ajvaliletic ti vu'un ta jventae.

Tzotzil Zinacantan

¹² ’Cꞌalal mu toꞌox xcꞌot li cꞌusi lacalbeique, chatsaqueic, chamajeic, chaꞌiqꞌueic echꞌel ta stojol jmeltsanejcꞌopetic ta bicꞌtal temploetic, chatiqꞌueic ta chuquel. Chaꞌiqꞌueic echꞌel ta stojol preserenteetic xchiꞌuc ta stojol coviernoetic ta scoj ti avichꞌojicon ta muqꞌue.

LEQUIL ACH' C'OP

¹² »C'alal mu to'ox xc'ot li c'usi lacalbeique, li vo'oxuque chatsaqueic, chavich'ic crontainel. Cha'iq'ueic ech'el ta stojol jmeltsanejc'opetic ta bic'tal temploetic, chatiq'ueic ta chuquel xchi'uc cha'iq'ueic ech'el ta stojol reyetic xchi'uc ta stojol coviernoetic ta scoj ti avich'ojicon ta muq'ue.

Bible in Tzotzil de Chenalhó with Deuterocanon

¹² “C'alal muc to chc'ot ta pasel jeche, ba'yuc chavich'ic tsaquel, chavich'ic uts'intael. Chavich'ic aq'uel ta sc'ob boch'otic oy yabtelic ta nail tsobobbailetic, xchi'uc chavich'ic chuquel. Chavich'ic iq'uel batel ta stojol muc'tic ajvaliletic, xchi'uc ta stojol its'inal ajvaliletic, pero vu'un ta jcoj.

Tzotzil San Andres

¹² ’Cꞌalal muc toꞌox bu chcꞌot ta pasele, chastsaquic, chasmajic, chayaqꞌuic ta scꞌob li buchꞌutic oy yabtelic ta chꞌulnaetique, chastiqꞌuic ta chuquel. Ta sventa ti avichꞌojicun ta muqꞌue, chayiqꞌuic batel ta stojol li ajvaliletique.

Tzotzil de Huixtán

¹² ’C'alal mu to chc'ot ti pasel, jbael chastsacoxuc, chayilbajinoxuc, cha'ochic ti chuquel ti templo yu'unique xchi'uc ti chuquele. Chayic'oxuc ti stojol ajvaliletic xchi'uc gobernadoretic ho'on ti jventa.

San Lucas 21:12 Iomraidhean Croise

San Mateo 22:6

Ti jlom xtoque laj stsaquic ta majel, laj smilic yaj'abteltac ti ajvalile.

San Mateo 24:8

Sliquebal to vocol ma' ti va'i s'elan taje.

San Lucas 21:11

Buyuc no'ox oy muc' ta niquel. Ta xtal muc'ul vi'nal. Buyuc no'ox ta xlic chamel. Mu no'ox albajuc oy c'usitic ta xac' xi'el ta vinajel xchi'uc mu albajuc senyailetic.

San Juan 15:20

Ja' vuleso ta avo'ntonic ti xi laj calboxuque: ‘Ti mosovile, ma'uc cajal ta xac' sba ta stojol ti yajvale.’ Mi laj quich' ilbajinele, ja' no'ox jech ta xavich'ic ilbajinel ec. Mi laj yich'ic ta muc' ti c'u s'elan laj calbeique, ja' no'ox jech ich'bil ta xc'ot ta muc' ti ac'opic ti c'u s'elan ta xavalique.

San Juan 15:21

Scotol taje, jech ta xc'ot ta atojolic ta jventa, yu'un mu xojtiquinic ti Buch'u laj stacun talele.

Hechos 22:30

Ta yoc'omal un, ti ta sc'an ta sna' ti jpas-mantal yu'un ti soldado c'u cha'al ti Pablo ta sa'bat smul yu'un ti xchi'iltaque, laj sjitunbe ti cadena ti chucul o sc'ob yu'une, xchi'uc laj stac ta iq'uel ti banquilal palee xchi'uc ti banquilal jchapanvanejetique. Ts'acal to un, laj sloq'ues batel ti Pabloe, bat sva'an ta stojolic.

Hechos 5:40

Laj yiq'uic ochel ti jcholc'opetic ta stojol ti jchapanvanejetique. Laj yac'beic yich' nucul. Laj yalbeic ti mu xa xalbeic sc'oplal ti Jesuse. Ts'acal to laj scoltaic batel.

Hechos 8:3

Ja'uc ti Sauloe sujoj sba ta yilbajinel ti jch'unolajeletique. Ta x'och batel ta jujun naetic ta xjochan loq'uel manchuc mi viniquetic, mi antsetic yo' ta stac batel ta chuquel.

Hechos 9:4

Toj yalel ta lum ti Sauloe. Laj ya'i ti oy Buch'u c'opoj ti xi ta xale: “Saulo, Saulo, ¿c'u cha'al avac'ojbe yipal ta snutselun?”

1 Pedro 2:13

Ta sventa ti Cajvaltique, ta xcal ava'iic, ch'unbeic smantal ti j'abteletic va'anbilic yu'un ti jnaclejetique, xchi'uc ti banquilal ajvalil ti cajal yabtel yich'oje,

Apocalipsis 2:10

Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.