San Lucas 20:10 - Bible in Tzotzil de Chamula

¹⁰ C'alal sta yorail ta xich' ti sloc' yosile, laj stac batel jun yaj'abtel yo' chba sc'an ti c'u yepal oy sc'oplal ta xich' ti sloq'ue. Ja'uc ti stuquique laj smajic. Mu'yuc c'usi laj yac'beic batel.

Tzotzil Zinacantan

¹⁰ Ti cꞌalal itaꞌaj li uvae, istac tal jun yajꞌabtel, tal scuch echꞌel ti cꞌu yepal yaloj chichꞌe. Yul scꞌanbe li muchꞌutic ta xchabiique. Li jchabiejꞌuvae istsaquic li yajꞌabtel yajval osile, ismajic. Mu cꞌusi iyacꞌbeic echꞌel.

LEQUIL ACH' C'OP

¹⁰ Ti c'alal ita'aj li uvae, istac tal jun yaj'abtel li yajval uvae, tal scuch ech'el ti c'u yepal yaloj chich'e; pero li jloc' osiletique, istsaquic li yaj'abtel yajval osile, ismajic, mu c'usi iyac'beic ech'el.

Bible in Tzotzil de Chenalhó with Deuterocanon

¹⁰ C'alal ista yorail i'ic'ub li sat sts'usube, la stac tal jun yaj'abtel, yu'un tal sc'an batel ti c'u yepal sc'oplal chich'e. Pero li jchabits'usubtique la stsaquic, la smajic. Jeche' xmeymun sc'ob ibat yu'unic.

Tzotzil San Andres

¹⁰ Cꞌalal ista yora ta xtaꞌaj li sat tsꞌusube, la stac batel jun yajtunel yuꞌun ba yichꞌ talel li cꞌu onoꞌox yepal yaloj chichꞌe. Cꞌot scꞌanbe li buchꞌutic ta schabiique. Pero li jchabiejtsꞌusubtique la stsaquic li yajtunel li yajval osile, la smajic. Mu cꞌusi xacꞌbeic echꞌel.

Tzotzil de Huixtán

¹⁰ C'alal po'ot xa tsta yorail chtoc'onaj ti sat ti uvate'e, laj stac talel ti smozoe yu'un chc'ot sc'opon ti jchabiejbalumiltique. Chc'ot sc'ambe tal ti sate. C'alal ic'ot ti mozoe, imajvanic ti jchabiejbalumiltique. Mu'yuc c'usi i'ac'bat batel ti mozoe.

San Lucas 20:10 Iomraidhean Croise

1 Reyes 22:24

Va'i un, ti Sedequiase, xnich'on ti Quenaanae, nopaj ech'el ta sts'el ti Micaiase, ti nax to mu laj slec' ta majele, ti xi laj yalbee: —¿C'usi ora loc' xcuxlejal ti Dios ta jtojole ti bat sc'oponot ta xavale?

2 Reyes 17:13

Yu'un ta xava'i une, ti Diose scaj-bijubtasoj xa ono'ox ti israeletic ta sventa ti c'usitic yaloj scotol ti j'alc'opetique, xchi'uc ti buch'utic xu' yu'un ta xjac'vanic ta stojol ti Diose, ti ac'o yicta ti c'usitic chopol stamojic ta spasele, ti c'otuc ta pasel yu'unic ti mantaletique, xchi'uc ti c'usitic jbel tsots albil ta scotol ti chanubtasel ti ac'batic comel ti smolmuc'totic ta sventa ti j'alc'opetic ti ja' yajtuneltaque.

1 Crónicas 19:4

Va'i ti Hanun une laj yal mantal ti ac'o stiq'uic ta chuquel yaj'opisialtac ti Davide, ti scurpintabeicuc ta ch'ulbel ti yisimique, ti xch'i'beicuc yalel ta jatbel ti sc'u'ic c'alaluc to yolon scubic ti licajticuc c'otuc yu'unique. Ts'acal to un, laj stac sutel un.

2 Crónicas 16:10

Va'i ti Asa une ep soc sjol ta j'ech'el yu'un ti j'alc'ope. C'ot ta pasel yu'un ti laj stic' ta chuquele. Ti jech yorail ta vo'ne taje, oy jlom tsots lic yilbajin ti steclumale.

Nehemías 9:26

“Ja'uc le' une, toyobba batic. Lic scontrainicot. Laj sbajic ti oy c'usi jbel tsots albil avu'une. Laj smilic ti avaj'alc'optac xtoque, ti c'alal jamal albatic ti oy c'usi chopol ta spasique, xchi'uc ti albatic ti suticuc talel ta atojole. Soc ajol yu'unic ta j'ech'el.

Nehemías 9:30

Jal jabil laj ats'icbeic, ti laj acaj-bijubtas ta sventa ti abijile, xchi'uc ta sventa ti avaj'alc'optaque. Mi ja'uc laj yaq'uic ta venta. Jech o xal laj avac' ta c'abal ti tsalbil c'otic yu'un ti muc' ta lume.

Salmos 1:3

Ti buch'u jech ta snopilan taje, co'ol s'elan jpets te' teq'uel ta ti' uc'ume, ti ta yorail no'ox ta xac' ti sate, ti j'ech'el mu xnucultaj ti yanaltaque. Scotol ti c'usi ta spase, lec ta xc'ot ta loq'uel yu'un.

Jeremías 2:30

Mu'yuc xtojobic ti avalab anich'nabic ti laj jtsitsique, mi jutebuc c'ot ta yo'ntonic un. Ti vo'oxuc eque, co'ol a'elanic jech c'u cha'al jti'oval león. Laj amilic ti j'alc'opetic avu'unique.

Jeremías 20:2

laj yal mantal ti yich'uc majele, ti yich'uc xojbel yacan ta jun lots'om te' ta ti'na yu'un Benjamín ti xjelav staylej ti oy ta sts'el ti ch'ulnae.

Jeremías 35:15

Yu'un ta ono'ox jtaquilan talel ta atojolic scotol ti cajtunel j'alc'optac ti xi ta xalboxuque: Ictaic comel ti chopol avo'ntonique, ti chopol ti c'usi ta xapasique. Mu xanijan xachiman abaic ta sts'acliel ti yan diosetique yo' mu'yuc c'usi xana'ic ta naclej ta banomil ti laj cac'boxuque, ti laj cac'beic ti atot ame'ic ta vo'nee. Mi ja'uc laj avaq'uicun ta venta. Mi ja'uc laj ach'unbeicun un.

Jeremías 5:24

Mi ja'uc oy bu loc' ta avo'nton ti xachiique: La' quich'tic ta muc' ti Ajvalil Dios cu'untique, ja' ta xac' taluc vo' ta yorail ti sictic ta x'ech'e, ti sba yalel chaquilo' ti ta corixmatique, ta spasel xtoc ti c'u sjalil albil yorail ta xich' tsobel ti ts'unubaletique.

San Lucas 13:34

“Jerusalén, Jerusalén, ti naca smilel no'ox avu'un ti j'alc'opetique, ti naca xapujbeic no'ox ton ti buch'utic tacbilic tal yu'un ti Diose, ep ta velta ta jc'an jtsoboxuc ca'i jech c'u cha'al ti me' alac' ta stsob yuni alab ta yolon xiq'ue. Ja'uc le' une, mu xac'anic.

San Lucas 20:11

Va'i un, ti yajval osile laj stac batel yan yaj'abtel ta stojol ti jloc'-osiletique. Ja' no'ox jech laj yilbajinic, laj smajic. Mu'yuc c'usi laj yac'beic batel.

San Lucas 20:9

Ta jech yepal ti Jesuse laj sc'oponan ti jnaclejetic ti xi laj yalbe ya'i jun babac'ope: —Oy jun vinic laj sts'un uva ta yosil. Laj yac' ta ch'om ti yosil ta stojol jun chib jloc' osiletic. Laj stam batel sbe ta nom.

San Juan 15:16

Ma'uc vo'oxuc laj at'ujicun, yu'un vu'un laj jt'ujoxuc yo' ta xcac' abainic ta spasel ti c'usi leque, ti staojuc oy yav ta atojolic ta spasel ti c'usi leque, ti mu xlaj sc'oplale. Jech ti Jtote ta xayac'boxuc ti c'usi ta xac'anic ta jventae.

Romanos 7:4

Ja' jech lijc'ot ec, Jchi'iltac, yu'un junotic xa xchi'uc ti Cristoe. Ma'uc xa pasbilotic ta mantal yu'un ti oy c'usi tsots sc'oplal albile ta sventa ti jmoj lijcham xchi'uc ti Cristo ti Buch'u cha'cuxi c'alal chame. Jech lec ta q'uelel ti jcuxlejaltic ta sba ta sat ti Diose.