San Lucas 2:46 - Bible in Tzotzil de Chamula

⁴⁶ Ta yoxibal (3) to c'ac'al, oy ta ch'ulna laj staic ta sa'el, chotol xchi'uc ti jchanubtasvanejetic yu'un ti oy c'usi tsots albil sc'oplale, ta ya'yibel ti c'usi ta xale, xchi'uc oy c'usi ta sjac'olanbeic smelol xtoc.

Tzotzil Zinacantan

⁴⁶ Ta yoxibal to la cꞌacꞌal istaic ta yut jpꞌej na ti tsacal xchiꞌuc mucꞌta temploe. Tey la chotol ta oꞌlol yoꞌ bu stsoboj sbaic ti muchꞌutic ta xchanubtasvanic yilel ta smantaltac Rioxe. Tey la chaꞌi cꞌusi chalic li jchanubtasvanejetic yilele. Oy la cꞌusi tsjacꞌulan ti Jesuse.

LEQUIL ACH' C'OP

⁴⁶ Ta yoxibal to c'ac'al tey istaic ta templo, tey chotol ta o'lol yo' bu stsoboj sbaic ti much'utic ta xchanubtasvanic ta smantaltac Rioxe, tey cha'i li c'usitic chalique, xchi'uc oy c'usitic tsjac'ulanbe smelol.

Bible in Tzotzil de Chenalhó with Deuterocanon

⁴⁶ Ta yoxibal to c'ac'al te la staic ta ch'ulna ta Jerusalén; te chotol ta o'lol yu'unic li boch'otic lec xchanojic smantal Diose. Te cha'ay c'usi chalic, xchi'uc oy c'usi te tsjaq'uilan ec.

Tzotzil San Andres

⁴⁶ Ta yoxibal to cꞌacꞌal te istaic ta yut jun na li te ta mucꞌta chꞌulna ta Jerusalene. Li Jesuse te chotol ta oꞌlol li yoꞌ bu tsobolic li buchꞌutic spꞌisoj sbaic ta jchanubtasvanej ta smantaltac li Diose. Te chaꞌi li cꞌusi chalic li jchanubtasvanejetique schiꞌuc oy cꞌusi ta sjacꞌulan li Jesuse.

Tzotzil de Huixtán

⁴⁶ Ti yoxibal c'ac'al c'ot staic te ti yut templo yu'unic te ti Jerusalén. Te nacal ti o'lol ti stojol ti xchi'iltac ti ichanubtasvanic ti smantal ti Diose ti scuyoj sbaique c'ot staic. Ti Jesuse cha'ibe sc'op ti jchanubtasvanejetique. Stuc yac'oj sba tsjac' ti Jesuse.

San Lucas 2:46 Iomraidhean Croise

1 Reyes 12:12

Ta yoxibal c'ac'al un, xvoletic c'otel xchi'uc scotol jteclum ti Jeroboam ta sba ta sat ti Roboam jech c'u cha'al yaloj ti ajvalile.

1 Reyes 12:5

Xi tac'batic yu'un ti Roboame: —Avie, batanic, xtal aq'uelicun li' ta oxib c'ac'ale. Batic ti jnaclejetique.

Isaías 50:4

Bijubtasbilun yu'un ti Diose, ti xu' cu'un ta spatbel yo'nton ti buch'utic lubtsajemic xae, ti xcuxet to ech'el banomil ta xa'iic yu'un ti jc'ope. Ts'etel xa jchiquin jmalaoj ca'i ti jujun sob ic'lumane. Sjunul co'nton ta jchiquintabe ti sc'ope.

San Mateo 12:40

Ti Jonase, oxib c'ac'al, oxib ac'ubal, tiq'uil ta xch'ut ti muc' ta choye. Ja' jechun ec ti vu'un co'ol j'elantique, oxib c'ac'al, oxib ac'obal, tiq'uil ta xicom ta ch'en.

San Mateo 16:21

Va'i un, ti Jesuse ja' o laj svinajesbe ya'i ti yajchanc'optac ti tsots sc'oplal ta xbat ta Jerusalene, ti ta x'ac'bat ep svocol yu'un ti moletique, yu'un ti banquilal paleetique, yu'un ti jchanubtasvanejetic yu'un ti mantale. Laj yalbe ya'i ti ta xmile yu'une, ti ta xcha'cuxi ta yoxibal c'ac'al une.

San Lucas 2:47

Scotol ti buch'u ta xa'i ti oy sbijil ti c'u s'elan ta stac' sutel ti c'ope, ch'ayal ta xc'ot yo'nton yu'un.

San Lucas 5:17

Oy jun c'ac'al ta xchanubtasvan ti Jesuse. Ti bu taje, chot xiic jun chib fariseoetic xchi'uc jun chib jchanubtasvanejetic yu'un ti oy c'usi tsots albil sc'oplale, ti liquemic tal ta jujun jteclum ta Galileae, ta Judeae, xchi'uc ta Jerusalene. Laj yac' sba iluc smuc'ul stsatsal Dios ta stojol Jesús ta scolesel ti jchameletique.

San Juan 3:10

Xi laj stac' ti Jesuse: —¿Mi mu banquilal jchanubtasvanejucot ya'yel yu'un ti achi'iltaque? ¿Mi mu xa ono'ox xava'ibe smelol taje?

Hechos 5:34

Ta scotolic ti jchapanvanejetique, oy jun fariseo ti sbiinoj Gamaliel ti ich'bil ta muq'ue, ja' jun banquilal jchanubtasvanej yu'un ti oy c'usi jbel tsots albil sc'oplale. Laj yal mantal ti yich'uc loq'uesel jliqueluc ti jcholc'opetique,

1 Timoteo 1:7

Yu'un sbis xa sbaic ta jchanubtasvanejetic yu'un ti oy c'usi tsots sc'oplal albil yu'un ti Diose ti c'alal mi ja'uc xa'ibeic smelol ti c'usi ta xalique, ti co'ol s'elan sna'ic xa yilel ti c'u s'elan ta xchanubtasvanique.