San Lucas 2:34 - Bible in Tzotzil de Chamula

³⁴ Va'i un, ti lequilal oy yu'un ti Simeone laj yac'be yich' ti olole, ti xi laj yalbe ya'i ti María, sme' ti Jesuse: —A'yio ava'i, ti olol li'e yich'oj talel ti yepal no'ox ta xbajic yu'un ti israeletique mi ta stamel sbaic liquel ta stael ti coltael yu'une. Ta xvinaj ti yepal mu xich'ic ta muq'ue,

Tzotzil Zinacantan

^34-35 ―Acꞌu yacꞌboxuc bentisyon ti Rioxe ―xꞌutatic la yuꞌun ti Simeone. ―Lavole jaꞌ chvinaj o cꞌu xꞌelan yoꞌon li jchiꞌiltactic ta israelale. Chcrontainat tajmec, mu xcꞌane tajmec yuꞌun jlom li jchiꞌiltactique. Chlic avat o avoꞌon ti mu xcꞌanee. Pero oy jlom jchiꞌiltactic ti chlecub o yoꞌonique ―xꞌutat la yuꞌun Simeón ti Maríae.

LEQUIL ACH' C'OP

³⁴ I'ac'batic bentisyon yu'un ti Simeone, xi i'albat ti María sme' Jesuse: ―Q'uelavil, li unen li'i albil xa ono'ox sc'oplal ti ja chtal yac' ti ep much'utic ta xlomic o ta lume xchi'uc ti oy much'utic ta stam o sbaic li ta Israele. Ja' chvinaj o ti ep ti much'utic mu xich'ic ta muq'ue,

Bible in Tzotzil de Chenalhó with Deuterocanon

³⁴ Li Simeone la sc'anbe bendición ta stojolic, jech laj yalbe li Mariae, ja' li sme' unin olole: —A'yo ava'ay tseb, ta sventa li avol li'i, ep jchi'iltactic li' ta Israel ta xyalic ta lum, xchi'uc ep jchi'iltactic ta xva'iic ta sventa noxtoc. Ja' svinajeb ti li' xa oy li tojobtasel yu'un Diose, pero mu x'ich'at ta muc'.

Tzotzil San Andres

^34-35 Li Simeone la scꞌanbe slequilal yutsilal Dios ta stojolic. Jech laj yalbe nojtoc li smeꞌ li unene, jaꞌ li Maríae: ―Aꞌio me, ta sventa la avol liꞌi jaꞌ ta xvinaj o cꞌu sba yoꞌonic li jchiꞌiltactic ta israelale. Ep ta xichꞌ contrainel la avole yuꞌun mu xcꞌane yuꞌun ep jchiꞌiltactic. Jech chlic avat avoꞌon ta scoj ti mu xcꞌanee. Pero oy yan jchiꞌiltactic ta xtuqꞌuib yoꞌonic ta sventa la avole ―xi li Simeone.

Tzotzil de Huixtán

^34-35 Ti Simeone laj sc'ambe bendición ti stojol ti olole. Hech laj yalbe ti sme' ti olole, ja' ti Maríae: ―A'yo me ava'i, ti sventa ti avol li'to hech tspasbatic proval yo'ntonic ti jchi'iltique, ho'ucutic ti yelnich'onucutic ti Israel xchi'uque, hech chvinaj ti c'usi tsnopique. Ja' ep chbolib yo'ntonic ti jchi'iltique yu'un. Hech yu'un ep chich' contrainel ti avole yu'un mu xc'anat yu'unic. Ja' ti sventa uc ti ep chavich' mul ho'oti. Oy yan ti jchi'iltique ja' chlecub yo'ntonic yu'un ―xchi ti Simeone.

San Lucas 2:34 Iomraidhean Croise

Génesis 14:19

Va'i un, xi s'elan xvulvun liquel ta lequil c'op ta stojol ti Abrame: “Ac'o xasts'uiltasot ti Dios ti oy ta toyole, ti ja' laj smeltsan ti vinajele, ti banomile.

Génesis 47:7

Ti Josee laj yic' batel xtoc ta stojol faraón ti Jacob ti ja' stote. Ti Jacobe biq'uit laj yac' sba c'alal c'ot sc'opon ti faraone.

Éxodo 39:43

C'alal laj yil ti Moisés ti ja' jech laj spasique, laj yac'be yich'ic slequilal ti Diose.

Isaías 8:18

Ti vu'une xchi'uc ti calab jnich'nab ti laj yac'bun ti Diose, lic'otcutic ta senyail ti ch'ayal ta xc'ot o'ntonal yu'un ti Israele, ti ja' yabtel stuc ti Dios ti scotol xu' yu'une, ti nacal ta vits Sione.

Oseas 14:9

Ti buch'u sna' xich' sba ta c'ac'ale, ti buch'utic oy sbijile, ac'o me ya'iic lec ti xi s'elan ti c'ope: Ti bu ta xac' ta tamel batel ti Diose, lec tuc' scotol. Jech ti buch'utic oy stuq'uil ti snopobil yu'unique, ta stamic batel. Yan ti jchopol joletique ta sbosi yacan xchi'uquic.

San Mateo 11:19

Lital ec un, ti vu'un co'ol j'elantic ti jna' xive' xcuch' vo'e, ta xavalic ti yan sba xive' xcuch' vo'e, ti lec xquil jbacutic xchi'uc ti jsa'muliletique xchi'uc ti jc'an-patan-taq'uinetic sventa Romae. Ta sventa sbijil ti Diose, ta xvinaj ti c'u s'elan ta xc'ot ta pasele.”

San Mateo 12:46

Ti Jesuse yacal to ox ta xc'opoj ta stojolal ti jnaclejetique c'alal ja' o c'ot ti sme'e, ti yits'inabtaque. C'alal c'otique, comic ta pana. Ta sc'an ta sc'opon ya'iic ti Jesuse.

San Mateo 21:44

Ja'uc sc'oplal ti tone, buch'uuc cajal ta xc'ot ta sba ti tone, toj lilijel ta xc'ot. Mi cajal ta xc'ot ti ton ta sbaique, toj t'usel ta xc'ot.

San Mateo 27:63

Xi c'ot yalbeique: —Ajvalil, vul ta co'ntoncutic ti laj yal ono'ox ti jutc'op vinic c'alal cuxul to oxe, ti ta la xcha'cuxi ta yoxibal c'ac'ale.

San Lucas 2:35

yo' yepal no'ox ta svinajesbat c'u s'elan ta snop ta yo'nton ti ta jujun tale. Jech xtoc, co'ol to s'elan jun cuchilu ta xti'van yipal ta avo'nton ta xava'i ti vo'ot une.

San Juan 3:20

Scotol ti buch'utic ta spasic ti c'usi chopole, xti'et sjolic yu'un ti luze. Mu sc'an xnopajic ta stojol ti luze yo' mu xvinajesbatic ti c'usi chopol ta spasique.

San Juan 5:18

Jech o xal ti israeletique x'ech' to stsac yip yo'ntonic ta smilic ya'iic ti Jesuse, yu'un ma'uc no'ox mu xich' ta muc' smantalil ti cuxob o'ntonale, yu'un ta sco'oltas sba jech c'u cha'al ti Diose, ti laj yal ti ja' stot ti Diose.

Hechos 13:45

Ja'uc ti israeletique, c'alal laj yilic ep laj stsob sbaic talel ti jnaclejetique, lic yit'ixal yo'ntonic, ta scontrainel, ta sa'bel ti smul ti Pabloe.

Hechos 17:6

Ti jech mu'yuc laj staic ti bu taje, ja' laj xjochic batel ti Jasone xchi'uc jun chib jch'unolajeletic, ti bat yaq'uic ta stojol ti jchapanvanejetic yu'un ti jmuc' ta lume, ti xi ta x'avanique: —Ti viniquetic li'e, ja'ic ti buch'u yacalic ta sliquesic c'op ta sjunul banomile, talic xa li' ta jlumaltic ta sliquesel c'op xtoque.

Hechos 24:5

Ja' xchamel jteclum ti vinic li'e. Buyuc no'ox ta xanav ta sjoylej banomil, ta sliques c'op ta syanijesbel sjol ti jchi'ilcutic ta svoq'uel sbaique. Ja' jun banquilal xa'i sba ti buch'utic c'otem ta yo'ntonic ta xch'unel ti sbiinoj nazarenoe.

Hechos 28:22

Yu'un ca'binojcutic ti buyuc no'ox ta sjoylej banomile, chopol ta xc'opojic ti oy c'usi ach' sc'oplal ta xc'ot ta stojolique. ¿C'usi ta xaval yu'un taj une?

Hechos 4:26

Ti banquilal ajvaliletique xchi'uc ti its'inal ajvaliletic li' ta banomile, laj stsob sbaic yo' ta xiscontrainun ti vu'un Diosune xchi'uc ti Buch'u t'ujbil cu'une, ja' ti Cristoe.’

Hechos 6:7

Yac ta bolel ech'el ti sc'op Diose. Yacal ta epajel ech'el ti jch'unolajeletic ta Jerusalene. Yepal no'ox pale israeletic c'ot ta yo'ntonic ta xch'unel ti ach' c'ope.

Romanos 9:32

¿C'u cha'al un? yu'un mu'yuc laj yac'beic yipal ta sa'el ti ch'abal smulic ta xc'otic ta sventa ti oy c'usi ta xc'ot ta o'ntonal ta xch'unele. C'ajomal no'ox ta sventa yabtelic yac'ojbeic yipal ti lec ta x'ileique. Jech o xal laj sbosi yacanic yu'un ti jmac-acanil tone.

1 Corintios 1:23

Ja'uc ti vu'uncutique ja' ta xcalcutic batel sc'oplal ti Cristo jipil ta curus chame. Ti israeletique q'uexlal sba ta xa'iic ti jech ta x'albatique. Ti jyanlumetique jeche' lo'il c'op no'ox ta xa'iic ti jech ta x'albatique.

Hebreos 7:1

Ti Melquisedec taje, ja' to ox ajvalil yu'un ti jteclum Saleme, ja' banquilal pale xtoc yu'un Dios ti oy ta toyole. C'alal sut talel ti Abraham ta pas leto c'alal laj stsal comel ti jayib ajvaliletique, jech ti Melquisedeque loc' batel ta snupel ta be ti Abrahame, xchi'uc laj yac'be yich' ti lequile.

Hebreos 7:7

Ja' yu'un un, ti buch'u ta xac' ti lequilale ja' x'ech' to cajal, ja' mu sta ti buch'u ta xich'e.

1 Pedro 4:14

Muyubajanic no'ox mi ta sventa Cristo ta xavich'ic chopol c'optaele. Ti Ch'ul Espíritu yu'un ti Diose, ti xojoban no'ox yutsile, oy ta atojolic.

1 Samuel 2:20

Va'i un, ti Elie xi ta xal ti ta xac'be yich' yutsilal slequilal Dios ti Elcanae xchi'uc ti yajnile: “Ac'o xasc'uxubinic ti Diose, ti ta xac'bot anich'nab ta sventa ti ants li'e, ti xq'uexol ti laj yac' ta tunele.” C'alal ta xlaj yo'ntonique, ta sut batel ta snaic.