San Lucas 2:14 - Bible in Tzotzil de Chamula

¹⁴ “Mu albajuc yutsilal slequilal ti Dios oy ta vinajele. Yu'un ti jnaclejetic ti oyic ta banomile, laj xa staic ti lec x'ileic yu'une, ja' ti buch'utic jun yo'nton oyic ta stojole.”

Tzotzil Zinacantan

¹⁴ ¡Lec tajmec yoꞌon li Riox ta vinajele! Chcꞌuxubin li crixchanoetique yoꞌ spas o ta jun yoꞌonique, xiic la.

LEQUIL ACH' C'OP

¹⁴ «¡Ich'biluc ta muc' ti Riox ta vinajele! ¡Ac'u pasuc ta jun yo'onic li crixchanoetic li' ta sba balamile, ja' ti much'utic ta slequil yo'on Riox chich'ic c'uxubinele!» —Xiic.

Bible in Tzotzil de Chenalhó with Deuterocanon

¹⁴ “¡Ich'biluc ta muc' te ta vinajel li Diose! Ac'o sta jun yo'nton cristianoetic li' ta banamil ta sventa slequil yo'nton li Diose”, xiic.

Tzotzil San Andres

¹⁴ ¡Toj echꞌem slequilal Dios ta vinajel! Acꞌo pasuc ta jun yoꞌonic li crixchanoetic ta sventa ti oy slequil yoꞌon li Dios ta stojolique, xiic.

Tzotzil de Huixtán

¹⁴ Jelaven yutsil ti Diose, ja' ti te oy ti vinajele. Ac'o tojobuc ti balumile yu'un yutsil yo'nton ti Diose xchi'uc scotol crixchanoetic, xchiic.

San Lucas 2:14 Iomraidhean Croise

Isaías 44:23

Jech ec, ch'ul vinajel, avanan ta muyubajel ta sventa ti oy c'usi laj spas ti Diose. Natiquil ch'enetic ti oyoxuc ta banomile, bal to xca'itic ma' le' une, chianic. Vitsetic, abnaletic xchi'uc scotol ti te'etic avu'une, avananic ta muyubajel ti bu xa c'alal xac' ti yipal avu'unique. Yu'un ti Diose laj xa yac' ta q'uelel ti yutsilal slequilale. C'ot xa ta pojel yu'un ti Israel steclumal ti Jacobe.

Isaías 49:13

¡Muyubajan ta avanel un, vinajel! ¡Banomil, mu'yucuc xa c'usi xana' liquel un! ¡Vitsetic, avanan liquel ta yutsil slequil avo'ntonic un! C'ot xa ta pasel yu'un ti Diose ta spatbel yo'nton ti steclumale, ti c'uxubaj yo'nton yu'un ti mu x'ech' xjelav ti svocolique.

Isaías 57:19

Xi ta xcalbe scotolique: ‘Cuxetuc xa banomil xava'iic ti le' to nom oyoxuque. Cuxetuc xa banomil xava'iic ti li' no'ox nopol oyoxuque. Ta jpoxta ma' ti jteclumale.’

Miqueas 5:5

ja' ta spajes ti c'ope. C'alal ta xu'ninbotic jteclumaltic ti asirioetique, c'alal ta x'ochic talel ta muc'tiquil naetic ti chapanobbail cu'untique, ta jtactic batel vucub (7) viniquetic ti banquilal xa'i sbaic ta contrainvaneje, xchi'uc vaxacvo' (8) viniquetic ti ich'bil ye sti'ique.

San Mateo 21:9

Ti buch'utic oyic ta jba'bee xchi'uc ti oyic ta patil talele, xi tsots lic avanicuque: —Jun yutsil Xnich'on ti ajvalil Davide. Yan yutsil ti buch'u tacbil tal yu'un ti Diose. Jun yutsil ti Diose.

San Lucas 1:79

ta yac'bel saquilal osil ti buch'u oyic ti bu spajebal xa ic' ti osile, xchi'uc ta stael lamajemuc ti o'ntonale.”

San Lucas 19:38

Xi ta xalique: —Jun yutsil ti Ajvalil tacbil talel ta sventa ti Diose. Lamaj xa ti c'op ta vinajele. Oy xa muyubajel lequilal ta toyol.

San Lucas 2:13

Ta jech yepal vul ta loq'uel yan anjeletic ta vinajel ta stojol ti jun anjele ta yalbel slequilal Dios ti xi ta xalique:

San Lucas 2:15

C'alal sut batel ta vinajel ti anjeletique, jech ti jchabiej-chijetique xi lic yalbe sbaic ta jujun tale: —Batic ta Belén un cha'e, ba jq'ueltic ti c'usi c'ot ta pasele jech c'u cha'al laj yalbotic ti Cajvaltique.

San Lucas 3:22

Yal talel ta vinajel ti Ch'ul Espíritu ta stojol ti Jesuse jech c'u cha'al junuc paloma xvinaj, xchi'uc oy Buch'u vinaj sc'opojel ta vinajel ti xi ta xale: —Vo'ot ti jc'uxubinbil Nich'one, ximuyubaj xa ta atojol.

San Juan 14:27

“Ta xcac' comel ta atojolic ti slamajemal o'ntonale. Mu xco'olaj xchi'uc jech c'u cha'al ta xaq'uic ti buch'u li' oyic ta banomile. Mu me xatsiq'ues avo'ntonic, mu xaxi'ic.

San Juan 17:4

“Yu'un laj xa jvinajes avutsil li' ta banomile, yu'un tsuts xa cu'un ti cabtel laj avac'bun jbaine.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

Hechos 10:36

Ti Diose laj yac' ta a'yiel sc'oplal ti ta sventa Jesucristo ta staic ti ch'abal sc'opic xchi'uc Dios snitilul ti Israele, yu'un ti Jesucristoe c'ot ta Ajvalil yu'un scotol.

Romanos 5:1

Ti jech laj jtatic ti lec xij'ile yu'un Dios ta sventa ti c'ot ta o'ntonal ta xch'unele, jun co'ntontic xchi'uc ti Dios ta sventa ti Cajvaltic Jesucristoe.

Efesios 1:6

Ti jech taj une, lequil-c'optabiluc cu'untic ti Diose, ti mu no'ox albajuc ti yutsilal slequilal yo'ntone, ti laj yac'botic ti xch'ul lequilal ti jech oyotic ta stojol ti xc'uxubinbil Nich'one.

Efesios 1:9

Ta sventa ti mu no'ox albajuc sbijil ti Diose, stuc laj yac' jbijiltic ta sna'el ti c'usi mucul to ox yu'une. Ja' stuc laj sva'an sba ta spasel ti c'usi snopoj ono'ox ta spase.

Efesios 2:4

Ti jech jcuchoj jvocoltic laj yilotic ti Diose, mu jipbaj tenbaj laj ya'iotic, ta sventa ti oy syail xc'uxul yo'ntone, laj xc'uxubinotic,

Efesios 2:7

Ja' jech laj spas ti Diose yo' jech ta xac' iluc batel ti oy syail xc'uxul yo'nton ta jtojoltic ta sventa ti Cristoe.

Filipenses 2:11

Scotol jamal ta xalic ti ja' Ajvalil ti Jesucristoe, yo' jech ich'bil ta muc' ta xc'ot ti Dios Totile.

Filipenses 2:13

Yu'un ti Diose, ja' ta xac'boxuc yutsilal slequil avo'ntonic yo' jech ta xapasic ti c'usi ta sc'ane, yu'un ja' ta scoltaoxuc ta spasel ti c'usi lec ta xa'ie.

Colosenses 1:20

yu'un ta sventa Cristo, ti Diose lecub yo'nton xchi'uc scotol ti c'usitic oy li' ta banomile, ti oy ta vinajele, ta sventa ti laj smal xch'ich'el ta curus ti Cristoe.

2 Tesalonicenses 2:16

Ti Jtotic Dios cu'untique laj xc'uxubinotic, laj yac'botic spatobil co'ntontic sbatel osil ti oy c'usi ta jmalatic ta jtatic ta sventa ti slequilal yutsilal yo'ntone. Ti Dios taje xchi'uc ti Cajvaltic Jesucristoe, ac'o yac'boxuc yip avo'ntonic ta spasel ta yalel ti c'usi leque.

Apocalipsis 5:13

Scotol c'usitic laj spas ti Dios ti oy ta vinajele, ti oy ta banomile, ti oy ta lajebale, ti oy ta nabe, laj ca'i ti xi ta xal scotolique: “Ti Buch'u chotol le' ta muc' ta chotlebale xchi'uc ti jcot ta Uni Chije, c'otuc ta pasel ti ich'biluc ta muq'ue, ti junuc yutsil ti sc'oplalique, ti jelavemuc ti yutsil slequile, ti smuc'ul stsatsale, ti jechuc o sbatel osile.”