San Lucas 18:43 - Bible in Tzotzil de Chamula

⁴³ Ta yorail no'ox taje, jam sat ti ma'sate. Xmuyubaj xa ta slequil-c'opon Dios ti nabal ech'el ta spat ti Jesuse. Scotol ti buch'u laj yilic taje, xmuyubaj xa ta xalbeic slequilal Dios.

Tzotzil Zinacantan

⁴³ Ora la ijam ti sate, ixchiꞌin la echꞌel ti Jesuse. ―Colaval ―xut la ti Rioxe. Cꞌalal iyilic ti crixchanoetique, “colaval, Cajval”, xiic la uc.

LEQUIL ACH' C'OP

⁴³ Li ma'sate ora ijam li sate, tey xa ixchi'in ech'el ti Jesuse, iyalbe slequilal ti Rioxe. Ja' no'ox yech, scotol li crixchanoetic ti iyilic c'u x'elan icole, iyalbeic slequilal Riox uc.

Bible in Tzotzil de Chenalhó with Deuterocanon

⁴³ Jech ta ora ijam li sate. La xchi'in batel li Jesuse; laj yalbe batel slequilal Dios. C'alal laj yil scotol li cristianoetique, laj yalbeic slequilal Dios ec.

Tzotzil San Andres

⁴³ Ijam ta ora li sate, la schiꞌin batel li Jesuse, ep laj yal coliyal Dios. Cꞌalal iyilic li crixchanoetique, laj yalic coliyal Dios eꞌuc.

Tzotzil de Huixtán

⁴³ Ti ora ijam ti sate. Laj sts'acli batel ti Jesuse, lic yalilambe vocol ti Diose. C'alal laj yilic scotol ti xchi'iltaque, scotolic lic yalbeic vocol uc ti Diose yu'un ti hech ic'ot ti pasele.

San Lucas 18:43 Iomraidhean Croise

Salmos 107:15

Colaval, utic ti Dios ta sventa ti syail xc'uxul yo'ntone, ta sventa ti ta sva'an sba ta spojel ti jteclume.

Salmos 107:8

Colaval, utic ti Dios ta sventa ti syail xc'uxul yo'ntone, ta sventa ti ta sva'an ta spojel ti jteclume.

Salmos 146:8

Ti buch'utic ma'satetique, ta xlic vic'batuc yu'un ti Diose. Ti buch'u lomemic ta lume, ta xtoyeic liquel yu'un ti Diose. Mu tenbiluc jipbiluc yu'un Dios ti buch'u oy yutsil yo'ntonique.

Salmos 30:2

Cajval Dios, laj jc'anbot ti coltael une, c'ot ta pasel ti licol avu'une.

Isaías 35:5

Va'i un, ti buch'utic ma'satetique ta xlic yilic ti osile. Ti buch'u macal ti xchiquinique ta xlic jamuc ti xchiquinique.

Isaías 42:16

Ti ma'satetique, ta xquic' batel ta be. Ta stamic batel cu'un ti bu mu xojtiquinic jutebuque. Ta sba ta satic, ta xlic joybin ta saquilal osil ti ic'al osile. Ta jpas ta stenlej ti bu syalobalil ti banomile. Ti va'i s'elan taje, ta j'ech'el mi ja'uc stselbuj cu'un.

Isaías 43:21

Ti jteclum ti chapal cu'une, ta svinajesbeic slequilal yutsilal ti jc'oplale.

San Mateo 11:5

Chapbeic ya'i, ti ma'satetique jam xa ti satique. Ti coxovetique ta xanavic xa. Ti jc'a'emal-chameletique, pocbil tusbilic xa. Ti macal xchiquinique ta xa'iic xa c'oponel. Ti animaetique cha'cuxiic xa. Ti buch'u abol sbaique, yich'ic xa albel sc'oplal ti colebale.

San Mateo 21:14

Ti ta ch'ulna une, nopajic talel ta stojol Jesús jun chib ma'satetic xchi'uc coxovetic. Laj scolesan.

San Mateo 9:8

Ti jech laj yilic ti jnaclejetique, xi'ic, xchi'uc xlequil-c'opojic xa ta stojol ti Dios ta sventa ti oy buch'u ac'bil smuc'ul stsatsalique.

San Lucas 13:17

C'alal jech laj yal ti Jesuse, q'uexav scotol ti yajcontrataque. Ja'uc ti c'u yepal oyique, xmuyubajic xa ti laj yilic ti muc'tic no'ox c'usi laj yac' ta ilel ti Jesuse.

San Lucas 19:37

C'alal nopaj xa yalel ta svitsal Olivose, scotol ti yajts'aclivanejtac ti Jesuse xmuyubajic xa, lic avanicuc ta yalbeic slequilal ti Diose, ta sventa ti oy c'usi ch'ayal c'ot o'ntonal yu'un laj yilique.

San Lucas 4:39

Ti Jesuse cuji bu puch'ul ti jchamele. Laj spas loq'uel ta mantal ti c'oq'ue. Ta jech yepal ech' ti c'oq'ue. Laj stam sba. Lic tunuc ta stojolic.

San Lucas 5:26

Scotol ch'ayal c'ot yo'ntonic ta xalbeic slequilal Dios, ti xi'eltic xa xi laj yalbe sbaique: —Avi tana li'e, jun yutsil ti c'usi laj quiltique.

San Lucas 9:43

Scotolic ch'ayal c'ot yo'ntonic yu'un smuc'ul stsatsal ti Diose. C'alal ch'ayal yo'nton scotolic yu'un c'usi ta spas ti Jesuse, xi laj yalbe ti yajchanc'optaque:

Hechos 11:18

Ti jch'unolajeletic ta Jerusalén c'alal laj ya'iic ti va'i s'elan taje, laj yicta sbaic ta vulvanej. C'ajomal lequil c'opojic ta stojol Dios ti xi laj yalique: —Ati chcaltic un cha'e, stic'oj sba Dios ta stojol ti jyanlumetique yo' ta sutic talel ta stojol, ta stael ti xcuxlejalic sbatel osile.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Hechos 4:21

Coltaatic batel, manchuc mi laj yich'ic sibtasel yu'un ti jchapanvanejetique. Yu'un mu staic yo' ta stsitsic, yu'un scotol ti c'u yepal vololique ta xalbeic slequilal Dios ti c'usi c'ot ta pasele.

Gálatas 1:24

Jech o xal un, xalbeic xa slequilal yutsilal Dios ta jventa.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.