San Lucas 18:22 - Bible in Tzotzil de Chamula

²² C'alal jech laj ya'i ti Jesús taje, xi laj staq'ue: —Xi s'elan sc'an xa no'ox jtos avu'un ti ta xapase: chono scotol ti c'usitic x'ayan avu'une. Ti stojole, ac'bo ti me'onetique. Va'i unbi, oy ac'ulejal ta vinajel. Mi jech laj apase, ts'acliun batel.

Tzotzil Zinacantan

²² Ti cꞌalal iyaꞌi ti Jesuse ―Oy to cꞌusi tscꞌan chapas. Ba chono li cꞌusuc avuꞌune. Li stojole qꞌuelanbo li meꞌonetique yoꞌ oy o acꞌulejal ta vinajele. Tsꞌacal to xtal achiꞌinon ―xꞌutat la.

LEQUIL ACH' C'OP

²² Ti c'alal iya'i ti Jesuse, xi iyalbee: —Oy to jtos ti c'usi tsc'an chapase: Ba chono scotol li c'usuc avu'une, li stojole ac'bo li me'onetique. Ti mi apas yeche, chata ac'ulejal ta vinajel. Mi laj apas yeche, ja' to xu' xtal achi'inon. ―X'utat.

Bible in Tzotzil de Chenalhó with Deuterocanon

²² C'alal laj ya'ay Jesús ti jech itac'ove, jech laj yalbe: —Pero oy to jun c'usi sc'an avu'un. Chono scotol li c'usitic oy avu'une; q'uelanbo me'onetic. Jech chata ac'ulejal te ta vinajel. Jech xu' chtal achi'inun —xut.

Tzotzil San Andres

²² Cꞌalal iyaꞌi Jesús ti jech itacꞌave, jech laj yalbe: ―Pero oy to cꞌusi scꞌan xapas. Ba chono scotol li cꞌustic oy avuꞌune. Li stojole qꞌuelananbo li meꞌonetique jaꞌ oy o acꞌulejal ta vinajel. Tsꞌacal to xtal achiꞌinun ―xut.

Tzotzil de Huixtán

²² C'alal laj ya'i ti Jesuse ti hech itac'ave, hech lic yalbe: ―Oy to c'usi tsc'an to avu'un. Ba chono scotol ti c'utic oy avu'une, q'uelambo ti me'onetique. Hech oy ac'ulejal ti vinajel chc'ot. Patil chtal ats'aclinun ―xut.

San Lucas 18:22 Iomraidhean Croise

Salmos 27:4

Jtos no'ox jc'anojbe ma' ti Diose, jbel no'ox ma' ti xi s'elan juteb ta co'nton ta jc'ane: scotoluc c'ac'al ti c'u sjalil cuxulune, oyucun ta xch'ulna ti Dios une, ta yich'el ta muc' ta xch'ulna, ta sq'uelel ti yutsilal slequilale.

San Mateo 19:21

Xi tac'bat yu'un ti Jesuse: —Mi ta xac'an xata ava'i ti alequil avutsile, batan, chono scotol ti c'usitic oy avu'une. Ti stojole, ac'bo ti me'onetique. Mi jech ta xapase, oy ac'ulejal ta vinajel. Ts'acal to, ts'acliun batel.

San Lucas 10:42

Jun no'ox ma' ti tsots sc'oplale. Ti Mariae laj xa st'uj ti bu tsots sc'oplale, mu'yuc buch'u ta xpojbun.

San Lucas 12:33

Ti c'usitic oy avu'unique, chonic scotol. Ti stojole, ac'beic ti buch'u me'on mu'natetic ti ta xtun yu'unique. Sa'ic ti c'usi mu sna' xlaje yo' oy ac'ulejalic ta vinajel, ti bu mu xlaje, ti bu mu x'och ti j'eleq'ue, ti mu x'och ti xjoch'e.

San Lucas 16:9

“Ta xcalboxuc ava'iic, tunesic ti c'usi oy avu'unic li' ta banomil ti sna' xlaje yo' jech ta xnopaj tal avu'unic ti yane. Yu'un c'alal ta xlaj sc'oplal ti c'usitic ta xatunesique, oy buch'u xmuyubaj xa ta xayic'oxuc ochel ta naclej sbatel osil.

San Lucas 18:21

Xi laj stac' ti vinique: —Ta jbic'tal ono'ox laj jch'un ta spasel talel scotol ti mantaletic taje.

San Lucas 18:23

C'alal jech laj ya'i ti vinique, och ta at o'nton, yu'un toj ep ti sc'ulejale.

San Lucas 9:23

Ti Jesuse xi laj yalbe scotol ti jnaclejetique: —Ti mi oy buch'u ta x'och ya'i ta cajchanc'ope, ac'o xtuch' ta yo'nton ti xcuxlejale, ac'o sts'ic svocol jujun c'ac'al, ac'o sts'acliun.

Filipenses 3:13

Ti jech jchi'il jbatique, mu yu'unuc ta xcal ti laj xa jta scotole. Yu'un ti c'usi ta jpase, ta jch'ay ta co'nton ti c'usi com ta patile. Yu'un ta xcac'be yipal ta stael batel ti c'usi mu'yuc to jtaoje.

2 Pedro 3:8

Ja' jech xtoc, Jchi'iltac ti c'uxoxuc ta co'ntone, mu xach'ay ta avo'ntonic, ti jun c'ac'al ta x'ech'e, co'ol s'elan jmil jabil ta xa'i ti Cajvaltique. Ti jmil jabil xtoque, co'ol s'elan jun c'ac'al ta xa'i.