San Lucas 18:13 - Bible in Tzotzil de Chamula

¹³ Ja'uc ti jc'an-patan-taq'uine, ta patil nijil com ta q'uexlal. Mi ja'uc jutebuc stoy muyel ti sat ta vinajele. Ja' no'ox smajolan xa ti sti' yo'ntone, ti xi laj yale: ‘Ch'ul Dios, c'uxubinun, yu'un jsa'mulilun.’

Tzotzil Zinacantan

¹³ Li jcꞌan-locꞌ-cꞌusiticuque nom vaꞌal icom. Mi jaꞌuc scꞌan sqꞌuel muyel vinajel. Jaꞌ noꞌox ismajulan stiꞌ yoꞌon. “Cajval, cꞌuxubinon yuꞌun jmulavilon”, xut ti Rioxe.

LEQUIL ACH' C'OP

¹³ Pero li jc'an-loc'-c'usiticuque nom va'al icom, mi ja'uc sc'an sq'uel muyel vinajel, ja' no'ox ismajulan sti' yo'on, xi iyale: “¡Riox Cajval, c'uxubinon yu'un jmulavilon!” —Xut ti Rioxe.

Bible in Tzotzil de Chenalhó with Deuterocanon

¹³ Yan li jtsobpatane nom no'ox va'al icom. Mu sc'an stoy sat ta vinajel. Ja' no'ox la smajilan sna yo'nton, jech la sc'opan Dios: ‘Dios cu'un, c'uxubinun, yu'un jpasmulilun’, xut.

Tzotzil San Andres

¹³ Pero li jtsobpatane nomnom noꞌox vaꞌal icom yuꞌun ta xiꞌ li Diose. Mu scꞌan stoy sat ta vinajel nojtoc. Yuꞌun snaꞌ ti chopol li yoꞌone, jaꞌ noꞌox la smajulan stiꞌ yoꞌon, jech la scꞌopon Dios: “Dios, cꞌuxubinun yuꞌun jpasmulilun”, xut li Diose.

Tzotzil de Huixtán

¹³ Ti jtsobpatane nom to va'al yu'un chi' yu'un ti Diose. Mi jutuc mu sq'uel muel yu'un chi' ti Diose. Yu'un laj sna' ti mu xtun ti yo'ntone hech yu'un lic smajilan sti' yo'nton, hech laj sc'opon Dios: “Dios, c'uxubinun yu'un mu xtun ti co'ntone”, xchi ti stojol ti Diose.

San Lucas 18:13 Iomraidhean Croise

2 Samuel 12:13

Ti Davide xi loc' ta ye ta stojol ti Natane: —Laj xa jta jmul ta stojol ti Diose. Xi tac'bat yu'un ti Natane: —Ti laj ava'i aba ti oy amule, mu xastsitsot ti Diose, mi ja'uc ta xacham.

2 Crónicas 33:19

Ti c'u s'elan tac'bat talel yu'un Dios ti c'alal laj sta ta c'oponele, scotol ya'yejal ti smul ti c'alal yanijem ti yo'ntone, ti laj smeltsanan ti ch'ulnaetic ti ma'uc ta sventa ti Diose, ti bu laj sva'anan sloc'obbail ti Aserae, xchi'uc ti yan meltsanbil diosetic ti c'alal mu'yuc to ta sbic'tajes sba ta stojol ti Diose, ts'ibabil com ta slo'il ya'yej ti j'alc'opetic yu'une.

2 Crónicas 33:23

Ja'uc le' une, mu'yuc laj sbic'tajes sba jech c'u cha'al laj spas ti Manasés ti ja' stote. C'ajomal no'ox lic sbusanbe sba ti svocole.

Esdras 9:6

Xi laj cale: “Jch'ul tot, Cajval, nijilun ta q'uexlal. Mu xa jchi'uc jch'ulel ta xca'i ti mu stac' a'yeluc ti c'usi ta xcalbot talele. Yu'un ti jchopolilcutique, spajebal xa ti bu c'ote. Ti jmul jcolo'cutique c'otem c'alal to vinajel.

Job 42:6

Jech o xal j'ech'el ta jsutes que jti' ti xivulvun no'ox ti chotolun ta pucuque, ti ta stanil c'oq'ue.

Salmos 106:6

Laj jta jmulcutic ec jech c'u cha'al laj spasic ti jtot jme'cutique; laj jyanijes jbacutic ta be, chopol ti bu jtamojcutic batel une.

Salmos 119:41

Ac'bun quil, Cajval, ti syail xc'uxul avo'ntone, xchi'uc ti colel avu'un jech c'u cha'al avaloj ono'oxe.

Salmos 130:7

Ja' jech, malao ec ti Diose, Israel, yu'un ta sventa ti stuque, oy syail xc'uxul o'ntonal, j'ech'el oy colebal yu'un.

Salmos 25:11

Dios, mu'yuc jch'ulel xca'i jba ta j'ech'el, ch'aybun ti jmul jcolo'e, ich'biluc c'otan ta muc'.

Salmos 25:7

Ti jmul jcolo'e, xchi'uc ti c'usi chopol laj xa jpas c'alal jqueremal to oxe, mu xavules ta ajol un. Vulesun ta avo'nton un, Dios, ta sventa ti mu no'ox albajuc ti syail xc'uxul avo'ntone, xchi'uc ti slequilal avo'ntone.

Salmos 40:12

Yepal xa vul ta jtojol ti vocoletique, ti mu xa xchapetuc cu'une. Laj yilbajinun ti jmul laj jpase, ti c'ot ta maquel ti jsat yu'une; x'ech' to yepal ta j'ech'el un, ja' mu sta ti c'u yepal oy ti stsotsil jole, lic'ot ta lubtsajel xchi'uc ta j'ech'el.

Salmos 41:4

Xichi laj cal une: “C'uxubajuc avo'nton ta jtojol un, Dios, colesun, manchuc mi jun spimil ti jmul jtaoj ta atojol une.”

Éxodo 33:10

C'alal ta xilic ti israeletic ti xvolet ti toc ta stuq'uil ti ochebal Axibalnae, ta jujun tal ti ta ochebal snaique, ta squejan sbaic ta lum ta yich'el ta muc' ti Diose.

Isaías 1:18

Yu'un ti Diose xi ta xalboxuc ava'iique: “La'ic li'e, lo'ilajcutic xchi'uc ti c'op taje. Ac'o mi cuxul mulil ta j'ech'el ti c'u s'elan ataojique, sac ts'ayan no'ox ta xac'otic cu'un jech c'u cha'al ti bote. Ac'o mi jun to cuxul tsajal poc' s'elan ti lamal c'otel ta atojolique, sac mesan no'ox ta xac'otic cu'un jech c'u cha'al ti saquil tsotse.

Isaías 6:5

Xichi laj jnop une: “Mu xa ono'ox cha'bel un, ta xicham, yu'un laj xa quil ta jba ta jsat ti Ajvalil Dios ti scotol xu' yu'une, ti c'alal vinicun no'oxe, ti mu'yuc smelol ti c'usi ta xloc' ta que ta jti' ti li' jmoj nacalun xchi'uc ti jnaclejetic ti mu'yuc smelol ti c'usi ta xloc' ta ye ta sti'ique.”

Isaías 66:2

Yu'un vu'un laj jmeltsan scotol taje, ja' jech lic ayanuc talel. Ti vu'un Diosune, mu lo'iluc ta xcal. “Ti oyun ta stuc'ulanele, ja' ti me'un mu'nate, ti buch'u ta snijan xchiman sbae, ti ta xich' ta muc' ti jc'ope.

Ezequiel 16:63

Ta xavules ta ajol un. Ta xlic ava'i q'uexlal yu'un ti bisel ta cotol chaval ta xbet'bunel ave ta yalel ti laj jch'ay amul yu'un scotol ti c'usitic laj apase. Ti vu'un Ajvalilune, mu lo'iluc no'ox ta xcal.”

Daniel 9:5

“Laj xa jta jmulcutic ta atojol. Chopol xa ti vi s'elan libatcutique. Yu'un pas xa cu'uncutic ti c'usitic toj chopole. Yu'un oy bu mu xa xacac'cutic ta venta ti c'u s'elan cuxuluncutic talele. Yu'un oy bu laj xa jvalopatincutic comel ti amantaltaque xchi'uc ti c'usitic nopbil avu'une.

San Mateo 10:3

Ti Felipee Ti Bartolomee Ti Tomase Ti Mateoe, ti jc'an-patan-taq'uin to ox sventa Romae. Ti Jacoboe, xnich'on ti Alfeoe. Ti Lebeoe, Tadeo ti yan sbi xtoque.

San Mateo 6:5

“C'alal ta xac'opoj xati'ine, mu jechuc xapas jech c'u cha'al ti buch'u ta spac'ta sbaique, ti lec xa'iic va'ajtic ta xc'opoj xti'inic ta ch'ul naetic, ta jujun xuc'avtac ti bu xvolvun ti jxanbile yo' jech ta x'ilatic yu'un ti yane. Ta melel xcalboxuc ava'iic, ja' no'ox jech yepal laj sta ti smotonique.

San Mateo 9:13

Batan, ba nopbeic talel smelol ti oy bu xi ta xal ti ch'ul c'ope: ‘Ti ta jc'ane, c'uxubinvananic, ma'uc ti ta xamilbeicun ti matanaletique.’ Ti vu'une ma'uc tal jsa' ti buch'u oy slequilique, ja' tal jsa' ti jsa'muliletique yo' ta sutes ti yo'ntonique.

Marcos 11:25

Ch'ayo tubo ta o'ntonal mi oy buch'u aq'uelojbe smul c'alal ta xac'opoj xati'ine, jech ti Atotic oy ta vinajele ta xch'ayboxuc ti amul acolo'ique.

San Lucas 17:12

C'alal c'ot ta jun biq'uit jteclume, ja' o talic lajunvo' (10) viniquetic ti tsacbilic ta c'a'emal chamele, ti nom va'ajtic comique,

San Lucas 22:41

Namaj batel ta stojolic jech chac c'u cha'al snamal ta xich' tenel batel jbejuc ton, ti xquejelet xa ta c'opojel ti'inele.

San Lucas 23:48

Scotol ti buch'utic laj yilic ti c'u s'elan c'ot ta pasele, smaj xa sti' yo'ntonic, loq'uic batel ti bu taje.

San Lucas 5:8

C'alal jech laj yil ti Simón Pedroe, laj squejan sba ta stojol ti Jesuse, ti xi laj yalbee: —Cajval, ch'aco aba ta jtojol yu'un ti vu'une jsa'mulilun.

Hechos 2:37

C'alal jech laj ya'iic ti c'u yepal vololique, laj ya'iic ta yo'ntonic ti oy smulic ti xi laj sjac'beic ti Pedroe, xchi'uc ti yan jcholc'opetique: —Jchi'iltac, ¿c'usi sc'an ta jpascutic?

Romanos 5:8

Ja'uc ti Diose laj yac' ta ilel ti c'ux ta xijya'iotique, yu'un laj yac' ta milel ti Cristo ta jcojtic ti c'alal jsa'mulilotique.

2 Corintios 7:11

Ti jech cuch avu'unic ti at o'nton jech c'u cha'al lec ta xil ti Diose, q'uelo avil, yutsil c'ot ta pasel un. Laj yac'boxuc ana'ic ti sc'an chapanel ti c'ope, ta spaquel ti jc'oplale, la'ilinic yu'un ti mulile, laj yac'boxuc xi'el. Ts'acal to un, ta xac'an xaq'uelicun ava'iic. Jbel sc'oplal laj achapanic ti buch'u staoj ti smule. Ti jech laj apasic taje, laj avaq'uic ta ilel ti mu xac'anic ti mulile.

1 Timoteo 1:15

Scotolicuc, c'otuc ta yo'ntonic ta xch'unel, yu'un ja' melel: Yu'un ti Cristo Jesuse tal ta banomil yo' tal spoj scolta ti jsa'muliletique, Ta scotol taje, vu'un ti banquilal jsa'mulilun to oxe, ja' mu sta ti yane.

Hebreos 4:16

Ja' yu'un un, sjunuluc co'ntontic, nopajcutic batel ta stojol ti bu chotol ti jc'uxubinvanej Dios cu'untique, yo' ta sventa yutsil slequil yo'nton ta xc'uxubaj cu'untic c'alal mu xa cha'bel c'usi xcut jbatic c'alal yorail ta xtun cu'untic ti coltaele.

Hebreos 8:12

Scotol ti c'usitic mu albajuc xchopolal laj spasique, ta jch'aybeic, mi ja'uc ta jvules ta co'nton ti smulique.”