San Lucas 18:11 - Bible in Tzotzil de Chamula

¹¹ Ti fariseoe xi ta xal ti va'al ta xc'opoj xti'ine: ‘Colavalbun, Ch'ul Dios, ti mu jechuc j'elan jech c'u cha'al ti yane, ti ta x'elc'ajique, ti mu'yuc xch'ulel xa'i sbaique, ti jsa'muliletique. Mi ja'uc jutebuc jech j'elan jech c'u cha'al ti jc'an-patan-taq'uin li'e.

Tzotzil Zinacantan

¹¹ Li jfariseoe vaꞌal iscꞌopon Riox, mu xa muchꞌu xtaon chaꞌi. “Colaval, Cajval, ti muc bu yechon chac cꞌu chaꞌal li yan jchiꞌiltaque ti ch-elcꞌajique, ti chopol sjolique, ti tsaꞌ yantsique. Muc bu yechon noxtoc chac cꞌu chaꞌal li jcꞌan-locꞌ-cꞌusiticuc liꞌ vaꞌale.

LEQUIL ACH' C'OP

¹¹ Li jfariseoe va'al isc'opon Riox, ja' yech iyal chac li'i: “Riox Cajval, colaval ti muc bu yechon chac c'u cha'al li yantique, ti ch-elc'ajique, ti chopol sjolique, ti tsa' yantsique, muc' bu yechon noxtoc chac c'u cha'al li jc'an-loc'-c'usiticuc le' va'ale.

Bible in Tzotzil de Chenalhó with Deuterocanon

¹¹ Li fariseoe te c'ot sva'an sba ti c'alal la sc'opan Diose, jech laj yal: ‘Dios, colavalbun ti mu jechuc co'nton jech chac c'u cha'al li yan cristianoetique. Yu'un li stuquique ta x'elc'ajic, mu'yuc tuc' yo'ntonic, ta xmulivajic. Mu jechuc co'nton noxtoc jech chac c'u cha'al li jtsobpatan li'i.

Tzotzil San Andres

¹¹ Li jfariseoe te vaꞌal ista ta naꞌel li Diose, stoyoj noꞌox sba. Jech laj yal: “Dios, colavalbun ti muc bu jechun jech chac cꞌu chaꞌal li yan jchiꞌiltaque. Yuꞌun li stuquique ta xꞌelcꞌajic, chopol yoꞌonic, ta xmulivajic. Muc bu jechun nojtoc jech chac cꞌu chaꞌal li jtsobpatan li liꞌ chasta ta naꞌele.

Tzotzil de Huixtán

¹¹ Te va'al ti fariseoe tstoy sba ti stojol ti Diose, hech chalbe: “Dios, hocol avalbun ti mu hechuc co'nton hech chaj c'u che'el yan crixchanoetic, ja' ti ch-elc'ajique, ti mu tojuc yo'ntonique, ti chmulivajique. Mu hechuc co'nton hech chaj c'u che'el ti jtsobpatan lume ti chasc'oponote.

San Lucas 18:11 Iomraidhean Croise

Salmos 134:1

La'ic ti vo'oxuc yajtuneloxuc ti Diose. Acotolic ti vo'oxuque, lequil c'opojanic ta stojol ti Dios ta x'ech' avu'unic ti ac'ubal ta xch'ulnae.

Salmos 135:2

ti oyoxuc ta xch'ulna ti Diose, ti oyoxuc ta yamaq'uil xch'ulna ti Dios cu'untique.

Proverbios 20:6

Yepal no'ox ta sbis sbaic ma' ti oy stuq'uil yalojique, mi junuc oy buch'u stac' patel o'ntonal ta stojol.

Proverbios 30:12

Oy buch'utic mu sna' c'usi chopol ta spasic ti yalojique, mu'yuc yac'oj sbaic ta mesel tusel un.

Isaías 1:15

“C'alal xnubulet avoc ac'obic ta xac'opoj ta xati'inique, ta jq'uej batel ti jsat ta atojolique. Ac'o mi jal ta j'ech'el ta xac'opoj ta xati'inique, mi ja'uc ta jchiquintaboxuc, yu'un balom ch'ich' ti ac'obic ta scoj ti amilvanejalique.

Isaías 58:2

Xaval yilele, yac'ojbeic xa yipal ta xisa'icun jujun c'ac'al. Xmuyubajic no'ox ta stamel ti bu ta jtojobtas batele. Co'ol xa s'elan jun jteclum ti batem yo'ntonic ta spasel ti c'usi leque. Mu'yuc stenojic ta spat ta xoconic ti c'usitic jbel tsots albil cu'une. Sc'anbeicun xa ti ac'o lecuc batuc yu'unic ti c'usitic jbel tsots albile. Stuc xa no'ox jech xmuyubajic ta q'uelel ti ta xnopajic talel ta jtojole.

Isaías 65:5

Xi ta xalique: ‘Tey no'ox oyan, mu xtal apicun, yu'un jelavem cutsilal ta j'ech'el.’ Ti jnaclejetic taje, co'ol s'elan c'oc' c'otemic ti ta xtil scotol c'ac'ale, ti mu ch'an xiyute, ti co'ol xa s'elan ti ch'ail ta xtal ta jni'e.

Jeremías 2:28

“Jteclum Judá, ¿bu oy ti adiostac ti laj ameltsan une? Jech yepal avajdiostac jech c'u cha'al ti jteclumetic avu'une. Talicuc un cha'e, vinajuc mi xu' yu'unic ta spojeloxuc c'alal ta xvul ta atojolic ti vocole.

Jeremías 2:35

Manchuc mi jech scotol taj une, yu'un xachi laj avale: ‘Mu'yuc ma' ti jmul jcolo' une. Mu'yuc capem sjol ma' ti Dios ta jtojol une.’ Lec un cha'e, ti jech ta xaval ti ch'abal amule, ta jchaj ta sa'el ti c'uxi contra xaquile.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

Miqueas 3:11

Ti jchapanvanejetic yu'un ti jteclume, toj lec xa'iic stsaquel ti mich'ob-c'abale; ti paleetique ta xchanubtasvanic c'alal mi ta x'ac'batic taq'uine. Jech ti j'alc'opetic xtoque ta sc'anic taq'uin yu'un ti c'usitic xu' ta scaj'alique, ti cajal xa ye sti'ic ta xalic ti ja' coltabilic yu'un ti Diose, yu'un xi ta xalique: “Ja' chi'inbiluncutic yu'un ti Diose, mi ja'uc ti oy c'usi chopol ta xc'ot ta pasele.”

San Mateo 10:3

Ti Felipee Ti Bartolomee Ti Tomase Ti Mateoe, ti jc'an-patan-taq'uin to ox sventa Romae. Ti Jacoboe, xnich'on ti Alfeoe. Ti Lebeoe, Tadeo ti yan sbi xtoque.

San Mateo 5:20

Ta xcalboxuc ava'iic, mi mu xavac' avo'ntonic ta spasel ti c'usi ta sc'an ti Diose, mi jech ta xapasic jech c'u cha'al ta spas ti fariseoetique xchi'uc ti jchanubtasvanejetic yu'un ti mantale, mu cha'beluc xu' xa'ochic batel ti bu ta xventainvan ti Diose.

San Mateo 6:5

“C'alal ta xac'opoj xati'ine, mu jechuc xapas jech c'u cha'al ti buch'u ta spac'ta sbaique, ti lec xa'iic va'ajtic ta xc'opoj xti'inic ta ch'ul naetic, ta jujun xuc'avtac ti bu xvolvun ti jxanbile yo' jech ta x'ilatic yu'un ti yane. Ta melel xcalboxuc ava'iic, ja' no'ox jech yepal laj sta ti smotonique.

Marcos 11:25

Ch'ayo tubo ta o'ntonal mi oy buch'u aq'uelojbe smul c'alal ta xac'opoj xati'ine, jech ti Atotic oy ta vinajele ta xch'ayboxuc ti amul acolo'ique.

San Lucas 20:47

Naca spojbel no'ox yu'unic sna ti me'lal antsetique. Yo' mu xvinaj ti jech ta spasique, jal ta xc'opoj xti'inic. Taje, tsots ta xich'ic tsitsel.

San Lucas 22:41

Namaj batel ta stojolic jech chac c'u cha'al snamal ta xich' tenel batel jbejuc ton, ti xquejelet xa ta c'opojel ti'inele.

Gálatas 3:10

Ti buch'utic ta spat yo'ntonic yalojic ta xcolic ta sventa ta xch'unic ta spasel ti oy c'usi tsots sc'oplal albil yu'un ti Moisése, chapal xa sc'oplal ta stoj ti smulique, yu'un xi ta xal ti ch'ul c'ope: “Ti buch'utic mu xc'ot ta pasel yu'unic scotol ti c'usi ts'ibabil ta jpoc svunal yu'un ti mantale, chapal xa sc'oplal ta xbat stoj ti smulique.”

Filipenses 3:6

Ti tsots sc'oplal laj ca'i ta co'nton ti c'u s'elan liquem cu'uncutique, laj quilbajin ti jch'unolajeletique. Ta sventa yo' ta xc'ot ta pasel cu'un ti c'u s'elan ta xal ti oy c'usi tsots sc'oplal albile, mi jutebuc ta stabun ti jmule.

Apocalipsis 3:17

Ta xavalbe aba ti busul no'ox ti ac'ulejale, ti ataoj lec scotole, ti mu'yuc c'usi yan sc'an avu'une. Mu xavil aba ti mu xnel x'ech' ti avocole, ti toj abol abae, ti me'unote, ti ma'satote, ti c'uxul t'analot ta j'ech'ele.