San Lucas 17:3 - Bible in Tzotzil de Chamula

³ “Q'uelo abaic, bijanic, mi oy jun achi'il laj sta smul ta atojole, lequil albo ya'i. Mi ta xlic ya'i sbae, ch'aybo smul scolo'.

Tzotzil Zinacantan

³ ’Cuentaanic me cheꞌe. Ti mi oy bu ista smul avuꞌun junuc achiꞌil ta yichꞌelon ta muqꞌue, ba lequilꞌalbo atuc ti cꞌusi chopol ispase. “Mu xa bu ta jpas yech”, mi xie, acꞌo ta pertonal.

LEQUIL ACH' C'OP

³ ¡Cuentaanic me che'e! »Mi oy bu ista smul junuc lachi'ile, tsots xataq'ui; mi isutes yo'one ac'o ta pertonal.

Bible in Tzotzil de Chenalhó with Deuterocanon

³ Q'uelo me aba atuquic noxtoc. “Me oy la sta smul ta atojol jun achi'ile, tsots xataq'ui. Me la sutes yo'ntone, pasbo perdón.

Tzotzil San Andres

³ ’Pꞌijanic me. Mi oy ista smul ta atojol junuc li buchꞌu coꞌol avichꞌojicun ta muqꞌue, jaꞌ scꞌan ti chavalbe ti mu me spas jeche. Mi iyicta li cꞌusi chopol ta spase, pasbo perton.

Tzotzil de Huixtán

³ ’P'ijanic me. Mi laj sta smul ti atojol ti avermanoe, ja' tsc'an chataq'ui. Mi laj sutes yo'ntone, ja' tsc'an chapasbe perdón.

San Lucas 17:3 Iomraidhean Croise

Salmos 141:5

Jc'uxubinel ta xca'i ti ta xistsitsun ti buch'u xa'ibe sni' xchiquinale. Lequil muil poxil ta xca'i yu'un ti buch'u ta xisjajantaune. Mu jbaj ma' taj une, xic'opoj xiti'in xa yu'un un, manchuc mi tsots ta svulun.

Éxodo 34:12

“Mu me xaco'oltas ajolic ta spasel mi junuc trate xchi'uc ti yajval lumetic ti nacalic ta banomil ti bu ta xcac' ochanic batele, yo' jech mu xa syac'oxuc ta spets'ique.

Proverbios 17:10

Tojob ta juteb vulel ti buch'u bije, laj ya'i sba, ja'uc ti buch'u pimunebe, manchuc mi ta xich' vo'vinic (100) ta moj nucul, stselbun no'ox.

Proverbios 27:5

Ja' lec jamaluc o'ntonal ta tojobtasvanej; altic ti sba no'ox eal ti c'uxubinel xa yilele.

Proverbios 9:8

Ti xatojobtas xa ti buch'u pimuneb xa'i sbae, ta xata ti contra ta xayile; ti xatojobtas xa ti buch'u oy sbijile, ta xata ti lec xayile.

Levítico 19:17

“Mu me teyuc tic'luc o ta avo'nton ti xti'et ajol ta scontrainel ti avinquilele. “Tojobtaso ta stuq'uibtasel ti achi'il ti bu oy smelol stac' tojobtasele. Mu me lecuc xa xava'ibe ti ta xatic' aba yu'un ti smule.

San Mateo 18:21

Ti Pedroe xi laj sjac'be ti Jesuse: —Cajval, albun ca'i, ¿jayib velta ta jch'aybe smul ti jchi'il ti oy c'usi chopol ta spasbune? ¿Mi xu' ta vucub velta?

San Lucas 21:34

“Bijanic, mu me xyijub avo'ntonic yu'un ti yacubele, mi yan ti c'usi ta xapasique, ti xvulvun no'ox avo'ntonic c'usi xu' ta xavut aba li' ta sba banomile, yo' mu ch'ayaluc avo'ntonic xataeic ti jech c'ac'al taje.

Efesios 5:15

Ja' yu'un chae, q'uelo abaic lec c'u a'elanic ta x'ech' avu'unic ti jujun c'ac'ale. Oyuc abijilic. Mu me teyuc no'ox xach'ayetic.

Deuteronomio 4:15

“Ti sc'ac'alil ti c'alal laj sc'oponoxuc talel ti Dios ta o'lol sleb ti c'oc' ta vits Horebe, mu'yuc c'usi va'al laj avilic. Ich'o abijilic un cha'e.

Deuteronomio 4:23

Ja' no'ox un, bijanic ti mu xch'ay ta avo'ntonic ti yac'ojboxuc strate ti Ajvalil Dios avu'unic ti laj spas ta atojolique. Mu xaloc'taic ta smeltsanel loc'obbail, c'usiuc no'ox yan ti laj yalboxuc ava'iic ti Ajvalil Dios avu'unic ti mu stac' jech ta xapasique.

Deuteronomio 4:9

Ja' yu'un un, bijanic ti mu xch'ay ta avo'ntonic ti c'usitic laj avilic ti c'ot ta pasele, ti mi ja'uc ta j'ech'el ta xaten ta apat ta axoconique. Ja'uc le'e, albeic ya'iic smelol ti anich'nabique xchi'uc ti amamubtaquique.

Hebreos 12:15

Tsotsanic yo' jech mu'yuc buch'u junucal avu'unic ta xicta comel ti c'uxubinel yu'un ti Diose yo' jech mu'yuc buch'u junucal avu'unic chopol ti yo'nton ta soquesvanej jech c'u cha'al ti veneno momol ta xmilvane.

Santiago 5:19

Jchi'iltac, mi oy buch'u junucal avu'unic laj xch'ac sba loq'uel ta stojol ti bu ja' melele, mi oy buch'u ti ta xic' sutel talele,

2 Juan 1:8

Bijanic me un yo' mu nacauc ech' jvocolcutic ti li'abtejcutic ta atojolique, ja'uc c'otuc ta pasel ti lecuc chapal sc'oplal ti matanal ta xavich'ique.