San Lucas 17:1 - Bible in Tzotzil de Chamula

¹ Ti Jesuse xi laj yalbe ti yajchanc'optaque: —Oy ono'ox ti bajel ta mulil ti mu'yuc c'usi stac' utele. ¡Mu no'ox cha'bel un ti buch'u ta sta smul yu'un ti yane!

Tzotzil Zinacantan

¹ Li lajchavoꞌe iꞌalbatic la yuꞌun ti Jesuse: ―Oy onox cꞌusi chopol chtal ta avoꞌonic. Yechꞌo un qꞌuelo me abaic, mu me voꞌoticoxuc ta amulic tsaꞌ smul lachiꞌilique.

LEQUIL ACH' C'OP

¹ Ti Jesuse ja' yech iyalbe li yajchanc'optac chac li'i: «Persa ono'ox oy ti c'usi chac' asa' amulique; pero ¡más toj abol sba ti much'u chac'be sa' smul li xchi'iltaque!

Bible in Tzotzil de Chenalhó with Deuterocanon

¹ Li Jesuse jech laj yalbe li yajchanc'optaque: “Mu c'u xcutic ti mu'yuc c'usi chasoquesoxuque, pero toj abul sba li boch'o tstunes c'usi xu' tsoques o xchi'ile.

Tzotzil San Andres

¹ Li Jesuse jech laj yalbe li yajchanbalajeltaque: ―Scotol cꞌacꞌal oy buchꞌu ta scꞌan chasocboxuc avoꞌonic. Pero toj abol sba li buchꞌu ta socvane.

Tzotzil de Huixtán

¹ Ti Jesuse hech laj yalbe ti yajchanc'opetique: ―Scotol ora oy ti c'usi tsc'an chbolibtasvane. Uts sbaic ti much'u chbolibtasvane.

San Lucas 17:1 Iomraidhean Croise

San Mateo 16:23

Ti Jesuse joyij, xi laj yalbe ti Pedroe: —¡Ch'aco aba loq'uel ta jtojol, Pucuj, jmacvanej ta be ti xi'bal xa sba ti c'usi ta xaval ta sibtaselune! Ma'uc ta xanop jech c'u cha'al ta snop ti Diose. Ja' no'ox ta xanop jech c'u cha'al ta snop ti viniquetique.

San Mateo 18:7

Ta sventaic ti buch'u oyic ta banomile, yepal ti chopol ta xc'ot ta stojolique, ja' ti buyuc no'ox oy iq'uel ta sventa ti mulile. Ja'uc ti buch'u ta sta smul yu'un ti yane, mu cha'bel un.

San Lucas 16:31

Xi laj yal ti Abrahame: ‘Mi mu sc'an xich'ic ta muc' ti c'usitic ts'ibabil yu'un ti Moisese xchi'uc ti j'alc'opetique, mu ja' xa la ta xich'ic ta muc' mi oy buch'u ta xcha'cuxi batel.’ ”

Romanos 14:13

Jech o xal un, lajuc sc'oplal ta jlo'ilta jbatic ta jujun tal. Ja' lec albo avo'ntonic ti mu'yuc c'usi ta xapas yo' mu ta acojuc ta xayanijesbeic yo'nton ti achi'il ti buch'u mu'yuc to lec yip yo'nton ti c'u s'elan c'otem ta ch'unele.

Romanos 16:17

Ti jech jchi'il jbatique, ta jc'anboxuc vocol ta atojolic, q'uelic lec ti buch'u ta xch'ac svinique, ti ta soquesvane. Yu'un ti buch'u jech ta spas taje, ta scontrain ti c'u s'elan laj avich'ic chanubtasele. Ja' yu'un un, mu xachanbeic yo'ntonic.

1 Corintios 10:32

Mi junuc xavac'be yil ti c'usi chopole, mi ja'uc ti israele, mi ja'uc ti jyanlumetique, mi ja'uc ti jch'unolajeletique.

1 Corintios 11:19

Ti jech xc'ot ta atojolic ti jeltos avo'ntonique, yo' jech ta xvinaj ti buch'u ti bats'i jch'unolajeletique.

1 Corintios 8:13

Mi ja' ta scoj ve'lil ta jyanijesbe yo'nton ti jchi'ile, ja' lec j'ech'el mu jti' ti beq'uete yo' jech mu sta smul ti buch'uuc no'oxe.

1 Timoteo 4:1

Jamal ta xal ti Ch'ul Espiritue ti c'alal slajebtic xa batel ti c'ac'ale, oy jlom ta xicta sbaic ta xch'unel ti Cajvaltique, ta xbat sts'acliic jlo'lavanej jchanubtasvanejetic ti liquem talel ta stojol pucuj ti c'u s'elan ta xchanubtasvanique.

Apocalipsis 2:14

Oy jaytos ti xi s'elan mu lecuc ta xquil ti oy ta atojole: yu'un oy jlom avu'unic mu sc'an ta xictaic comel c'u s'elan chanubtasvan ti Balaam ti c'alal laj sbijubtas ti Balaque, ti laj sta smul yu'un ti israeletic c'alal laj slajesic smoton ti c'usi meltsanbil ta c'abale, xchi'uc ti laj sbolomalin sbaic yu'une.

Apocalipsis 2:20

Ja'uc le'e, xi s'elan ta jta jtos ta atojol ti mu lecuc ta xquile: tey no'ox ta xavac' chanubtasvanuc ti ants Jezabele, ti ta xal ti ta xc'opoj ta sventa ti Diose. Ti c'u s'elan ta xchanubtasvane, c'ajomal no'ox ta slo'la ti cajtuneltaque, yo' ta xlic mulivajuc xchi'uc, yo' ta stun slajesic smoton ti c'usi meltsanbil ta c'abale.