San Lucas 16:8 - Bible in Tzotzil de Chamula

⁸ Ti ajvalile laj yil ti ech'em sbijil ta sventa no'ox banomil ti chopol jbainej abtel ti sna' c'usi xut sba ti c'usi ta xtun yu'une. Yu'un ti li' ta banomile, oy sbijilic, sna'ic lec c'u s'elan ta scolta sbaic ta jujun tal yo' lec oyic. Ja' mu sta sbijilic ti buch'utic ti oyic ta saquilal osile.

Tzotzil Zinacantan

⁸ “Li martomo chopol sjole más snaꞌ snopel cꞌu xꞌelan yoꞌ sta o cꞌuxubinel ti cꞌalal xlocꞌ ta cabtele”, xi li ajvalile. Jaꞌ noꞌox yech li muchꞌutic jaꞌ noꞌox ta yoꞌonic cꞌu xꞌelan ch-echꞌic liꞌ ta sba balamile, más snaꞌic snopel cꞌu xꞌelan tscꞌuxubinic li xchiꞌilique yoꞌ xcꞌuxubinatic o uque. Yan li muchꞌutic xchꞌunojic li scꞌop Rioxe, más mu snaꞌic.

LEQUIL ACH' C'OP

⁸ Li ajvalile, lec iyil ti c'usi iyul ta sjol ispas li chopol martomoe. Ta melel li crixchanoetic li ta sba balamile, más p'ijic chac c'ucha'al ti much'utic oyic xa ta sac osile, yu'un chaq'uic persa tsa'ic ti c'u x'elan lec ch-ileic yu'un li crixchanoetique.

Bible in Tzotzil de Chenalhó with Deuterocanon

⁸ Li yajvale jech laj yal: ‘Toj lec bij li vinique’, xi. Yu'un li boch'o ja' batem ta yo'ntonic c'u x'elan lec ch-ech'ic li' ta banamile, ja' toj bijic ta snopel c'usi tspasic. Yan li boch'o oyic ta sac osile, mu sta jech sbijilic.

Tzotzil San Andres

⁸ Li yajvale jech laj yal: “Li chopol vinique pꞌij. Snaꞌ snopel li cꞌu sba ta xichꞌ cꞌuxubinel li cꞌalal mi ilocꞌ liꞌ ta jnae”, xi li yajvale. Jaꞌ noꞌox jech li buchꞌutic jaꞌ noꞌox batem ta yoꞌonic li cꞌu sba lec ta xꞌechꞌic liꞌ ta balumile, jaꞌ más snaꞌic snopel li cꞌu sba ta scꞌuxubin schiꞌilic yoꞌ jech ta xcꞌuxubinatic eꞌuque. Yan li buchꞌutic yichꞌojic ta mucꞌ Dios ti yalojique, jaꞌ mu snaꞌic snopel cꞌu sba ta scꞌuxubin schiꞌilic yoꞌ jech ta xcꞌuxubinatic yuꞌun Dios eꞌuc.

Tzotzil de Huixtán

⁸ Hech lic yalbe uc ti yajchanc'opetique ti Jesuse: ―“P'ij ti vinic lume, laj sna' ti c'usi chut sbae yu'un hech xu' chich' c'uxubinel yu'un ti yantique”, xchi sc'opilal yu'un ti yajvale manchuc mi mu tojuc ti c'usi laj spase. Ja' hechic ti much'utic batem yo'ntonic lec ch-ech'ic li' ti balumile, ja' tsots sc'opilal cha'i ti lec ch-ilatic yu'un ti xchi'iltac li' ti balumile. Ja'uc ti much'utic p'ijuben ti sventa ti Diose mu tsotsuc sc'opilal cha'i ti lec ch-ilatic yu'un ti crixchanoetique ―xchi ti Jesuse.

San Lucas 16:8 Iomraidhean Croise

Génesis 3:1

Ta scotol ti te'tical chon bolometic ti meltsanatic yu'un Dios ti ja' Ajvalile, oy jcot muc' ta quiletel chon yu'unic ti stuc no'ox oy slo'laob ti sna' c'usi x'utvane, ti xi laj sjac'be ti antse: —Ati xcaltique, ¿mi laj yalboxuc Dios ti mu xu' xalo'beic sat jpetsuc ti te'etic ti li' teq'uel ta ts'unubaltique?

2 Samuel 13:3

Ja'uc ti Amnone oy jun buch'u lec sc'opon sba xchi'uc ti oy sbijil ta ilbajinvanej ti sbiinoj Jonadabe, xnich'on ti Simeae, xchi'il ta voq'uel ti Davide.

2 Reyes 10:19

Ja' yu'un un cha'e, taic talel ta iq'uel scotol yaj'alc'optac ti Baale, ti buch'utic xnijilet xchimiletic ta stojole, xchi'uc ti paleetic yu'une. Mi ja'uc junuc ti buch'u mu xvule, ja' ti chapal xa cu'un ti milbil matanal ta sventa yich'el ta muc' ti Baale. Yan ti buch'u mu xvule, ta xich' milel. Ja' no'ox un, ti Jehue lo'lael ti va'i s'elan xchapanoj leque yo' jech ta stsutsesbe sc'oplal ti buch'utic lec xa'iic spasel stoyel xi'el ti Baale.

Salmos 17:14

Ta sventa ti amuc'ul atsatsal une, Dios, pojun ta yoc ta sc'obic, jipo ya'iic loq'uel ta banomil ti c'alal ja' no'ox yuni rextoic c'otem ti sba banomile. Busuluc no'ox avu'un ti sc'ujlejalique, ac'o ve'uc yuch'ic vo' ta st'imesel ti xch'utique, ti xnich'nabique, ti smamobtaque.

Éxodo 1:10

La' jsa'betic smelolal c'usi ta xcutic yo' jech mu teyuc no'ox yantic ta x'epajic ta jmec. Yu'un mi xlic letoe, xu' chba sco'oltas sjolic xchi'uc ti cajcontratique. Ta stsalotic ta leto. Ja' jech xtoc ta xictaic comel ti jlumaltique.”

Proverbios 12:8

Ta xlequil-c'optaat ti vinic ti bu c'alal c'otem xchi'uc ti snopbenal yu'une, ja'uc ti buch'u mu'yuc lec snopbenal yu'une, xtun o ti chopol c'optabile.

San Mateo 12:32

Buch'uuc no'ox ti chopol ta xc'opojic ta jtojol ti co'ol j'elantique, ta to xch'aybat smul. Ja'uc ti buch'utic chopol ta xc'opojic ta stojol ti Ch'ul Espiritue, mu xch'aybat smul, mi ja'uc li' ta banomile, mi ja'uc ti ta xtale.

San Mateo 17:26

—Ta sc'anbeic ti jnaclejetique —xi laj stac' ti Pedroe. Ti Jesuse xi laj sts'ac batel ti lo'ile: —Jech ma' taje, ma'uc ta stojic patan taq'uin xnich'nab ti ajvalile.

San Lucas 16:10

“Ti buch'u ta slequil yo'nton ta stunes ti c'usi juteb oy yu'une, ta slequil yo'nton xtoc ta stunes ti yepal c'usi oy yu'une. Ja'uc ti buch'u ma'uc ta slequil yo'nton ta stunes ti juteb c'usi oy yu'une, ja' jech xtoc unbi, ma'uc ta slequil yo'nton ta stunes ti c'usi yepal oy yu'une.

San Lucas 16:4

Laj xa jna' c'usi xu' ta jpas yo' oy xu' buch'u ta xiyiq'uic ochel ta yut snaic c'alal ch'abal xa ti cabtele.’

San Lucas 16:7

Xi laj yalbe ti jun xtoque: ‘Ti vo'ote, ¿c'u yepal avil yu'un ti cajvale?’ Xi laj staq'ue: ‘Oy vo'vinic (100) ta bis trigo quil yu'un.’ Xi laj yal ti jbainej abtele: ‘Li' oy svunal avil. Ja' no'ox tsaco chanvinic (80) ta bis.’

San Lucas 18:6

Xi laj sts'ac batel lo'il ti Jesuse: —Laj ava'iic c'usi laj yal ti chopol juez taje.

San Lucas 20:34

Xi laj stac' ti Jesuse: —Ti viniquetique, ti antsetic li' ta banomile, ta xic'an sbaic.

San Lucas 20:35

Ja'uc ti buch'utic oy sc'oplal ta xcha'cuxiic ochel batel ta yan banomile, mu'yuc xa ta xic'an sbaic.

San Juan 12:36

C'otuc ta avo'ntonic ta xch'unel ti saquilal osile yo' to li' va'al ta atojolique, yo' jech ta xac'otic ta yalab xnich'nab ti saquilal osile. C'alal jech laj yale, bat snac' sba ti Jesuse.

1 Corintios 3:18

Mu'yucuc buch'u slo'la sba. Mi oy buch'u bij xa'i sba jech c'u cha'al sbijil ti jnaclej ta banomile, ac'o spas sba ti mu'yuc c'usi sna'e yo' jech ta sta sbijil.

Efesios 5:8

Ta vo'ne ti vo'oxuque, oyoxuc to ox ta ic'al osil ti naca vocol xale. Avi tana li'e, oyoxuc ta saquilal osil ta sventa ti junoxuc xchi'uc ti Cajvaltique. Jech o xal un, ac'beic yipal ta spasel jech c'u cha'al ti buch'utic oy ta saquilal osile.

Filipenses 3:19

Ti jech ta spasique, ch'ayel sq'uelojic batel, yu'un ja' xrioxinojic ti c'usitic lec ta xa'iique. Yu'un xcajet xa'i sbaic xchi'uc ti c'usi ac'o q'uexavuc xchi'uque. Yu'un ja' no'ox c'upil ta xa'iic ti c'usitic oy li' ta sba banomile.

1 Tesalonicenses 5:5

Acotolic ti vo'oxuque oyoxuc xa ta saquilal osil, ta c'ac'altic. Ma'uc xa oyoxuc ta ic'al osil, ta ac'ubaltic.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.