San Lucas 16:3 - Bible in Tzotzil de Chamula

³ Xi laj snop ti j'abtele: ‘¿C'usi xu' ta jpas? yu'un laj xa sjipun loq'uel ta yabtel ti ajvalile. Mu'yuc xa yipal cu'un ta yabtelanel ti banomile. Q'uexlal sba mi ta jc'an limoxnae.

Tzotzil Zinacantan

³ “¿Cꞌusi ta jnop lavi mu xa xiyacꞌbe cabtel li cajvale? Mu xuꞌ cuꞌun li abtele. Chiqꞌuexav noxtoc mi ta jcꞌan limoxnae.

LEQUIL ACH' C'OP

³ “Li martomoe ja' yech isnop chac li'i: ¿C'usi ta jnop lavi mu xa xiyac'be cabtel li cajvale? Mu xu' cu'un chcabtelan li balamile. Chiq'uexav noxtoc mi ta jc'an limoxnae.

Bible in Tzotzil de Chenalhó with Deuterocanon

³ Li jchabinae jech lic snop: ‘¿C'usi ta jpas, yu'un chisloq'uesun ta abtel li cajvale? Mu xu' cu'un chi'abtej ta banamil; chiq'uexov noxtoc me ta jc'an limosnae.

Tzotzil San Andres

³ Li jchabiejnae jech la snop ta yoꞌon: “¿Cꞌuxi chiveꞌ mi chisnuts loqꞌuel li cajvale? Mu xuꞌ cuꞌun abtel. Chiqꞌuexav nojtoc mi chicꞌanolaje.

Tzotzil de Huixtán

³ Ti j'abtele hech lic snop ti yo'nton: “¿C'usi chcut jba yu'un chiloc' ti abtel yu'un ti cajvale? Mu xu' cu'un chi'abtej ti balumil. Chiq'uexav mi ti jc'an paramote.

San Lucas 16:3 Iomraidhean Croise

Ester 6:6

Ti Amane och batel, ti xi jac'bat yu'un ti ajvalile: —¿C'usi sc'an pasel ta stojol ti vinic ti xloc' ta yo'nton ti ajvalil ta xac' ta ich'el ta muq'ue? Xi lic yalbe sba sc'oplal stuc ti Amane: “¿Mi yu'un la oy buch'u yan ta xac' ta ich'el ta muc' ti ajvalile, vu'un ma' taj unbi?”

Proverbios 13:4

Ti c'usi juteb ta yo'nton ta sta ya'i ti uni ch'aje, mi ja'uc ta sta, ja'uc ti buch'u baxbol ta abtele ta sta no'ox ti c'usitic ta xtun yu'une.

Proverbios 15:19

Ti buch'u ch'aj xa'i sbae, oy xch'ixal ta xa'i ti c'usi sc'an pasele; ti buch'u baxbole, jac'al no'ox yo'nton xchi'uc ti c'usi sc'an pasele.

Proverbios 18:9

Slac' xa sbaic ti buch'u ch'aje xchi'uc ti j'ac'vanej ta vocole.

Proverbios 19:15

Li ch'ajilale, naca javetel ta x'ech' xjelav ti c'ac'ale; xmich'mun xch'ut ta vi'nal jujun c'ac'al ma' ti buch'u ch'aje.

Proverbios 20:4

C'alal yorail ta xich' loquel ti banomile, mu sloc banomil ma' ti buch'u ch'aj une; c'alal yorail ta xich' tsobel ti ts'unubale, yo'ntonuc xa ya'i jechuc ec un.

Proverbios 29:21

Ti buch'u sq'ueloj no'ox ti smosov c'alal biq'uit toe, ts'acal to xcha'na' xa liquel un.

Isaías 10:3

¿C'usi ta xavut abaic un, ti c'alal ta xa'ich'bat ave'ique, ti c'alal ta xavilic ti le' xa xtal ti tsitsele? ¿Buch'u ta xbat atijbeic sjol ta sc'anel ti pojele? ¿Bu ta xavaq'uic comel ti ac'ulejalic une?

Jeremías 5:31

Ti c'usi ta scaj'alic ti j'alc'opetique, naca jutbil. Ti paleetique, ja' no'ox yac'ojbeic yipal ta spasel mantal ti c'usi xloc' venta ta xa'iique. Loc' ta sa'el avu'un le' une, cuni lumal. Xcaltic taj une, ¿c'usi ta xapasic xana' mi c'ot ti yorail une?’ ”

Oseas 9:5

¿C'usi xu' ta xapasic c'alal ta xc'ot sc'ac'alil yorail ti q'uine, ti ja' jun q'uin sventa stoyel xi'el ti Diose?

San Mateo 20:8

“C'alal mal ti c'ac'ale, ti ajvalile xi laj yalbe ya'i ti buch'u yich'oj ta sventa ti abtele: ‘Ic'o talel scotol ti caj'abteltaque, ac'bo stojolic. Ja' ba'yel xlic atoj ti buch'u ts'acal xa och ta abtele. Ja' jech s'elan xcholet ta xatoj ti caj'abteltaque yo' slajeb xa ta xich' stojolic ti buch'utic ba'yel ochic ta abtele.’

Marcos 10:46

C'otic ta jteclum Jericó. Loq'uic batel ta sti'il jteclum ti Jesuse, xchi'uc ti yajchanc'optaque xchi'uc ti epal jnaclejetique. Oy jun ma'sat chotol ta ti' be, ta sc'an limoxna, ti Bartimeo sbie, xnich'on ti Timeoe.

San Lucas 12:17

‘¿C'usi xu' ta jpas? Mu'yuc xa yavil bu xu' ta jq'uej ti c'usi oy cu'une’, xi laj snop ti jc'uleje.

San Lucas 16:2

Ti ajvalile tavan ta iq'uel ti xi laj yalbee: ‘¿C'u cha'al jech ta xca'i ac'oplal taje? Chapanbun talel scotol ti c'usitic avich'oj ta aventae, yu'un mu xa xcac' abain ti c'usi x'ayan cu'une.’

San Lucas 16:20

Oy jun vinic xtoc abol sba, Lázaro ti sbie. Oy xchamel ti noj ta yayijemal ti sbec'tale. Xchotet ta sti' sna ti jc'uleje.

San Lucas 16:22

Ti buch'u abol sbae, sta sc'ac'alil cham, iq'ue batel yu'un anjeletic yo' chba xchi'in sbaic xchi'uc ti Abraham ti oy ta lequilale. Jech ti jc'uleje cham ec, laj yich' muquel.

San Lucas 16:4

Laj xa jna' c'usi xu' ta jpas yo' oy xu' buch'u ta xiyiq'uic ochel ta yut snaic c'alal ch'abal xa ti cabtele.’

San Lucas 18:4

Ti jueze ep c'ac'al mu'yuc laj yac' ta venta sc'op ti ants yo' ta xchapane. Ta ts'acal to xi laj snope: ‘Ac'o mi mu xi'ta ti Diose, mi ja'uc ta xi'ta ti jnaclejetic ta banomile,

San Juan 9:8

Xi ta sjac'olanbe sba ti slac'nataque xchi'uc ti buch'utic yilojic ono'ox ta sc'an limoxnae: —¿Mi mu ja'uc ti vinic le'e, ti xchotet ta sc'anel limuxnae?

Hechos 3:2

Ta sti' ti ch'ulna taje jujun c'ac'al ta xchotan sba jun vinic ti coxov ono'ox voq'ue. Ta xaq'uic comel ta sti' ti sbiinoj Alac' sbae yo' ta sc'anbe limoxna ti buch'u ta x'och batel ti bu taje.

Hechos 9:6

Xi laj sjac' c'alal xnicnun xa ta xi'el ti Sauloe: —¿C'usi ta xac'an ta jpas, Cajval? Xi albat yu'un ti Cajaltique: —Lican, ochan batel ta jteclum. Ti bu taje ta xa'albat ava'i ti c'usi stac' ta xapase.

2 Tesalonicenses 3:11

Yu'un oy bu laj ca'icutic sc'oplal ti oy jlom avu'unic ti ja' xa no'ox ti bu xva'vunet ta x'ech' yu'un ti c'ac'ale, mu'yuc ta x'abtej, ti sujoj sba yilel ti oy c'usi ta spas c'alal jeche' no'ox x'ech' yu'un ti c'ac'ale.