San Lucas 16:21 - Bible in Tzotzil de Chamula

²¹ Ti abol sba vinic taje, ta sc'an ta slajes ya'i ti c'usitic ta xbaj yalel ta sti'il xmexa ti jc'uleje. Ja' no'ox ta xtal lec'batuc ta ts'i'etic ti syayijemale.

Tzotzil Zinacantan

²¹ Ti jcꞌanlimoxnae yoꞌonuc ba stam ti cꞌusitic chlaj pꞌajuc ta yolon smexa ti jcꞌuleje, pero muc xꞌacꞌbat stam. Ta xleqꞌue ta tsꞌiꞌ noxtoc, jaꞌ ti balbil ta chine.

LEQUIL ACH' C'OP

²¹ Li me'one yo'onuc ba stam slajes ti c'usitic chlaj p'ajuc ta yolon smexa ti jc'uleje; xchi'uc noxtoc ta xlec'bat ta ts'i' li sc'a'emaltac li xchinale.

Bible in Tzotzil de Chenalhó with Deuterocanon

²¹ Li Lazaroe chac ac'batuc sve' ya'ay li c'usitic chbaj yalel ta yolon xmexa li jc'ulej vinique. Pero ja' no'ox te chtal lec'batuc ta ts'i'etic li sc'a'emale.

Tzotzil San Andres

²¹ Li Lázaroe chac sveꞌ li cꞌustic ta stsꞌuj yalel ta yolon smexa li jcꞌulej vinique, pero mu xꞌacꞌbat. Li bu cꞌaꞌem li sbecꞌtale te ta xlecꞌulanbat ta tsꞌiꞌetic.

Tzotzil de Huixtán

²¹ Ti Lázaroe ja' tsc'an tstam sve' ti xch'uch'ulel vaj ti te p'ajem ti yolon smesa ti jc'ulej vinique. Muc x'ac'bat stam. Ti bu yajeme te yac'oj sba chlecat yu'un ts'i'.

San Lucas 16:21 Iomraidhean Croise

San Mateo 15:27

Xi laj yal ti antse: —Jech xaval ava'uc, Cajval, ja'uc ti ts'i'etique ta stambeic xch'uch'ulil yot yajval ti ta xbaj ta ba mexae.

Marcos 7:28

Xi laj stac' ti antse: —Jech xaval ava'uc unbi, Cajval, ti ts'i'etique ta stamic xch'uch'ulil sve'el ti alanich'biletic ti bu ta xbaj yalel ta yolon mexae.

San Lucas 16:20

Oy jun vinic xtoc abol sba, Lázaro ti sbie. Oy xchamel ti noj ta yayijemal ti sbec'tale. Xchotet ta sti' sna ti jc'uleje.

San Lucas 16:22

Ti buch'u abol sbae, sta sc'ac'alil cham, iq'ue batel yu'un anjeletic yo' chba xchi'in sbaic xchi'uc ti Abraham ti oy ta lequilale. Jech ti jc'uleje cham ec, laj yich' muquel.

San Juan 6:12

C'alal laj yac'beic bu xa c'alal xal ti yo'ntonique, ti Jesuse xi laj yalbe ti yajchanc'optaque: —Tsobic ti scomelale yo' mu jeche'uc no'ox ta x'ixtolaj.

1 Corintios 4:11

Jech to staoj yav avi tana li'e, oy jvocolcutic ta vi'nal, ta taqui ti'il, Ch'abal lec jc'u'cutic. Ilbajinbiluncutic yu'un ti jnaclejetic ta banomile. Ch'abal jnacutic.

2 Corintios 11:27

Yepal no'ox jvocol quiloj yu'un ti cabtele. Yepal no'ox mu'yuc vayel cu'un. Yepal laj ca'i vi'nal xchi'uc taqui ti'il. Oy bu mu'yuc ve'el yu'un ti cabtele. Quich'oj vocol ta sts'iquel sic, ta scoj ti ch'abal jc'u'e.