San Lucas 16:15 - Bible in Tzotzil de Chamula

¹⁵ Ti Jesuse xi laj yalbee: —Ti vo'oxuque jun xa yutsil ta xapas abaic ta stojol ti buch'uuc no'oxe. Ti Diose yiloj avo'ntonic c'u s'elan. Na'o abaic un, ti c'usi xatoyet xchi'uc ta stojol ti buch'uuc no'oxe, mu lecuc ta xil ti Diose.

Tzotzil Zinacantan

¹⁵ Iꞌalbatic la yuꞌun ti Jesuse: ―Li voꞌoxuque toj lec yilel avoꞌonic pero ti Rioxe yiloj cꞌu xꞌelan lavoꞌonique. Ti muchꞌutic chacꞌ sbaic ta ichꞌel ta muqꞌue, chopol ch-ileic yuꞌun ti Rioxe.

LEQUIL ACH' C'OP

¹⁵ I'albatic yu'un ti Jesuse: «Li vo'oxuque toj lecoxuc yilel ta sba ta sat li crixchanoetique, pero ti Rioxe yiloj c'u x'elan lavo'onique; yu'un ti much'utic chac' sbaic ta ich'el ta muc' ta stojol li crixchanoetique, ja' mu c'u stu ch-ileic yu'un ti Rioxe.

Bible in Tzotzil de Chenalhó with Deuterocanon

¹⁵ Li Jesuse jech laj yalbe: “Li vo'oxuque chavaq'uic ta ilel ta stojol cristianoetic ti tuc' avo'nton avalojique, pero li Diose xotquin li avo'ntonique. Yu'un li boch'o chac' sba ta ich'el ta muc' ta stojol cristianoetique ja' mu'yuc stu ta stojol li Diose.

Tzotzil San Andres

¹⁵ Li Jesuse jech laj yalbe: ―Ta stojol li crixchanoetique chavaqꞌuic ta ilel ti tucꞌ avoꞌonic ti avalojique. Li Diose snaꞌ ti muc bu lec la avoꞌonique. Yuꞌun li buchꞌu ta xacꞌ sba ta ichꞌel ta mucꞌ ta stojol li crixchanoetique, jaꞌ muc bu lec ta xꞌile yuꞌun li Diose.

Tzotzil de Huixtán

¹⁵ Ti Jesuse hech lic yalbe: ―Ti stojol crixchanoetic chavaq'uic ti q'uelel ti toj avo'ntonic chacuy abaic. Ti Diose sna' ti mu xtun ti avo'ntonique. Yu'un ti much'u chac' sba ti pasel ti muc' ti stojol crixchanoetic, ja' mu xtun chil ti Diose.

San Lucas 16:15 Iomraidhean Croise

1 Crónicas 29:17

Jna' lec ti Diosote, xavil xavojtiquin lec ti snopobile, ti lec ta xava'i ti oyuc smelol stuq'uile. Jech o xal un, ta stuq'uil jol co'nton, laj cac'bot ta atojol scotol li'e. Avi tana une, quiloj ta jba ta jsat ti xmuyubajic no'ox ti ateclumal li' tsobolic laj yaq'uic ti matanaletic ta yutsil slequil yo'ntonique.

2 Crónicas 6:30

ta vinajeluc to ti bu nacalote, a'yibo talel ti sc'opojel sti'inelique, ti ch'aybil c'otuc ti smul scolo'ique, ti stojuc jujun avu'un ti c'u s'elan stamojic batele, ti vo'ot no'ox xavojtiquin c'u s'elan ta snop ti ta yo'nton xnich'nab ti viniquetique.

Salmos 10:3

Ti buch'u mu'yuc xch'ulel xa'i sbae, chi' xa no'ox ta xa'i ta yac'bel sba c'usi ta sc'an ti yo'ntone; ti bic'tajem yo'nton yu'un ti c'usi ta sc'ane, ta sbis ta cotol chaval, ta sjip ta sten ti Diose.

Salmos 49:13

Jech ta xc'ot ta stsutsel ti buch'u mu xcham ta xalbe sbae; jech ta xc'ot ta stsutsel ti buch'u ta xac' sba ta ich'el ta muq'ue.

Salmos 49:18

Manchuc mi xmuyubaj laj ya'i ti cuxul to oxe, ti ich'bil ta muc' yu'un jnaclejetic ti jc'ulej xa'i sbae,

Salmos 7:9

Dios ti oy avutsilale, ti chajal aba asat ta yilel ti c'usi ta xich' nopele, ti c'usi xa slo'il xmaxil ti yut o'ntonale, c'otuc ta tubbel avu'un xchopolalic ti buch'u mu'yuc xch'ulel xa'i sbaique. Jun yo'nton oyuc avu'un ti buch'u oy stuq'uil yutsilale.

Proverbios 16:5

Ti Diose mu ts'icbaj ta xa'i ti jtoyobbaetique; mu'yuc bu xbat ta jelavel ti c'usi ora sta ta xich' ti tsitsele.

Proverbios 20:6

Yepal no'ox ta sbis sbaic ma' ti oy stuq'uil yalojique, mi junuc oy buch'u stac' patel o'ntonal ta stojol.

Proverbios 21:2

Scotol lec yilel c'usi stamoj ta spasel ti vinique, Dios xojtiquin un c'u s'elan ti o'ntonale.

Jeremías 17:10

C'alal ta jt'un lec ti vu'un Diosune, chajal ta jba ta jsat bu c'alal c'otem ta snopel ti c'usi ta sc'an ti o'ntonale. Jujun ta xcac'be stoj c'u s'elan sta o ta xich' ta sventa ti c'usi loc' ta sa'el yu'une.”

Malaquías 3:15

Quilojtic lec ta jba ta jsatic ti xmuyubajic no'ox ti buch'utic jtoyobbaetique. Ja' jech no'ox xtoc, ti buch'utic mu'yuc xch'ulel xa'i sbaique, lec ti c'usi ta staique. Ja' jech no'ox xtoc, ti buch'utic ta slajeltsabeic yo'nton ti Diose, mi ja'uc jutebuc ta x'ac'bat stojic.’ ”

San Mateo 23:5

Ta spasic scotol jech taje yo' ta staic ti lec ta x'ilatic yu'un ti yane. Yu'un lec ta xa'iic ti chucajtic ta sti'baic ta sc'obic ti smantal Dios ts'ibabil ta jamal poq'ue, xchi'uc lec nat ta slap ti sc'u'ic ti oy stsitsimaltaque.

San Mateo 6:16

“C'alal ta xacomtsan avotique, mu xavaq'uic ta ilel ti oyoxuc xa ta at o'nton jech c'u cha'al ta spasic ti buch'u ta spac'ta sbaic yo' ta x'ilatic yu'un yan ti yictaoj yotique. Melel ta xcalboxuc ava'iic, ja' no'ox jech yepal laj sta ti smotonique.

San Mateo 6:2

“C'alal ta xacolta ti buch'u abol sbaique, mu xavinajes ta stojol yan jech c'u cha'al ta spasic ta ch'ulna, mi ta bebetic ti jpac'taejbailetique, yo' jech ta xlequil-c'oplaltaatic yu'un ti yane. Ta xcalboxuc ava'iic, ja' no'ox jech yepal laj sta ti smotonique.

San Mateo 6:5

“C'alal ta xac'opoj xati'ine, mu jechuc xapas jech c'u cha'al ti buch'u ta spac'ta sbaique, ti lec xa'iic va'ajtic ta xc'opoj xti'inic ta ch'ul naetic, ta jujun xuc'avtac ti bu xvolvun ti jxanbile yo' jech ta x'ilatic yu'un ti yane. Ta melel xcalboxuc ava'iic, ja' no'ox jech yepal laj sta ti smotonique.

San Lucas 10:29

Ja'uc ti jchanubtasvanej yu'un ti oy c'usi tsots albil sc'oplale, ta spoj sba ya'i ti xi laj yalbe ti Jesuse: —¿Buch'u van xcal ti jchi'il taje?

San Lucas 11:39

Ja'uc ti Jesuse xi laj yale: —Ti fariseoxuque, lec xava'iic ta suq'uel ti avasuic ta spat xocone xchi'uc ti asetsique. Ja'uc ta yut une, nojem ta spasel ti c'usi chopole xchi'uc ti elec'ale.

San Lucas 18:11

Ti fariseoe xi ta xal ti va'al ta xc'opoj xti'ine: ‘Colavalbun, Ch'ul Dios, ti mu jechuc j'elan jech c'u cha'al ti yane, ti ta x'elc'ajique, ti mu'yuc xch'ulel xa'i sbaique, ti jsa'muliletique. Mi ja'uc jutebuc jech j'elan jech c'u cha'al ti jc'an-patan-taq'uin li'e.

San Lucas 18:14

Melel ta xcalboxuc ava'iic, c'alal sut batel ta sna ti jc'an-patan-taq'uine, lec xa x'ilat yu'un ti Diose. Ja'uc ti fariseoe mu'yuc bu laj sta ti lec x'ilat yu'un ti Diose. Yu'un ti buch'u cajal ta xac' sbae, ta spec'tsanat. Ti buch'u biq'uit ta xac' sbae, ta x'aq'ue ta ich'el ta muc'.

San Lucas 18:21

Xi laj stac' ti vinique: —Ta jbic'tal ono'ox laj jch'un ta spasel talel scotol ti mantaletic taje.

San Lucas 18:9

Ti Jesuse xi laj yalbe ya'i jun babac'op ti buch'utic oy slequil stuq'uilic ti yalojique, ti ta snopic ti mu'yuc slequil stuq'uil ti yane:

San Lucas 20:20

Laj staquic batel jpa'ivanejetic ti lec yo'ntonic yilele yo' jech ta stabeic mi oy c'usi chopol ta xloc' ta ye jbeluc ti Jesuse, yo' xu' ta xaq'uic batel ta sc'ob ti ajvalile.

San Lucas 20:47

Naca spojbel no'ox yu'unic sna ti me'lal antsetique. Yo' mu xvinaj ti jech ta spasique, jal ta xc'opoj xti'inic. Taje, tsots ta xich'ic tsitsel.

San Juan 2:25

Ma'uc to sc'an ti oy buch'u ta x'albun c'u s'elan ta snop ti jnaclejetic ta banomile, yu'un sna'be c'u s'elan yo'nton ti buch'uuc no'oxe.

San Juan 21:17

Xi laj sjac' ta yoxcojal ti Jesuse: —Simón, xnich'onot ti Jonase, ¿mi c'ux ta xava'iun ta avo'nton? At o'nton xa oy ti Pedroe, yu'un yoxcojal xa albat, ¿mi c'ux ta xava'iun ta avo'nton? ti x'utee. Xi laj yal ti Pedroe: —Cajval, ana'oj scotol. Xana' lec ti c'ux ta xca'iot ta co'ntone. Xi laj yal ti Jesuse: —Mi jech c'uxun ta avo'ntone, q'uelbun tuc'ulanbun ti jchijtac un cha'e.

Hechos 1:18

Laj sman o jsep yosil xchi'uc ti taq'uin ta scoj ti c'usi chopol laj spase. Ta jech yepal pajal sjol baj yalel, toj lilijel c'ot, tanij scotol ti sbel xch'ute.

Hechos 1:24

Xi c'opoj ti'inique: —Cajval, xavojtiquinanbe yo'nton scotol. Ac'bun quilcutic buch'u junucal laj at'uj ti cha'vo'ic li'e

Hechos 15:8

Ti xojtiquin lec o'ntonal ti Diose, laj yac' ta ilel ti lec ta xil ti jyanlumetique, yu'un laj yac'be yich' ti Ch'ul Espíritu jech c'u cha'al laj yac'botique.

Romanos 3:20

Mu'yuc buch'u junucal ta sta ti lec x'ile yu'un Dios ta sventa ti oy c'usi tsots albil sc'oplale. Yu'un ti oy c'usi tsots albil sc'oplale, c'ajomal no'ox ta xac' ta na'el ti jsa'mulilotique.

Romanos 8:27

Ti Dios ti yiloj co'ntontique, ta sna' lec ti c'usi ta sc'an ti Ch'ul Espíritue, yu'un ti Ch'ul Espíritue ja' ta sc'an ti c'usi oy ta yo'nton Dios ta sventa ti yu'untaque.

1 Corintios 4:5

Ja' yu'un un cha'e, ma'uc ti xacajchapanbe xa sc'oplal ti yane. Mala avilic ora ti ja' ta xchapan stuc ti Cajvaltic ti c'alal ta xvul ta loq'uele. Ta svinajes ta saquil osil ti c'usi mucule. Ti Cajvaltique ta xac' ta ojtiquinel c'u s'elan oy ta yut yo'ntonic ti jujune. Ta xac' ta q'uelel c'u s'elan ta x'ileic yu'un Dios ta jujun tal.

1 Pedro 3:4

Ti c'upil abaic ta q'uelele, ti mu xtub xlaj sc'oplale, ja' ti slequil yutsil avo'ntonic ti ayanem talel ta yutile, ti lamajem avo'ntonique, ti mu'yuc c'usi xal avo'ntonique. Ti jech avutsilic taje, ja' tsots sc'oplal ta xil ta sba ta sat ti Diose.

1 Pedro 5:5

Ja' jechoxuc ec, queremetic, ch'unbeic smantal ti buch'utic yich'oj yabtelic ta atojolique. Nijano chimano abaic ti jujunoxuque. Jmojuc avo'ntonic acotolic, yu'un xi ta xal ti ch'ul c'ope: “Ti Diose ta scontrain ti buch'u toyobba xa'i sbaique. Ta yutsil slequil yo'nton ta scolta ti buch'utic biq'uit ta xac' sbaique.”

Apocalipsis 2:23

Yalabtac xtoc ti antse, ta jtubbe sc'oplal. Ta xlic sna'ic scotol ti jch'unolajeletic unbi, ti xcojtiquin c'u s'elan ta snop ti o'ntonale, xchi'uc acotolic ta xcac' atojic ti c'u s'elan laj apasic ti jujunoxuque.

1 Samuel 16:7

Ja'uc le'e, xi albat yu'un ti Diose: “Ma'uc xbat asat yu'un ta sq'uelel ti c'u s'elane, ti ja' xa sva'leb o yilele. Ma'uc tsots sc'oplal ta xca'i yu'un le'e. Ti viniquetique ja' no'ox ta sq'uel ti c'u s'elan ta ilel ti stalele. Ja'uc ti vu'une ja' ta jq'uel ti c'u s'elan ti yo'ntone.”