San Lucas 16:13 - Bible in Tzotzil de Chamula

¹³ Mu'yuc buch'u stac' ta x'abtej ta stojol cha'vo' ajvalil. Jun lec ta xc'uxubij, jun mu lecuc ta xil. Jun lec ta x'abtej ta stojol, jun ta stoy sba ta stojol. Ja' jech ti vo'oxuque, mu xu' xavac' abaic ta tunel yu'un Dios c'alal mi ja' batem avo'ntonic ti taq'uine.”

Tzotzil Zinacantan

¹³ ’Coꞌol xchiꞌuc jun mozoil ti mu xuꞌ chaꞌvoꞌ yajvale. Mi chaꞌvoꞌ yajvale, li june chopol chil; li june lec chil. Li june yichꞌoj ta mucꞌ; li june mu xichꞌ ta mucꞌ. Jaꞌ noꞌox yech mu xuꞌ chatunic yuꞌun Riox mi jaꞌ noꞌox ta avoꞌonic li taqꞌuine ―xꞌutatic la yuꞌun ti Jesuse.

LEQUIL ACH' C'OP

¹³ »Mi junuc mozoil mu xu' chtun yu'un cha'vo' ajvalil; yu'un li june chopol chil, li june lec chil, li june yich'oj ta muc', li june mu xich' ta muc'. Ja' no'ox yech mu xu' chatunic yu'un Riox mi ja' no'ox batem ta avo'onic sa'el li ac'ulejalique.» ―X'utatic yu'un ti Jesuse.

Bible in Tzotzil de Chenalhó with Deuterocanon

¹³ “Me junuc mozo mu xu' yu'un chtun ta chib yajval. Yu'un xu' chopol chil li june; xu' ja' lec chil li yane. Xu' ja' lec chich' ta muc' li june; xu' ja' mu xich' ta muc' li yane. Ja' jech mu xu' chatunic yu'un Dios me ja' batem avo'ntonic yu'un li taq'uine”, xi li Jesuse.

Tzotzil San Andres

¹³ ’Jech chac cꞌu chaꞌal jun jtunel ti mu stacꞌ ti chaꞌvoꞌ yajvale. Ti chaꞌvoꞌuc yajvale, li june chopol chil; li june lec chil. Lec ta xtun yuꞌun li june; jaꞌ mu xtun yuꞌun li june. Jaꞌ noꞌox jech eꞌuc li joꞌoxuque, mu xuꞌ chatunic yuꞌun Dios mi jaꞌ noj batem ta avoꞌonic la ataqꞌuinique ―xi li Jesuse.

Tzotzil de Huixtán

¹³ ’Mu xtun mi oy cha'vo' avajval. Ti june chavilinta. Ti yane ja' chac'uxubin. Jun no'ox avo'nton ti stojol ti june; mu xtun chavil ti yane. Mu xu' chatun yu'un ti Diose xchi'uc ti c'utic oy avu'un li' ti balumile ―xchi ti Jesuse.

San Lucas 16:13 Iomraidhean Croise

San Mateo 4:10

Ti Jesuse xi laj stac'bee: —Batan, Pucuj, ti sc'op Diose xi ta xale: ‘Ich'o ta muc' ti Ajvalil Dios avu'une, ac'o aba ta tunel yu'un.’

San Mateo 6:24

“Mu'yuc buch'u xu' ta xac' sba ta tunel ta cha'vo' ajvalil. Mu lecuc ta xil ti june, xc'uxubinoj ti june. Jun yo'nton ta stojolal ti june, sjipoj stenoj ti june. Mu stac' ta xatunic yu'un ti Dios ti mi ja' batem avo'ntonic yu'un ti taq'uine.

San Lucas 11:23

“Buch'uuc no'ox ti mu lecuc ta xil ti c'usi ta jpase, ta xiscontrainun. Ti buch'u mu xiscolta ta stsobele, ja' no'ox ta stani batel.

San Lucas 14:26

—Mi oy buch'u sc'an ta xistsacliun ya'i, mi mu xtuch' comel ta yo'nton ti stote, ti sme'e, ti yajnile, ti xnich'nabtaque, ti xchi'iltac ta voq'uele, ti yixleltaque, xchi'uc ti xcuxlejal stuque, mu xu' ta x'och ta cajchanc'op.

San Lucas 16:12

Mi mu ta slequiluc avo'ntonic ta xatunes ti ma'uc avu'unique, ¿buch'u ta xayac'boxuc avich'ic ti c'usi ja' avu'un atuquique?

San Lucas 16:9

“Ta xcalboxuc ava'iic, tunesic ti c'usi oy avu'unic li' ta banomil ti sna' xlaje yo' jech ta xnopaj tal avu'unic ti yane. Yu'un c'alal ta xlaj sc'oplal ti c'usitic ta xatunesique, oy buch'u xmuyubaj xa ta xayic'oxuc ochel ta naclej sbatel osil.

San Lucas 9:50

Xi laj stac' ti Jesuse: —Mu xapajtsanic, yu'un ti buch'u mu xiscontrainotique, ja' jchi'iltic ta abtel.

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

Josué 24:15

Ti mi mu xac'an xavac' abaic ta tunel yu'un ti Diose, xi nopic lec avie ti buch'u junucal ta xbat avac' abaic ta tunel ta stojole: ¿Mi ja' ta xac'an ta xavac' abaic ta tunel yu'un ti diosetic ti laj yich'ic ta muc' ti amolmuc'totic ti oyic to ox ta sti'il uc'um Eufratese? ¿Mi ja' ta xac'an ta xavich'ic ta muc' ti diosetic yu'un ti amorreoetic ti nacalic ta banomil li'e? Ja'uc ti vu'une xchi'uc ti calab jnich'nabe, ja' teq'uel ta xc'ot ta co'nton ti ta xcac' jbacutic ta tunel ta stojol ti Diose.