San Lucas 16:10 - Bible in Tzotzil de Chamula

¹⁰ “Ti buch'u ta slequil yo'nton ta stunes ti c'usi juteb oy yu'une, ta slequil yo'nton xtoc ta stunes ti yepal c'usi oy yu'une. Ja'uc ti buch'u ma'uc ta slequil yo'nton ta stunes ti juteb c'usi oy yu'une, ja' jech xtoc unbi, ma'uc ta slequil yo'nton ta stunes ti c'usi yepal oy yu'une.

Tzotzil Zinacantan

¹⁰ ’Li muchꞌu xchabiluj yuꞌun li cꞌusi jutuc acꞌbil xchabie, jaꞌ noꞌox yech xchabiluj yuꞌun li cꞌusi epe. Yan li muchꞌu mu xchabiluj yuꞌun li cꞌusi jutuque, jaꞌ noꞌox yech mu xchabiluj yuꞌun li cꞌusi epe.

LEQUIL ACH' C'OP

¹⁰ »Ti much'u sna' lec scuentainel li c'u yunen epal oy yu'une, ja' no'ox yech sna' lec scuentainel ti c'alal ch-ac'bat epe; ti much'u mu sna' scuentainel lec ti c'u yunen epal oy yu'une, ja no'ox yech mu sna' scuentainel lec c'alal ep ch-ac'bate.

Bible in Tzotzil de Chenalhó with Deuterocanon

¹⁰ “Li boch'o lec xtojob ta sventainel li c'usi mu'yuc tsots sc'oplale, ja' no'ox jech lec xtojob ta sventainel noxtoc li c'usi tsots sc'oplale. Yan li boch'o mu xtojob ta sventainel c'usi mu'yuc tsots sc'oplale, ja' no'ox jech mu xtojob ta sventainel li c'usi tsots sc'oplale.

Tzotzil San Andres

¹⁰ ’Li buchꞌu lec ta schabi li cꞌusi ti jutuc noꞌox acꞌbil sventaine, jaꞌ noꞌox jech lec ta schabi mi ep li cꞌusi acꞌbil sventaine. Yan li buchꞌu mu schabi li cꞌusi acꞌbil sventain ti jutuc noꞌoxe, jaꞌ noꞌox jech eꞌuc mu schabi mi acꞌbil sventain epe.

Tzotzil de Huixtán

¹⁰ ’Ti much'u jun yo'nton tsventain ti bu mu tsotsuc sc'opilale, ja' no'ox hech uc jun yo'nton tsventain ti bu tsots sc'opilale. Ja'uc ti much'u mu junuc yo'nton tsventain ti bu mu tsotsuc sc'opilale, ja' no'ox hech uc mu junuc yo'nton tsventain ti bu tsots sc'opilale.

San Lucas 16:10 Iomraidhean Croise

San Mateo 24:45

“Ti buch'u lequil j'abtele, ta sts'etan xchiquin ta ya'yiel ti ta x'ac'bat sventain comel sna ti yajvale yo' jech ta xac'be sve'el ti xchi'iltac c'alal ta sta yorail ta xve'ique,

San Mateo 25:21

Ti ajvalile xi laj yale: ‘Lec oy. Lequil j'abtelot. Lec laj aventain ti juteb laj cac'bot comele. Jech o xal yepal to ta xcac'bot aventain. Muyubajan, ochan talel ta jtojol.’

San Mateo 25:23

Ti ajvalile xi laj yale: ‘Lec oy. Lequil j'abtelot. Lec laj aventain ti juteb laj cac'bot comele. Yepal to ta xcac'bot aventain. Muyubajan, ochan talel ta jtojol.’

San Lucas 19:17

Xi laj stac' ti ajvalile: ‘Lec oy, ja' jun lequil j'abtelot. Ti ta slequil avo'nton laj aventain ti jutebe, ta xa'och ta ajvalil cu'un, ta xaventain lajuneb jteclum.’

San Juan 12:6

Ti jech laj yal ti Judas taje, ma'uc oy ta yo'nton ti buch'u abol sbaique, yu'un j'elec' xa'i sba, xchi'uc oy ta yoc ta sc'ob ti yavil taq'uine, yu'un ta stam loq'uel ti taq'uin ti buch'u ta xaq'uique.

San Juan 13:2

Ti jech yorail xa ta xve'ique, tijbat yo'nton yu'un pucuj ti Judas Iscariotee, xnich'on ti Simone, ti ta xac' ta c'abal ti Jesuse.

San Juan 13:27

C'alal laj stsac pan ti Judase, ta jech yepal ventainbat yo'nton yu'un ti pucuje. Xi albat yu'un ti Jesuse: —Paso me xch'a ti c'usi ta xapas ono'oxe.

Hebreos 3:2

Ti Jesuse, jun yo'nton ta stojol Dios ti Buch'u laj yac'be ti yabtele jech c'u cha'al ti Moisese, jun yo'nton laj sventain scotol ti c'usitic x'ayan ta sna ti Diose.