San Lucas 15:13 - Bible in Tzotzil de Chamula

¹³ Ti its'inale mu xa jaluc c'ac'al jalij. Lic xchon ti xrexto c'u yepal ac'bat yu'un ti stote. Ti taq'uin laj yich'e, bat slajes ta yan muc'tiquil lum ti bu laj yixtolan ta slajesele, ti laj yac'be sba c'usi xa sc'an ti yo'ntone.

Tzotzil Zinacantan

¹³ Ti cꞌalal ilaj xaꞌox jayib cꞌacꞌale, li itsꞌinale istsob scotol ti cꞌusitic iꞌacꞌbate. Ti cꞌalal laj stsobe, jaꞌo ibat ta nom. Tey ba yixtalan ti cꞌusitic iꞌacꞌbate. Ispas ti cꞌusi noꞌox xal yoꞌon stuque.

LEQUIL ACH' C'OP

¹³ Ti c'alal ilaj xa'ox jayib c'ac'ale, li its'inale istsob scotol ti c'usitic i'ac'bate, ti c'alal laj stsobe, ja'o ibat ta nom, tey ba yixtalan ti c'usitic i'ac'bate, ispas ti c'usi no'ox xal yo'on stuque.

Bible in Tzotzil de Chenalhó with Deuterocanon

¹³ Ibat no'ox jayibuc c'ac'al, li its'inale la stsob scotol li c'usitic oy yu'une; iloc' batel ta nom, ibat ta yan banamil. Te c'ot slajes scotol li c'usitic oy yu'une. Solel ich'ay o batel xchi'uc.

Tzotzil San Andres

¹³ Cꞌalal iꞌechꞌ chib oxib cꞌacꞌale, li itsꞌinale la stsob scotol li cꞌustic oy yuꞌune, ilocꞌ batel, ibat ta yan o balumil. Te la slajes scotol li cꞌustic oy yuꞌune yuꞌun jaꞌ ibat ta yoꞌon li cꞌustic ta scꞌan yoꞌone.

Tzotzil de Huixtán

¹³ C'alal i'ech' chib oxib c'ac'al, patil ti its'inale lic stsob scotol ti c'usi oy yu'une, hech yu'un iloc' batel, ibat ti yan balumil. Te c'ot yixtan scotol ti c'utic oy yu'une yu'un te ibat yo'nton ti c'uc no'ox muliletic.

San Lucas 15:13 Iomraidhean Croise

Salmos 73:27

Ti buch'u ta xnamaj ta atojol une, ta xchamic; ta xatubbe sc'oplal ti buch'u mu junuc yo'nton ta atojole.

Proverbios 18:9

Slac' xa sbaic ti buch'u ch'aje xchi'uc ti j'ac'vanej ta vocole.

Proverbios 21:17

Ti buch'u ta xac'be sba c'usi xal ti yo'ntone, ti xyal o ta uch'ubajele, ti xjiq'uet ta muil poxil ta xanave, ta xc'ot ta me'un mu'nat xchi'uc.

Proverbios 21:20

Ta sna ti buch'u oy sbijile, oy sc'ulejal, oy muil poxiletic yu'un; ti c'u yepal oy yu'un ti buch'u mu'yuc xch'ulel xa'i sbae, naca xlaj no'ox yu'un scotol.

Proverbios 27:8

Ti buch'u loc' xa batel ta nom ti bu voq'ue, co'ol s'elan jcot mut yictaoj comel ti stase.

Proverbios 28:7

Ti buch'u ta xc'ot ta pasel yu'un ti oy c'usi jbel albil yu'un ti Diose, bijil nich'onil unbi; ti buch'utic jmoj xvolet xchi'uc ti jve'el j'uch' ometique, ta xac' ta q'uexlal ti stote.

Proverbios 29:3

Ti bijil nich'onile, xmuyubaj no'ox yu'un ti stote; ti buch'u xlotet xchi'uc ants sna' sbolomalin sbae, ta xixlan staq'uin.

Proverbios 6:26

Ta juteb no'ox ve'lil, ta sbolomalin sba ti antse, ja'uc ti ants oy yajval sna' xac' sbae, oy ta yo'nton ta xu'ninbe yo'nton ti buch'u xloc' venta ta xile.

Isaías 1:4

Mu xa ono'ox cha'bel un, jsa'mulil jnaclejetic, yalab xnich'nab jchopol joletic, jsoquemal jolil nich'nabiletic. Laj anamajes abaic ta stojol ti Ajvalile, laj aq'uej abaic, laj atenic comel ti Ch'ul Dios yu'un ti Israele.

Isaías 22:13

Ja'uc ti vo'oxuc une, batem avo'ntonic ta muyubajel, ta sq'uelel ti c'usitic xbat o'ntonal yu'une, ta smilel ti vacaxe, ti chije, ti yacaloxuc ta sti'el ti beq'uete, ta yuch'el ti vinoe, ti xi ta xavalbe abaique: “Ve'cutic, cuch'tic vo', yu'un chamem lajemotic xa ox ti oc'ome.”

Isaías 30:11

Ictaic ti bu lec atamojique. Valopatinic comel ti tuq'uil bee. Laj c'op ta xatsatsal iq'ueic batel ta stojol ti Ch'ul Dios yu'un ti Israele.”

Isaías 56:12

Xi ta xalbe sbaique: “Ba jsa' cuch'tic vino ti tsots paseme yo' jech ta xijyacub. Ti c'u s'elan ta jpastic avi tana li'e, jech me jpastic oc'om un, mi xjelav to jutuc.”

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Jeremías 2:31

(Avi tana eque, xchi'uc ti avalab anich'nabic li'e, ts'etano xa achiquin ta ya'yiel slo'il ya'yej ma' ti Dios une.) Israel, ¿mi co'ol j'elan sbajtical banomil laj ava'iun ta avo'nton? ¿Mi co'ol j'elan banomil naca queov laj ava'iun ta avo'nton? Jteclumal, ¿c'u cha'al xachi un cha'e: ‘Colemuncutic, j'ech'el mu xisutcutic talel ta atojol un’?

Jeremías 2:5

Xi ta xal ti Diose: “¿C'usi chopol laj stabeicun ti amolmuc'totic ta vo'ne ti laj xch'ac sbaic ta jtojole? Yu'un ti stuquique laj sts'acliic diosetic ti mu xcoltavane. Mu'yuc c'usi bal o c'otic ec un.

Miqueas 6:3

Xi s'elan ta xal ti Diose: “Tac'beicun tal ca'itic, jteclumal, ¿c'usi laj jpasboxuc? ¿Mi yu'un laj cutilanoxuc?

San Lucas 15:12

Xi laj yalbe stot ti its'inale: ‘Tot, ac'bun ti jrexto ti c'u yepal ta ono'ox xavac'bune.’ Jech ti totile lic xch'acbe xnich'nab ti c'usi oy yu'une.

San Lucas 15:14

C'alal laj xa slajes scotol ti staq'uine, ja' o tal tsots vi'nal ta muc' ta lum ti bu oye. Jech ti stuque, lic ya'i vi'nal.

San Lucas 15:30

Ja'uc tana le' une, c'alal vul ti avuni nich'on ti laj yixtolanbot ataq'uin ta jovil antsetique, laj amilbe ti jubem ch'in vacaxe.’

San Lucas 16:1

Ti Jesuse xi laj yalbe ya'i yan babac'op ti yajchanc'optaque: —Oy jun jc'ulej vinic. Oy jun yajbainej abtel ti bat yalbe ya'i ti ajvalile ti ta x'ixtolanbat ti c'usitic oy yu'une.

San Lucas 16:19

“Oy jun jc'ulej vinic, jun yutsiquil ti sc'u' ta slape, ti jun yutsiquil ti sve'el ta slajese, ti jujun c'ac'al ta spas ti q'uine.

Efesios 2:13

Avi tana une, ti jech oyoxuc ta stojol ti Cristo Jesuse, lanopajic xa talel ta stojol Dios ta sventa laj smal xch'ich'el ti Cristoe, ac'o mi nom to ox laxanavic.

Efesios 2:17

Ti Cristo tale, oy c'usi lec tal yac'botic jna'tic ta sventa jcotoltic, ja' ti lajuc sc'oplal ta alel cu'untic ti contra xquil jbatic ti vo'oxuc jyanlum ti nom oyoxuque, ti israeluncutic ti nopol oyuncutic ta stojol ti Diose.

2 Pedro 2:13

Jech ta xich' svocolic ec jech c'u cha'al laj yac'beic yich' svocol ti yane. Xmuyubajic ti ta satil eloval ta yac'bel sbaic ti c'usi ta sc'anique. Cuxul j'ac'vanej ta q'uexlal, j'ac'vanej ta lo'il maxil c'alal achi'inojic ta spasel ti aq'uinic c'alal batem xa yo'ntonic ta elovajel ta sq'uelel ti c'usi lec ta xilique.