San Lucas 14:21 - Bible in Tzotzil de Chamula

²¹ Ti jtunele c'ot yalbe ya'i ti yajval ti va'i s'elan tac'avic ti buch'u ic'bilique. Chopol laj ya'i ti ajvalile, xi laj yalbe ya'i ti yajtunele: ‘Batan ta ora ta jteclum. Xani o ti calleetique, ti bic'tal beetique. Ic'o talel ti buch'u abol sbaique, ti coxovetique, ti ma'satetique, ti tuncoetique.’

Tzotzil Zinacantan

²¹ Isut li mozoile, jaꞌ yech yul yalbe li yajvale ti cꞌu xꞌelan itacꞌbate. Li yajval veꞌlile icap o tajmec. “Batan ta anil ta chꞌivit xchiꞌuc ta cayatic, jaꞌ icꞌo tal li muchꞌutic meꞌone, xchiꞌuc li tuncoetique, xchiꞌuc li coxoetique, xchiꞌuc li maꞌsatetique”, xut echꞌel li smozoe.

LEQUIL ACH' C'OP

²¹ Isut li mozoile, ja' yech c'ot yalbe li yajvale ti c'u x'elan itac'bate. Li yajvale icap o tajmec, xi iyalbe li smozoe: “Batan ta anil ta ch'ivit xchi'uc ta cayetic, ja' ic'o tal li much'utic me'one, xchi'uc li tuncoetique, xchi'uc li coxoetique, xchi'uc li ma'satetique.” Xut ech'el li smozoe.

Bible in Tzotzil de Chenalhó with Deuterocanon

²¹ C'alal isut batel li mozoe, c'ot xcholbe yajval li c'usitic laj yalic jujunique. Li yajval ve'lile i'ilin, jech laj yalbe li smozoe: ‘Batan ta anil ta cuxub o'ntonaletic ta yut lum xchi'uc ta xoraltic. Ja' ic'ano tal li me'onetique, li boch'otic motajtic sc'obique, li coxoetique, xchi'uc li ma'satetique’, xut.

Tzotzil San Andres

²¹ Cꞌalal isut talel li yajtunele, laj yalbe yajval li cꞌu sba itacꞌav li jujunique. Li yajval veꞌlile iꞌilin. Jech laj yalbe li yajtunele: “Batan ta anil ta chꞌivit schiꞌuc ta cayaetic li liꞌ ta jteclume. Jaꞌ ba icꞌano talel li meꞌonetique, schiꞌuc li pecꞌaetique, schiꞌuc li muꞌyuc scꞌobique, schiꞌuc li coxoetique, schiꞌuc li maꞌsatetique”, xi.

Tzotzil de Huixtán

²¹ Hech isut tal ti yabate. Hul xcholbe ya'i ti yajvale ti c'utic laj yalic jujun. I'ilin ti yajval ve'elile. Hech lic yalbe ti yabate: “Batan ti ora ti plaza xchi'uc ti calletic li' ti jteclume. Ic'o talel ti me'onetique xchi'uc ti much'utic sicuben yoc sc'obe xchi'uc ti mecanetique xchi'uc ti ma'satetique”, xchi.

San Lucas 14:21 Iomraidhean Croise

Salmos 2:12

Xi'tabiluc avu'unic ti nijil chimiloxuc ta stojole, yu'un mu ta vocoluc ta xlic sc'ac'al yo'nton ti ta xac'otic ta lajel yu'un mi ilin ta atojolique. Ja'uc ma' ti buch'u ta sa' spojelic ta stojole, xmuyubajic no'ox ta j'ech'el.

Salmos 38:7

Xtiltun ta xti'van ti jpate; tsacbil ta chamel sjunul ti jbec'tal jtacopale.

Isaías 33:23

Jech o xal un, xch'ojonaltac ti barcoetic taje, mu xa stsin lec yu'un ti te' ti oy ta toyole. Mi ja'uc xa xlich' sba lec ti poc' sventa ti xtuch'ob iq'ue. Yepal no'ox ta jpojbetic ti c'usitic toyol stojol staojic talel ti cajcontratique ti ta to sta ta maquiel ec ti ma'sate, ta x'ochic ta xchajel ec ti coxovetique.

Isaías 35:6

Ti buch'utic coxovetique, co'ol s'elan te'tical chij xbitic no'ox liquel ta anil. Ti uma'etique xloc' xa lec liquel yu'un ti c'u s'elan x'avlajetique. Yu'un ti ta taquin sbajtical banomile, mu no'ox albajuc xbalaq'uin liquel yoc ti vo'e.

Jeremías 5:1

Ti Diose xi ta xale: “Xaniic ti calleetic yu'un ti Jerusalene. Sa'ic ta jujujot ti bu xvolvun ti jnaclejetique. T'unic lec mi oy bu ta xataic junuc ti oy ta yo'nton ta spasel ti c'usi tuq'ue, ti mu yanuc ti sjol yo'ntone. Mi oy bu laj ataique, ta jch'aybe smul scolo' ti Jerusalene.

Zacarías 11:11

Ti jech c'ac'al taje, mu'yuc xa stu com ti tratee. Ti buch'utic oy ta yoc ta sc'obic ti chije, yac'oj satic ta jtojol. Lic yaq'uic ta venta ti ja' stuc ti Dios ta xc'opoj ta sventa ti oy c'usi ta xcale.

Zacarías 11:7

Va'i un, lic jbain ta sq'uelel ti chijetic ti chapal sc'oplal ta xbat ta smilobile. Lic jbain ti c'u s'elan sventainojic to ox ti buch'u oy to ox ta yoc ta sc'obique. Ja' jech xtoc xi s'elan laj jsa' chib namte'aletique. Ti june, laj cac'be sbiin “C'uxubinvanej”. Ti jun xtoque, laj cac'be sbiin “Jpasvanej ta Jun”.

San Mateo 11:28

La' cuxo avo'ntonic ta jtojol ti vo'oxuc toj lubemoxuc yu'un ti avabtelique, yu'un ti avicatsique.

San Mateo 11:5

Chapbeic ya'i, ti ma'satetique jam xa ti satique. Ti coxovetique ta xanavic xa. Ti jc'a'emal-chameletique, pocbil tusbilic xa. Ti macal xchiquinique ta xa'iic xa c'oponel. Ti animaetique cha'cuxiic xa. Ti buch'u abol sbaique, yich'ic xa albel sc'oplal ti colebale.

San Mateo 15:12

Ti yajchanc'optaque nopajic batel ta stojol ti Jesuse, xi laj sjac'beique: —¿Mi xana' ti soc sjolic ti fariseoetic ti jech laj avale?

San Mateo 18:31

Mu ts'icbaj laj ya'iic ti yan j'abteletique, bat yalbeic ya'i ti yajvalic ti va'i s'elan c'ot ta pasele.

San Mateo 20:7

Ti viniquetique xi tac'avique: ‘Mu'yuc buch'u xiyic'uncutic ta yabtel.’ Va'i un, xi albatique: ‘Batanic ta abtel ec ta jts'unubal.’

San Lucas 14:13

C'alal ta xapas q'uine, ja' ic'o talel ta ve'el ti buch'utic abol sbaique, ti tuncoetique, ti coxovetique, ti ma'satetique.

San Lucas 14:20

Ti yane xi laj yale: ‘Naca to no'ox linupun. Mu'yuc c'usi xcut xibat.’

San Lucas 14:22

Ts'acal to sutic talel ti jtunele, ti xi c'ot yale: ‘Cajval, jech laj jpas jech c'u cha'al laj avale. Ja'uc le' une, oy to xocol ti chotlebale.’

San Lucas 14:24

Yu'un ta xcalboxuc ava'iic ta melel, laj sc'oplal ti oy buch'u ta xve' ta jna ti buch'u ba'yel laj jta ta iq'uele.’ ”

San Lucas 24:47

Ts'ibabil no'ox xtoc, ti ja' ta jventa licuc ba'yel li' ta Jerusalene, ti xcholetuc yich'uc alanbel ya'i scotol ti muc'tiquil lumetic ti oy ta sbejel banomile, ti ac'o suticuc talel ta stojol ti Diose, yo' jech ta staic ti ch'aybil ta xc'ot ti smul scolo'ique.

San Lucas 9:10

C'alal sutic talel ti jcholc'opetique, lic yalbeic Jesús ti c'usi laj spasique. Laj sq'uej sbaic loq'uel, batic ta jteclum Betsaida.

San Juan 9:39

Xi laj yal ti Jesuse: —Ti lital li' ta banomile, tal jvinajesbe c'u s'elan yo'nton ti jnaclejetique yo' jech ta xjam sat ti ma'satetique, yo' jech ti buch'u xilic ti osil yalojique, ta xjoybijic ta ma'sat.

Hebreos 13:17

Ch'unic pasel ta mantal yu'un ti buch'u ta sbijubtasoxuque, ti buch'u ta xchanubtasoxuque. Yu'un ti stuquique sbainojic ta xchabiel ti ach'ulel avanimaique, ja' ti sna'ic lec ta x'ich'bat ye sti'ic yu'un ti Diose. Mu yauc c'uxuc xava'i ta spasel ti lequil abtele. Yan mi mu jechuque, mu'yuc c'usi ta xataic unbi.

Hebreos 2:3

¿C'usi xa ono'ox ta xcutic yo' ta jpoj jbatic un cha'e mi mu jtuc'ulantic lec ti muc'ul coltaele? Yu'un ja' laj yal ba'yel stuc ti Cajvaltic sc'oplal ti pojel colele. Lic yalbotic ec ti buch'utic laj ya'iic ba'yel ti sc'oplale.

Santiago 2:5

A'yio ava'iic li'e ti xi ta xcalboxuque, Jchi'iltac: T'ujbilic yu'un Dios ti buch'utic me'unic li' ta banomile yo' jc'ulej ta xc'otic ta sventa yo' ta xc'ot ta yo'ntonic ta xch'unel ti Cajvaltique, yo' ta staic ti ventainel ti jech ono'ox albil sc'oplalic ti buch'utic c'ux ta xa'iic ti Diose.

Apocalipsis 19:15

Ti Buch'u cajal ta ca'e, ta xloc' ta ye jun espada ti juxbil lec yee, yo' ta syayijesan ti jujun muc'tiquil lume. Co'ol s'elan tsatsal taq'uin, jbel xc'opoj ta spasvan ta mantal. Ti jech mu'yuc xa c'usi x'ech' o ta xa'i yu'un sc'ac'al yo'nton ti Dios ti scotol xu' yu'une, ja' stuc ta st'us ta yacan ti uva oy ta yavile, yo' ta xloc' ti vino ta yac'bel yuch' ti jnaclejetic ta banomil ti ta sta svocolic yu'une.

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

1 Samuel 2:8

Ja' yabtel ta snit liquel ti lomem ta lum ti me'une. Ta snit loq'uel xtoc ti jc'an-limuxna ti oy ta c'a'eptique yo' jech ta xac' chotluc ti bu chotolic ti viniquetic ti ich'bilic ta muq'ue. Ta xchotan ti ich'bil ta muc' ta xc'ot ti bu yavil ti ich'bil ta muq'ue, yu'un ti Diose ja' yajval xchotlebtac ti banomile; laj xchotan liquel sbejel ti banomil une.

1 Samuel 25:12

Smosovtac ti Davide lic xcha'tam ech'el ti sbeique. C'alal c'otic ta stojol ti David une, laj yalbeic ti c'u s'elan laj yal ti Nabale.