San Lucas 13:14 - Bible in Tzotzil de Chamula

¹⁴ Ja'uc ti banquilal jpas-mantal yu'un ti ch'ul nae, cap sjol, yu'un ta sc'ac'alil cuxub o'ntonal, colesvan ti Jesuse. Xi laj yal ta stojol ti jnaclejetique: —La', ac'o abaic ta poxtael ti oy vaquib c'ac'al stac' xij'abteje, ma'uc ta yorail sc'ac'alil ti cuxob o'ntonale.

Tzotzil Zinacantan

¹⁴ Ti jmeltsanejcꞌop ta temploe icap o la tajmec ti istuqꞌuibtasbe spat jmemeꞌtic ti Jesuse ti ta scꞌacꞌalil ta xcuxique. ―Oy vaquib cꞌacꞌal ti xuꞌ chiꞌabtejotique. Jaꞌo xatalic mi chacꞌanic etꞌesbel achamelique. Maꞌuc o xatalic ta scꞌacꞌalil ta jcuxtique ―xut la ti crixchanoetique.

LEQUIL ACH' C'OP

¹⁴ Ti much'u tsots yabtel tey ta temploe icap o, ja' ti iscolta jchamel ta sc'ac'alil ta xcuxic ti Jesuse, xi iyalbe ti crixchanoetique: ―Oy vaquib c'ac'al ti xu' chi'abtejotique; ja'o xatalic mi chac'anic et'esbel achamelique, ma'uc o xatalic ta sc'ac'alil ta jcuxtique ―xut ti crixchanoetique.

Bible in Tzotzil de Chenalhó with Deuterocanon

¹⁴ Li banquilal te ta nail tsobobbaile i'ilin ti c'alal icoltavan Jesús ta sc'ac'alil cuxub o'ntonale, jech laj yalbe li cristianoetique: —Oy vaquib c'ac'al xu' chij'abtejutic. Ja'o xatalic me chac'anic coltaele. Mu xatalic ta sc'ac'alil ta jcux co'ntontic —xut.

Tzotzil San Andres

¹⁴ Li banquilal li te ta chꞌulnae iꞌilin li cꞌalal icoltavan Jesús ta scꞌacꞌalil ta xcuxique. Jech lic yalbe li schiꞌiltaque: ―Oy vaquib cꞌacꞌal xuꞌ chijꞌabtejutic. Ta scꞌacꞌalil ti xuꞌ chijꞌabtejutique jaꞌ o xatalic mi chacꞌanic coltaele. Mu me xatalic li ta scꞌacꞌalil ta jcuxtique ―xut.

Tzotzil de Huixtán

¹⁴ Ti totil yu'un ti temploe i'ilin yu'un ti icoltavan ti Jesuse ti yorail chcux yo'ntonic. Hech yu'un laj yalbe ti xchi'iltaque: ―Oy vaquib c'ac'al sventa abtel. Ja' lec chatalic ti yan c'ac'al mi chac'anic coltael. Mu me xatalic ti yorail ti jcux co'ntontic ―xut ti xchi'iltaque.

San Lucas 13:14 Iomraidhean Croise

Éxodo 20:9

Vaquib (6) c'ac'al ta xa'abtejic. Yu'un ja' o yorail ta xavabtelan scotol ti c'usi sc'an pasele.

Éxodo 23:12

“Vaquib (6) no'ox c'ac'al sjalil ta xapas scotol ti c'usi sc'an pasele. Ta yucubal (7) c'ac'al un, cuxo xa yo' jech ta xcux yo'ntonic ti avacaxe, ti aburroe, ta xcux yoc sc'obic ec ti amosove xchi'uc ti jyanlumetique.

Ezequiel 20:12

Sc'ac'alil ti cuxob o'ntonal cu'une, laj cac'be sna'ic svinajeb c'u s'elan oyic ta jtojole, svulesobil ta yo'ntonic ti c'otic ta cu'untaque.

Ezequiel 34:21

Laj atacoltaic loq'uel ti bu lubtsajeme. Laj apujic loq'uel ta luchel ti jatav batel avu'unique.

Levítico 23:3

“Vaquib c'ac'al sjalil ti stac' xa'abtejique. Ja'uc ti ta yucubal c'ac'ale, mi ja'uc xa stac' xa'abtejic mi jset'uc. Yu'un ja' jun c'ac'al ti tsots sc'oplal cuxob o'ntonal ta j'ech'ele. Ta xc'ot ta ch'ul tsoblej avu'unic. Ti buyuc no'ox ta xanaquie, ti jech c'ac'al taje, ja' cuxob o'ntonal ta sventa yich'el ta muc' ti Diose.

San Mateo 12:2

C'alal laj yilic ti fariseoetique, xi laj yalbeic ti Jesuse: —Q'uel avil, ti avajchanc'optaque yacal ta spasic ti mu jechuc sc'oplal stac' spasic ta sc'ac'alil ti cuxob o'ntonale.

Marcos 5:22

Ti bu taje, ja' o tal ta stojol jun vinic ti Jairo sbie, banquilal jpas-mantal ta ch'ul na. C'alal laj yil ti Jesuse, snupilan xa banomil laj squejan sba ta yoc.

San Lucas 6:11

Ja'uc ti yane, ech'em no'ox soc ti sjolique, ti xvulvunic xa liquel c'usi xu' ta spasbeic ti Jesús ta scontrainele.

San Lucas 6:7

Ti jchanubtasvanejetic yu'un ti oy c'usi tsots albil sc'oplale xchi'uc ti fariseoetique, ta spa'iic ti Jesuse yo' ta sq'uelic mi ta scolesvan ta sc'ac'alil cuxob o'ntonal yo' xu' ta stabeic ta sa'bel smul.

San Lucas 8:41

Ja' o c'ot jun vinic, Jairo sbie, banquilal jpas-mantal yu'un ti ch'ul nae. Ti vinic taje laj squejan sba ta yoc ti Jesuse. Laj sc'anbe vocol ti ac'o batuc ta snae.

Hechos 13:15

Ti jpas-mantaletic yu'un ti ch'ul nae, c'alal laj yo'ntonic ta yavtael ti oy c'usi tsots albil sc'oplale, xchi'uc svun ti j'alc'opetique, xi laj yalique: —Jchi'iltac, mi oy c'usi ta xavalic ta jtojolcutic ta yaq'uel yip ti o'ntonale, xu' xaval avi tana li'e.

Hechos 18:17

Ti bu taje, scotol ti griegoetique, ta sba ta sat ti Galione laj stsaquic ta majel ti Sóstenes ti buch'u yich'oj ta sventa ti ch'ul nae, ja'uc ti Galione mu sventauc.

Hechos 18:8

Jech ec ti Crispoe, banquilal yu'un ti ch'ul nae, c'ot ta yo'nton ta xch'unel xchi'uc ti yalab xnich'nabe. Yepal ti corintoetique c'alal laj ya'iic ti c'u s'elan ta xich' alele, c'ot ta yo'ntonic ta xch'unel xchi'uc laj yich'ic vo'.

Romanos 10:2

Ti israeletique, xu' ta xcal ti yac'ojbeic yipal ti ta xtunic ta stojol ti Dios yilele. Ti jech oy ti yo'ntonic une, mu xco'olaj xchi'uc ti bu albil sc'oplal ti ja' melele.

Deuteronomio 5:13

Yu'un vaquib no'ox c'ac'al ta xa'abtej. Yu'un ja' o yorail ta xavabtelan scotol ti c'usitic sc'an pasele.