San Lucas 12:48 - Bible in Tzotzil de Chamula

⁴⁸ Ja'uc ti j'abtel ti mu yaleluc ta spas ti oy c'usi mu lecuc ta xc'ot ta pasel yu'une, ja' jutuc no'ox ta stsitse. Ti buch'u yepal ta xich' comele, ep ta x'ich'bat ye sti'. Ti buch'u mu jaltabiluc c'usi ta sventaine, ep ta xtije ta c'op.

Tzotzil Zinacantan

⁴⁸ Yan li muchꞌu mu to snaꞌ cꞌusi tscꞌan li yajvale, mi mu to snaꞌ mi chichꞌ o castico li cꞌusitic ta spase, jaꞌ jutuc noꞌox castico chichꞌ. Li muchꞌu chpꞌijubtasat yuꞌun li yajvale, jaꞌ tscꞌan ti chtun yuꞌun ta tsꞌacale.

LEQUIL ACH' C'OP

⁴⁸ Yan li much'u mu to sna' c'usi tsc'an li yajvale, ti mu to sna' mi chich' o castico li c'usitic ta spase, ja' jutuc no'ox castico chich'. Scotol ti much'utic ep ch-ac'bate, ep ta xc'anbat; ti much'u ep c'usitic ch-ac'bat scuentain ti ja' patbil o o'onale, más xa ep chc'anbat.

Bible in Tzotzil de Chenalhó with Deuterocanon

⁴⁸ Yan li boch'o mu sna' c'usi tsc'an yajval, ti ja' tspas li c'usi chquich'tic nucul yu'une, ja' jutuc no'ox ta xich' nucul. Scotol li boch'o ep ch-ac'bate, ep ta xc'anbat. Li boch'o ep c'usi ch-ac'bat sventaine, ep chc'anbat sutel.

Tzotzil San Andres

⁴⁸ Yan li buchꞌu mu snaꞌ li cꞌustic tscꞌan li yajvale, schiꞌuc mu snaꞌ mi ta xichꞌ vocol ta scoj li cꞌustic ta spase, jaꞌ mu sta jech chichꞌ vocol. Li buchꞌu ta xꞌacꞌbat ep spꞌijil yuꞌun li yajvale, jaꞌ yuꞌun jaꞌ scꞌan ti ep acꞌo abtejuc yuꞌune.

Tzotzil de Huixtán

⁴⁸ Ti much'u mu laj sna' ti c'usi tsc'an yo'nton ti yajvale, ti mu laj sna' ti chich' castigo yu'un ti c'utic laj spasilane, ja' yamal chich' castigo. Yu'un ti i'ac'bat sp'ijil ep yu'un ti yajvale yu'un tsc'an ac'o abtejuc ep yu'un. Hech chaj c'u che'el mi chavac'beic yabtel jun achi'ilic yu'un chac'anic ti chascoltaoxuque.

San Lucas 12:48 Iomraidhean Croise

Levítico 5:17

“Mi oy buch'u ta sta smul ta spasel ti c'usi contra xil sba xchi'uc smantaltac ti Diose, ac'o mi mu xa'i sba ti jech oy smule, yu'un tsots sc'oplal ti xcuchoj ta xcom stuc ti smule.

Números 15:27

“Mi ja' no'ox jun ti mu yolobajuc laj spas ti bu mu lecuc bat yu'une, ti buch'u taje, ta xac' jcotuc ch'iom me' tentsun ti yich'oj jun jabil ti ta xich' svocol ta scoj ti smule.

San Mateo 13:12

Ti buch'u sc'an ta xa'ibeic ti smelole, yepal ta x'ac'bat sna'ic. Yan ti buch'u mu sc'an xa'ibe smelol ti ventainele, ta xpojbat sutel ti c'u yepal sna'e.

San Mateo 23:14

“¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti xapojbeic no'ox snaic ti me'unal antsetique. Yo' mu xvinaj ti jech ta xapasique, jal ti c'opojel ti'inel avu'unic ta xapasique. Ti jech taj une, ta xavich'ic tsots tsitsel.

San Lucas 12:41

Xi laj sjac' ti Pedroe: —Cajval, ti babac'op ti va'i s'elan laj avale, ¿mi ja' no'ox sventa vu'uncutic? ¿Mi ja' ta sventa scotolic?

San Lucas 12:49

“Ti vu'une tal jtsanbe sc'ac'al ti banomile. ¡Jc'anuc xa ca'i ma' ti tilemuc xae!

San Lucas 16:2

Ti ajvalile tavan ta iq'uel ti xi laj yalbee: ‘¿C'u cha'al jech ta xca'i ac'oplal taje? Chapanbun talel scotol ti c'usitic avich'oj ta aventae, yu'un mu xa xcac' abain ti c'usi x'ayan cu'une.’

San Juan 15:22

“Ti manchucuc lital ta sc'oponelique, mu'yuc smulic ti jechuque. Ja'uc avi tana li'e, mu xa stac' ti spac sc'oplalic ta scoj ti smulique.

Hechos 17:30

Ti ta vo'nee, ti Diose laj sts'icbe talel sbolil sjol yo'ntonic ti jnaclejetic ta scoj ti mu sna'ique. Avi tana une, ta xalbe ta sbejel banomil ti suticuc talel ta stojole.

Deuteronomio 25:2

Mi ta xilic ti ja' xtun o ta xich' tsitsel ti buch'u oy smul tabate, ti jchapanvanejetique ta xalbeic mantal ti ac'o spatan sba ta banomil ti buch'ue. Ta sba ta satic ta xac'beic yich' nucul ti ja' xtun o ti c'u s'elan laj sta ti smule.

1 Timoteo 1:11

Taje, yu'un ja' jech ta xchanubtasvan ti ch'ul colebal lequil ach' c'op ti laj yac'bun jbain yalel ti ch'ul Diose.

1 Timoteo 1:13

manchuc mi lichopol-c'opoj ta stojol ta vo'nee, ti laj quilbajine, ti laj jsa'be smule. Ja'uc ti Diose laj xc'uxubinun, yu'un mu jna' ti c'usi ta jpase, yu'un ma'uc jch'unolajelun to ox.

1 Timoteo 6:20

Timoteo, tuc'ulano, chabio lec ti avabtel la'ac'bat abaine. Mu xats'etan ani' achiquin ta ya'yiel jeche' c'opetic ti mu'yuc yipe. Mi ja'uc xats'etan ani' achiquin ta ya'yibel sc'opic ti buch'utic oy sbijil ta xalic c'alal mu'yuque, ti ja' no'ox ta xcontrainvanique.

SUN TITO 1:3

Avi tana un, ti Dios ti ja' Jcoltavanej cu'untique, sta xa yorail yu'un ti laj yac' ta a'yiel ti sc'ope, ta sventa smantal stuc ti laj yac'bun cabtel ta yalele.

Santiago 3:1

Jchi'iltac, mu me yepaluc xabis abaic ta jchanubtasvanejoxuc. Xana'ic lec ti c'alal ochemotic ta jchanubtasvaneje, tsots ta xij'ich'bat quetic.