San Lucas 12:42 - Bible in Tzotzil de Chamula

⁴² Xi laj stac' ti Jesuse: —¿Buch'u ti lequil j'abtel ti oy sbijile, ti ta x'ac'bat sventain comel sna yu'un ti yajvale yo' ta xac'be sve'el ti xchi'iltac ta abtel ti c'alal ta sta yorail ta xve'ique?

Tzotzil Zinacantan

⁴² Itacꞌav la ti Jesuse: ―Caltic noꞌox yaꞌel ti oy jun jꞌabtel ti sjunul yoꞌon ch-abteje, ti snaꞌ stucꞌulan abtele. Jaꞌ ch-acꞌbat smacꞌlin li xchiꞌiltac ta abtele ti cꞌalal sta yora veꞌebale.

LEQUIL ACH' C'OP

⁴² Itac'av ti Jesuse: «¿Much'u li jun j'abtel ti sjunul yo'on ch-abtej ti sna' stuc'ulanel li abtele? Ja' ti much'u ch-ac'bat scuentain smac'linel li xchi'iltac ta abtel ti c'alal sta yora ve'ebale.

Bible in Tzotzil de Chenalhó with Deuterocanon

⁴² Li Cajvaltique jech laj yal: “Li jchabina ti jun yo'nton, xchi'uc ti lec bije ta x'ac'bat yabtel yu'un yajval ta spucbel sve'el li xchi'iltac ta abtele.

Tzotzil San Andres

⁴² Li Cajvaltique jech laj yal: ―Jaꞌ scꞌoplal scotol li buchꞌutic chtunic cuꞌune. Li buchꞌu lequil jtunele jun yoꞌon ta xꞌabtej ta stojol li yajvale. Yuꞌun pꞌij ta xꞌile yuꞌun li yajvale, ta xꞌacꞌbat yabtel ti jaꞌ ta smacꞌlan schiꞌiltac ta abtel li cꞌalal ta sta yora chveꞌique.

Tzotzil de Huixtán

⁴² Ti Cajvaltique hech laj yalbe: ―Ti much'u p'ij yo'ntone ti jun yo'nton ch-abtej ti stojol ti yajvale, ja' ch-ac'bat sventain scotol ti much'utic te oy ti sna ti yajvale. Ja' tsventaimbe xch'aquel scotol ti ve'elile.

San Lucas 12:42 Iomraidhean Croise

Éxodo 36:4

Va'i un, ti j'abteletic ti sva'anoj sbaic ta smeltsanel ti c'usitic ta xtun ta sventa ti Axibalnae, quechel laj yicta comel ti yabtelique.

Proverbios 12:8

Ta xlequil-c'optaat ti vinic ti bu c'alal c'otem xchi'uc ti snopbenal yu'une, ja'uc ti buch'u mu'yuc lec snopbenal yu'une, xtun o ti chopol c'optabile.

Proverbios 15:23

Xcuxet to banomil yu'un ti mu'yuc stselbuj ti c'usi laj yich' alel ti juteb ono'ox oy ta o'ntonale.

Proverbios 27:18

Ti buch'u ta stuc'ulan ti icuxe, ta slo'be ti sate; ti buch'u ta sbain lec ti yajvale, ich'bil ta muc' ta xc'ot un.

Proverbios 31:15

Yamal to sna' xjulav, sob no'ox ta smalq'uinan yalab xchi'uc sme' mosovtac.

Isaías 50:4

Bijubtasbilun yu'un ti Diose, ti xu' cu'un ta spatbel yo'nton ti buch'utic lubtsajemic xae, ti xcuxet to ech'el banomil ta xa'iic yu'un ti jc'ope. Ts'etel xa jchiquin jmalaoj ca'i ti jujun sob ic'lumane. Sjunul co'nton ta jchiquintabe ti sc'ope.

Jeremías 23:4

Ta xlic jva'anan jq'uel-chijetic ti q'uelbilic yu'une, yo' mu xa'iic xi'el. Scotolic mu'yuc c'usi sna'ic. Mu lo'iluc no'ox ta xcal ma' ti vu'un Diosun une.”

Ezequiel 34:3

Lec xava'iic yuch'bel ti ya'lel xchu'e. Xameltsanic xa ac'u'ic xchi'uc ti stsotsile. Naca smilel avu'unic ti bu lec jubemique. Mu xac'an xatuc'ulanic ti chije.

San Mateo 13:52

Va'i un, xi albatic yu'un ti Jesuse: —C'alal yacal ta xchanubtas sba stuc ta sventa ventainel yu'un Dios ti jchanubtasvanej yu'un ti mantale, co'ol s'elan jech c'u cha'al jun yajval na oy c'usi yepal xchabioje, sna' stunesel xchibal, ti c'usi poco'e, ti c'usi ach'e.

San Mateo 20:8

“C'alal mal ti c'ac'ale, ti ajvalile xi laj yalbe ya'i ti buch'u yich'oj ta sventa ti abtele: ‘Ic'o talel scotol ti caj'abteltaque, ac'bo stojolic. Ja' ba'yel xlic atoj ti buch'u ts'acal xa och ta abtele. Ja' jech s'elan xcholet ta xatoj ti caj'abteltaque yo' slajeb xa ta xich' stojolic ti buch'utic ba'yel ochic ta abtele.’

San Lucas 12:43

Jun yutsil ti j'abtel c'alal yacal ta spas yabtel ta xvul taeuc yu'un ti yajvale.

San Lucas 7:13

C'alal laj yil ti Cajvaltique, c'uxubaj yo'nton yu'un ti me'unal antse, ti xi laj yalbee: —Mu xa xa'oc'.

San Lucas 7:19

Laj stac batel ta stojol ti Jesuse yo' ta sjac'beic mi ja' Cristo ti oy sc'oplal ta xtale, mi ta to smalaic yan.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

1 Timoteo 3:15

yu'un mi lijalije, xana' xa c'u s'elan sc'an ti ta spasic ti jch'unolajeletic ti c'otem ta yu'untac ti cuxul Diose, ti ja' ta sva'an sbaic ta spojel ti bu ja' melele, yo' mu xyanij ti sc'oplale.

1 Timoteo 5:17

Ich'biluc c'otuc ta muc' yu'unic ti jventainvanejetic ti buch'utic xtojobic ta sventainel ti jch'unolajeletique, ti ja' x'ech' tsots sc'oplal ich'biluc c'otuc ta muc' yu'unic ti buch'utic yabtelinojic ta xcholel ti sc'op Diose xchi'uc ti jchanubtasvaneje.

2 Timoteo 4:2

Paso tsatsal ta yalel ti lequil ach' c'ope. Mu xavicta ta yalel. Mi sc'an xa'iic, mi mu sc'an xa'iic, yavil mi laj avale. Ac'bo sna'ic ti lequil ach' c'ope. Tac'aluc c'otuc ta yo'nton avu'un ti oy c'usi quechel maquic ti jnaclej ta banomile. Muq'uibtasbo yo'ntonic. Mu xatsiq'ues avo'nton ta chanubtasvanej.

SUN TITO 1:7

Yu'un ti buch'u ta x'och ta jventainvaneje ja' ta sbain ti c'usi ja' yu'un ti Diose. Jech o xal un, tsots sc'oplal ti lecuc ta q'uelel ti xcuxlejale, ti mu jbeluc ta c'ope, ti mu jtoyobbauque, ti ma'ucuc jun jyacubele, ti jun ti ma'ucuc jun jsa'letoe, ti ma'ucuc jun jyacvanej ta lo'lavanej ta stael ti staq'uine.

Hebreos 13:17

Ch'unic pasel ta mantal yu'un ti buch'u ta sbijubtasoxuque, ti buch'u ta xchanubtasoxuque. Yu'un ti stuquique sbainojic ta xchabiel ti ach'ulel avanimaique, ja' ti sna'ic lec ta x'ich'bat ye sti'ic yu'un ti Diose. Mu yauc c'uxuc xava'i ta spasel ti lequil abtele. Yan mi mu jechuque, mu'yuc c'usi ta xataic unbi.

Hebreos 13:7

Mu xach'ay ta avo'ntonic ti buch'utic laj xchanubtasoxuque, ti laj yalboxuc ava'iic ti sc'op Diose. Nopic lec c'u s'elan ti xcuxlejal ech'ique. Chanbeic yo'nton ti c'u s'elan c'otem ta ch'unel yu'unique.

Hebreos 3:5

Ja' jech ti Moisese, ti ja' jun lequil jtunele, laj sventainbe scotol ti c'usitic oy ta sna ti Diose. Yu'un ti jech itune, laj sva'an sba ta scaj'albel sc'oplal ti c'usitic ts'acal to ta xvul ta loq'uel yu'un ti Diose.

1 Pedro 4:10

Jechuc atalelic jech c'u cha'al ti lequil jtunel ta sventa ti yalel toyol la'ac'bat abijilic yu'un ti Diose. Ja' jech xatunic yu'un ti yan ta sventa ti c'u s'elan la'ac'bat ti abijilique.