San Lucas 12:21 - Bible in Tzotzil de Chamula

²¹ Ja' jech ta xc'ot ta stojol ti buch'uuc no'ox ta sbusan ti sc'ulejale, le' une, me'un mu'nat oy ta stojolal ti Diose.”

Tzotzil Zinacantan

²¹ Jaꞌ noꞌox yech ti muchꞌutic ta stsob scꞌulejalique ti stuquic noꞌox chtun yuꞌunique, abol sba ch-ileic yuꞌun ti Rioxe ―xꞌutatic la yuꞌun ti Jesuse.

LEQUIL ACH' C'OP

²¹ Ja' no'ox yech chc'ot ta stojol ti much'utic ta stsob sc'ulejalic ta scuenta no'ox stuquique, pero ja' más me'on ch-ileic yu'un ti Rioxe.» ―X'utatic yu'un ti Jesuse.

Bible in Tzotzil de Chenalhó with Deuterocanon

²¹ Ja' jech sc'oplal li boch'o ja' no'ox tstsob ep sc'ulejal stuque. Ta stojol Diose me'on”, xi li Jesuse.

Tzotzil San Andres

²¹ Jaꞌ jech scꞌoplal li buchꞌu jaꞌ noꞌox ta scꞌan ta stsob ep scꞌulejal stuque. Ta stojol li Diose abol sba ―xi li Jesuse.

Tzotzil de Huixtán

²¹ Ja' hech sc'opilal ti much'u ja' no'ox tstsob sc'ulejal tsc'upin stuc. Mu'yuc sc'ulejal ti stojol ti Diose ―xchi ti Jesuse.

San Lucas 12:21 Iomraidhean Croise

Proverbios 13:7

Oy buch'u sbisoj sbaic ta jc'ulej yilel, mu'yuc c'usi x'ayan yu'unic; oy buch'u sbisoj sbaic ta me'un mu'nat yilel, oy scotol c'usi x'ayan yu'un.

Oseas 10:1

Ti Israele co'ol s'elan jtec' uva ti vojol no'ox ta xac' ti sate. Ja' no'ox un, ti jech mu albajuc ta xac' ti sate, mu'yuc spajeb, naca sva'anel no'ox yu'un ti altaretic xtoque. C'alal mu no'ox albajuc yutsilal ta q'uelel ti yosilalique, ja' jech xtoc ochem yipal yu'unic ta smeltsanel ti mu no'ox albajuc yutsil ti ts'uiltasbil loc'tabil tonetique.

Habacuc 2:9

Mu xa ono'ox cha'belucot un, ti laj abusan ta ana ti c'usitic elc'anbil avu'une, yo' jech ta xapoj aba avaloj yu'un ti c'usitic xi'bal sba ta xvul ta loq'uele.

San Lucas 12:33

Ti c'usitic oy avu'unique, chonic scotol. Ti stojole, ac'beic ti buch'u me'on mu'natetic ti ta xtun yu'unique. Sa'ic ti c'usi mu sna' xlaje yo' oy ac'ulejalic ta vinajel, ti bu mu xlaje, ti bu mu x'och ti j'eleq'ue, ti mu x'och ti xjoch'e.

San Lucas 16:11

Mi mu ta slequiluc avo'ntonic ta xatunesic ti c'usitic x'ayan avu'unic li' ta banomil ti sna' xlaje, ¿buch'u ta xac'boxuc aventainic ta tunesel ti bats'i c'ulejale?

San Lucas 6:24

“¡Mu cha'beluc un, ti jc'ulejoxuque laj xa ataic ti xamuyubajique!

Romanos 2:5

Ta scoj ti toj tsots avo'ntone, mu xac'an xasut ta stojol ti Diose. C'ajomal yacal xa ta xacajtsobilan atsitsel, ti atsoboj xa atsitsel c'alal ta sta yorail ta xtal lequil chapanvanuc ti Dios ti jbel xal oy ti mulile.

2 Corintios 6:10

Oy bu mu xa x'ech' ta xca'icutic ti at o'nton yilele, c'alal jun la co'ntoncutic xtoc une. Oy bu me'ununcutic xa ta q'uelel yilel, c'alal yepal oy buch'u ta sta sc'ulejal cu'uncutique. Oy bu ch'abal xa c'usi cu'uncutic ta q'uelel yilel, c'alal oy la cu'uncutic scotol xtoc une.

1 Timoteo 6:9

Ja'uc ti buch'u ta spas sba ya'i ta jc'uleje, ta xyaque ta pets' ti mu cha'bel stsal yu'un ti ic'bil chechbil yu'un ti sc'upijel yo'nton ta soquesel sba xchi'uque, ja' scoj ti ta xch'ayic ta be ti viniquetic ti ch'ayel sq'uelojic batele.

Santiago 2:5

A'yio ava'iic li'e ti xi ta xcalboxuque, Jchi'iltac: T'ujbilic yu'un Dios ti buch'utic me'unic li' ta banomile yo' jc'ulej ta xc'otic ta sventa yo' ta xc'ot ta yo'ntonic ta xch'unel ti Cajvaltique, yo' ta staic ti ventainel ti jech ono'ox albil sc'oplalic ti buch'utic c'ux ta xa'iic ti Diose.

Apocalipsis 2:9

Jna' lec scotol ti avocole, ti ame'unal amu'natile, ti c'alal jc'ulejot ono'oxe. Jna' lec ti ta xavich' chopol c'optael yu'un ti buch'utic sbisoj sbaic ta israeletique, ti c'alal ja' yu'untac ti pucuje.