San Lucas 12:15 - Bible in Tzotzil de Chamula

¹⁵ Xi laj yal xtoque: —Bijanic, q'uelo abaic yu'un ti sbic'tajel avo'ntonique. Yu'un ma'uc ta sta o xcuxlejal ti vinic mi yepal oy c'usi x'ayan yu'une.

Tzotzil Zinacantan

¹⁵ Ti Jesuse jaꞌ la yech lic yalbe ti crixchanoetique: ―Qꞌuelo me abaic, mu me jaꞌuc noꞌox ta avoꞌonic li cꞌusitic oy ta sba balamile. Acꞌu mi oy ep cꞌusuc avuꞌunic pero maꞌuc chata o jun avoꞌonic.

LEQUIL ACH' C'OP

¹⁵ Ti Jesuse ja' yech lic yalbe li crixchanoetic chac li'i: ―Q'uelo me abaic, mu me ja'uc no'ox batem ta avo'onic li c'usitic oy ta sba balamile; yu'un li xcuxlejal li crixchanoe, ma'uc to tey tsta mi bats'i oy tajmec c'usuc yu'une.

Bible in Tzotzil de Chenalhó with Deuterocanon

¹⁵ Li Jesuse jech laj yalbe scotolic: —Bijanic me, q'uelo me abaic ta sventa li xpich'etel avo'ntonique. Yu'un li xcuxlejal jun cristianoe ma'uc te tsta o me bats'i ep c'usi oy yu'une —xut.

Tzotzil San Andres

¹⁵ Li Jesuse jech laj yalbe scotolic: ―Qꞌuelo me abaic, mu me xapichꞌ o avoꞌonic li cꞌustic oy liꞌ ta balumile. Manchuc mi oy cꞌusi ep chataic pero maꞌuc noꞌox me xamuybajic o ―xut.

Tzotzil de Huixtán

¹⁵ Ti Jesuse hech lic yalbe ya'yic scotolic: ―P'ijanic me, mu me puru xbic'taj avo'ntonic yu'un ac'ulejalic. Yu'un ma'uc chacuxiic yu'un ti c'u yepal tstsob avu'unic li' ti balumile ―xchi.

San Lucas 12:15 Iomraidhean Croise

1 Reyes 2:40

ta jech no'ox yepal laj slapbe siya ti sburroe, laj stam batel sbe ta Gat ti bu oy ti Aquise, ta sa'el ech'el ti cha'vo' smosove. C'alal sut xa talel ta Gat ti Simei xchi'uc ti cha'vo' smosove,

Job 2:4

Ja'uc le' une, ti jtic'-mulile xi laj stac'be ti Diose: —C'alal mu'yuc to ta xich' tijbel ta c'op jutebuc ti sbec'tal stacopale, scotol x'ech' xjelav no'ox ta xa'i. Ti vinique, xu' to yu'un ti smeyoj yoc sc'ob ta xcom yo' mu xtub ti sc'oplale.

Salmos 10:3

Ti buch'u mu'yuc xch'ulel xa'i sbae, chi' xa no'ox ta xa'i ta yac'bel sba c'usi ta sc'an ti yo'ntone; ti bic'tajem yo'nton yu'un ti c'usi ta sc'ane, ta sbis ta cotol chaval, ta sjip ta sten ti Diose.

Salmos 37:16

Jun yutsil ta j'ech'el ti c'u yepal oy yu'un ti buch'u lec yo'ntone, ja' mu sta yutsil ti busul no'ox sc'ulejal ti buch'u chopol ta xa'i sbaique.

Salmos 62:10

Mu xapat xa avo'nton yu'un ti tsatsal vinic xava'i abae, mi ja'uc ta xrioxinel ti elc'ajele yo' jech ta xac'ot ta c'ulej. Mi laj ata ti caj tsacal xava'i abae, mu xapat avo'ntonic yu'un ti taq'uine.

Proverbios 15:16

Ja' xitic no'ox ti c'ulejale, mi ja' xi'tabil ti Diose, manchuc mi jc'ulej mi mu albajuc oy ti vocole.

Proverbios 16:16

Ti yich'uc tael ti bijilile, x'ech' to yutsil, ja' mu sta ti oroe; ti oyuc lec ti snopbenale, x'ech' to yutsil, ja' mu sta ti platae.

Proverbios 28:16

Ti jbainvanej ajvalil ti mu xa'ibe xchiquinale, ta x'epaj vocol yu'un; ti buch'u mu'yuc sbic'tal yo'ntone, ta xil lec ti xch'iel sc'opojele.

Jeremías 6:13

“Yu'un scotolic, manchuc mi ich'bil ye sti'ic, mi mu'yuc, c'ajomal no'ox batem yo'ntonic ta stsobel ti oyuc no'ox c'usi x'ayan yu'unic ti mu'yuc laj ya'iic c'uxi ta tojele. Yu'un ti j'alc'opetique xchi'uc ti paleetique, naca j'eleq'uetic scotolic.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

Miqueas 2:2

C'upijem yo'ntonic yu'un ti osil banomile, ta xlic yu'ninic un. Xuj xutic no'ox loq'uel xchi'uc yalab xnich'nab ti yajval naetic ti bu c'upij yo'ntonic yu'une. Poj xutbeic xrextoic ti c'u yepal smacojique.

Habacuc 2:9

Mu xa ono'ox cha'belucot un, ti laj abusan ta ana ti c'usitic elc'anbil avu'une, yo' jech ta xapoj aba avaloj yu'un ti c'usitic xi'bal sba ta xvul ta loq'uele.

Marcos 7:22

ti pas mulile, ta yu'ninbel c'usi oy yu'un ti xchi'ile, ti me' mulile, ti lo'lavaneje, ti mu'yuc q'uexlalile, ti yit'ixal o'ntonale, ti tic' mulile, ti toyobbaile, ti ch'abal lec snopbenal yu'une.

San Lucas 12:16

Xi laj yal jun babac'op ti Jesuse: —Oy jun jc'ulej vinic ti lec ac'bat ti c'usitic sts'unojan ta yosile.

San Lucas 16:14

C'alal laj ya'i ti fariseoetic ti va'i s'elan laj yal ti Jesuse, lic slabanic yu'un batem yo'ntonic yu'un ti taq'uine.

San Lucas 21:34

“Bijanic, mu me xyijub avo'ntonic yu'un ti yacubele, mi yan ti c'usi ta xapasique, ti xvulvun no'ox avo'ntonic c'usi xu' ta xavut aba li' ta sba banomile, yo' mu ch'ayaluc avo'ntonic xataeic ti jech c'ac'al taje.

San Lucas 8:14

Ti ts'unobal c'ot ta ch'ixtique, ja' sc'oplal ti oy jlom lec ta xa'iic ti sc'op Diose. Mu ictabaj ta xa'iic ti stalelique, ti sc'upijel yo'ntonique. Slubtsajic ta be yu'un ti slo'il yo'ntonique, ti sc'ulejalique. Mu'yuc tsots sc'oplal laj ya'iic.

1 Corintios 6:10

ti j'eleq'ue, ti ta yu'ninel ti c'usi ma'uc yu'une, ti jyacubele, ti jlo'iltavaneje, scotolic taje mu x'ochic batel ti bu oy ti ventainel yu'un ti Diose.

Colosenses 3:5

Jech un cha'e, j'ech'el tubuc chamuc ta avo'ntonic scotol ti naca sventa sba banomile, ti mulivajele, ti mu'yuc smelol ta q'uelele, ti c'usi ta soquesvane, ti sc'upijel o'ntonale, ti c'usi chopol ta nopele, ta yu'ninel ti c'usi ma'uc avu'unique, (taje, ja' co'ol xchi'uc ta xrioxinel ti c'usi meltsanbil ta c'abale).

2 Timoteo 3:2

Ti jujun jnaclej ta banomile stuc no'ox ta xc'uxubin sbaic, c'upijem yo'ntonic yu'un ti taq'uine, stoyoj sbaic. Stuc xa no'ox lec oy ta xa'i sbaic. Ta xchopol-c'optaic ti Diose. Mu xch'unbeic smantal ti stot sme'ique. Mu sna' xalic colaval. Mi ja'uc ta xich'ic ta muc' ti oy c'usi ch'unbile.

Hebreos 13:5

Junuc avo'ntonic xchi'uc ti c'usi x'ayan avu'unique. Ma'ucuc bic'tajem avo'ntonic yu'un ti taq'uine. Yu'un xi ta xal ti Diose: “J'ech'el mi ja'uc ta jipot ta jtenot comel.”

Josué 7:21

Laj quil ta scotol ti c'usi laj jtamcutic ta Jericoe, ja' jlic poc' ti c'upil sba ti liquem talel ta Babiloniae, lajunvinic (200) ta sep plata taq'uin, xchi'uc jtel oro ti x'ech' jutuc ta o'lol kilo ti yalale. C'upij co'nton yu'un ti jaytos taje. Laj quich' comel. Laj jombe xch'enal ta yut caxibal na, laj jmuc ti taq'uine.

2 Pedro 2:14

Laj to c'op ma' ti mu'yuc ta yo'ntonic ta sc'upinel ti antsetic ti c'alal ta xilique. Mu x'ech' yo'ntonic ta sa'el ti smulique. Naca svosesbe no'ox yo'nton ti antsetic ti buch'uc naca xa quiquil xa'i sba eque, yu'un sna'ic lec c'u s'elan ta xyacvan xchi'uc ti sc'upijel yo'ntonique. Yu'un ch'ayel sq'uelojic batel.

2 Pedro 2:3

Ti jech tsacbil lo'labil yo'nton yu'un ti taq'uine, ta xilboxuc avocolic ta yilbajineloxuc ta slo'laeloxuc ti c'usi ta xchanubtasvanique. Manchuc mi jech un, jbel sc'oplal ta stojic. Laj to c'op ma' ti ta xcolique, yu'un vo'ne xa chapal sc'oplalic.